كل ما تحسى بفتور فى العبادة في رمضان 🌙 .. إفتكرى إن في ناس كانوا موجودين معانا فى الدنيا لحد الشهر اللى فات بس 🔻
نايمين دلوقتى فى قبورهم .. بييجى عليهم الثلث الأخير من الليل وربنا بيتنزل فى السماء الدنيا بس هما مش بيقدروا يدعوا ولا يستغفروا وﻻ حتى استغفار واحد بس ✋
و الآذان فى المسجد اللى جنب المدافن بيأذن 🕌 بس هما ميقدروش يقوموا يصلوا ويتذللوا لربنا أو يدعوا بين الآذان والإقامة .. مبقاش ينفع يقروا لا جزء وﻻ حتي صفحة مصحف 📖
🎯 إغتنمى الفرصة اللى إنتى لسة فيها .. غيرك عنده استعداد لو يدفع كل حاجة كان فى يوم يملكها مقابل ساعة واحدة يرجع الدنيا يقضيها كلللها عبادة بس.
وإحذرى ⛔️ من الحاجات اللى بتضيع الوقت .. زى التليفزيون و النت وكتر الكلام وكتر النوم.
إنتى إنهاردة لسة 👈 فيها .. إستغلى الفرصة دى بالطول وبالعرض ..
لو حد فينا بعد ما مات إفتكر إنه كان مرة فى رمضان وكان عنده حاجة إسمها فتور 🔸🔹 حيقول ياااااريتنى إستغليت كل لحظة فيه ..🌴 حتى اللى عرف إنه من أهل الجنة ممكن يكون لو شد حيله شوية فى رمضان ده كان جاب درجة أعلى أو حتى الفردوس الأعلى.
⛔️ مستستهونيش باللحظة فى رمضان
⛔️ متعرفيش رمضان الجاى - لو لحقتيه أصلاً - حتكونى بصحتك وﻻ مبتلاة بتعب 🔺 وحتكونى فاضية وﻻ ظروف قهرية شغلتك .. نسأل الله العافية
⛔️ توبى من ذنوبك وأقفى وقفة معاها ✋ .. ذنوبك ممكن تكون سبب فتورك وعدم قدرتك على التعبد
مينفعشى طالب ثانوية عامة 📚 ييجى قبل الامتحان بقليل ويقول أصلى زهقت من المزاكرة وعندى حالة ملل .. فيه أوقات مينفعشى فيها كدة
أذكركم وإنى لكثيرة الإسراف على نفسى .. ربنا يصلح أحوالنا جميعاً يارب
#أيام_معدودات
#الفتور_مش_وقته*
#رمضان_فرصة_مش_عادية*👇
#إوعى_تضيعيها_منك*
أنت تقرأ
الجنه غايتنا 🌸
Randomعن انس رضي الله عنه ان رجلا سأل النبي صلي الله عليه وسلم متي الساعه ؟؟؟ قال صلي الله عليه وسلم : وما اعددت لها ؟ قال الرجل : لا شئ الا اني احب الله ورسوله. قال صلي الله عليه وسلم : انت مع من احببت 💝
