رواية #ملتزمه #تزوجت من #رجل اعمال #(الجزء الثاني )

الحلقه الاولي (الجزء الثاني )

(السلام عليكم ورحمة الله فكرت كتير. قلت ياتري قصة خديجة وباسم اخرها كده. وكفايه بقا لحد هنا ولا اكمل ترددت كتير جدا ولكن استعنت بالله. وقلت هبدا اكتب. واللي ربنا رايد بيه هو اللي هيكون. قلت انا لسه مش استكفيت من سرد بقية القصه. اينعم هم شخصيات من وحي خيالي. بس بنستفاد منهم كتير ويمكن كل واحده فينا تكون خديجه. لما تبدا التغير. عشان كده وبالله التوفيق حبيت اكتب الجزء التاني. #بقلم جهاد سعيد. دعواتكم لي )

خديجه وباسم قاعدين علي السفرة بيفطرو

باسم بضيق. انا كنت رافض اني بنتك تدخل طب بس انتي فضلتي تقولي حلم حياتها. انها تبقي دكتورة. يرضيكي بنتك مبيته بره البيت ده اللي كنت عامل حسابه

خديجه بابتسامه. ياحبيبي. هي بايته في المستشفي. وباذن الله. كلها شويه وهتلاقيها قدامنا. وبعدين احنا اتكلمنا في الموضوع ده كتير. والحمد لله اني ربنا انعم علينا. بالذريه الصالحه. يعني انها تدخل طب مش عشان كليه قمه وتبقي الدكتورة فلانا. لا هي دخلت عشان بس تتطبق قوله تعالي (ومن احياها فكأنما احيا الناس جميعا)

بتحاول انها تكون سبب في نجات الناس بتحاول تتقي الله في عملها. ربنا يباركلنا فيهم ويحفظهم ويجعلهم شفعاء لنا يوم القيامه.

باسم ، انا عارف كل ده،بس مضايق من فكرة انها تبات بره البيت،امال لو مكنتش المستشفي بتاعتنا يعني محدش يقدر يغصبها.

خديجه بزعل مصتنع . انت اللي بتقول كده. ينفع. الشيخ باسم. هو اللي يقول كلام زي ده.

باسم بجديه. الشيخ باسم بشر وخايف علي بنته. حبيبة قلبه.

خديجه بمزاح. لا كده هغير ياحج. وهقتل بنتك وانت السبب

باسم بابتسامة. لا وعلي ايه. الطيب احسن ،انا عجزت دلوقتي. خلينا واكل شارب نايم

خديجه ، سبحان الله انا بقي شايفاك لسه في عز شبابك،

باسم بحب وانا لسه شايفك البنت اللي شدت انتباهي وخلتني افكر فيها ليل ونهار. البنت اللي كانت السبب في نجاتي. ويارب كما جمعنا في الدنيا اجمعنا في الفردوس الاعلي مع حبيبك المصطفي صل الله عليه وسلم.

خديجه اللهم امين.

باسم ، ربنا يباركلي فيكي. كفايه انك بتتحمليني وقت غضبي. مفيش مرة صوتك اترفع عليا ولا حتي وانتي زعلانه. وانا ببقي غلطان. بتكثفيني. بأخلاقك. فعلا خير متاع الدنيا الزوجة الصالحه، 

خديجه بابتسامه. وانت برده شايل عني كتير ومفيش مرة اهملت فيا يكفي اني لما اعمل حاجه بتنسيني تعبي بسبب كلمة حلوه منك، انت نعم الزوج الصالح ونعم الاب الصالح،  انت كرم من ربنا ليا ، ربنا يطول في عمرك. ويباركلي فيك.

خالد نازل علي السلم وبيبص لامه وابوه باعجاب، وفرحان بالحب اللي بين ابوه وامه لحد الان. دعي ليهم.