لكل بيت حكايه (مكتمله )

القصه الثانيه

هل قصه جنت ناشرتهه سأبقه
بس البعض  متطلعله....

اعوفكم ويه قصه جديده
وللبيوت اسرار

السلام عل من رد السلام
للكاتبه بنت جبور
رقيه غانم
NotelJubouri

‎ما تســـوه الدمــع صدكني
دنياتــك افرح وابتسم وانسى الحزن يـهــواي مـاريــد الدمع
يمحيلي ضحــــكاتـك
وميلوك الدمع لعيونك
الــحــــــلـوات خلـي
چفوفي تمسح هايه دمعاتك           
   ❤‎

السلام عليكم اسمي رسميه
عمري حاليا ٤١ سنه من
مواليد ١٩٧٩ شهر ٥/٧ من
بغداد مدينه الصدر 
المنطقه الي ساكنين بيها
عاديه وشوارع ضيكَه
وبيت كبال بيت انتو
شايفين المدينه
وازقتها ...احنه بس ٣ بنات
وامي .. ابويه ميت من زمان
صايره عركَه بشارع وجايه
طلقه تايهه وكاتله ابويه
اباب بيته حسب  الي سمعته
من امي..  امي المعيل الوحيد
وعاشين عل خياطه
امي تخيط وتبيع وتطلع من صبح
للعلوه تشتري مسواك وتجي
احنه ٣خوات ولا وحده تدرس
بينه لا داخلين مدرسه
ولا نعرف
نقره ونكتب نعرف بس
نكعد الصبح
ونضف ونفكَر بلغده
وبلعشه ونتكافش
عل شغل ارجع وياكم من
جان عمري ١٥ سنه ....

سنه ١٩٩٤،،،٦/٧ بغداد
مدينه الصدر
الساعه ٦:٣٠

ام رسميه:- وج رسميه
رسميه

رسميه:- رجعت راسي
ليوره وصحت من الدرج
هاا يمه شتردين

نزلي ولج شكبرج اصيرين بعد
اكو بنيه لسه صاعده عل سطوح

:- يا يمه شجاج غير جنت
ارش بسطح وفرشته لليل
جاوبتني وهيه تخرمش
بخدوها وج فضحتينه نزلي
عاد اني صدك خليت الطاسه بالجدريه
وخليتها عل راسي واترندح منا ومنا
ب دشداشتي الكَودري جنت مكيفه
بيها جديده بذاك اليوم مو احس
لبسه دشداشه شوفتها لكل بنات
الدربونه اليمنه واطلع بلساني واعيب
عل خواتي لان امي ممخيطتلهن
عبن شنو ميشتغلن بس اني
كلت بيني
وبين نفسي يا يمه شجاج
متقبلين وذا هسه هاي البنات
كله تصعد بس احنه

زينب :- لج شعندج صاعده فوك

جاوبتها شبيج زينب قابل شعندي
غير فرشت لليل انام بي

زينب:- بحديه انتي تدرين العالم كله تصعد
عل سطوح العصر ومتروسه ولد
شكوو صاعده اله يسون سالفه
عليج

:- عوجت حلكي يا هاي شبيها
عود هزيت ايدي ولكيت بيداء
دسوي طماطه وكفت يمها
كتله بيداء شتكولين باجر
نروح عل قسمه جيرانه
سمعت مسويه اكَليجه

بيداء:- ههههه كبر وج انتي
رايحه بس تاكلين ثوله عدهم ولد
كبار وهم ولد عمهم يمهم اذا سمعت
امي بينه تكسرنه استري علينه لا والله
تكص كصايبنه