• بِداخلي أنتَ حتى وإنّ لم تكُن الأن معي ♥️
ميار ... نزلت غسلت وجهي وسويت ريوك وكعدتهم واسد همات كعد غسلو ونزلو جوه تريكو وطلعو للحديقه يلعبون اليوم اسد مطلع لان معنده شي راح بالصاله يكنك واني نضفت غرفتهم ورتبته موتوني بس يهوسون واستاذ نمر يوم يعزل يوم لاا رتبت كولشي بمكانه ومسحت الغرفه رحت لغرفتي عزلته ولميت الملابس الوصخه ذبيتهن بالغساله ومسحت الغرفه وعطرته ونزلت مسحت الدرج والصاله والمطبخ والمضيف وطلعت للجهال لكيتهم يلعبون طبعاا اسد حاطلهم مراجيح لان الحديقه جبيره كنست الطارمه ومسحتهه وعزلت الحديقه ودحلت الجهال جوه كعدو يم اسد واطيتهم كول واحد الايباد مالته عفتهم يلعبون كمت سويت غده تمن ومرك فاصولياا وشعريه ودجاج تكلاه ع ما استوه الاكل اني حضرت اللبن والمي والزلاطه صارت ب 12 كام اسد وفرش للجهال مصلاياتهم وكامو يصلون وي اسد صلاه جماعه اني صليت وكملت وهمه همات بوستهم وصبيت غده وكعدنه نتغده كملنه وشلت المواعين غسلتهن وسويت جاي صبيته وديت ل اسد جان يكول نمر
نمر .. مامه اني مو رجال ليش مصبيلي جاي
ميار .. يروح مامه صار من عيوني وهذاا جاي ل احلاا نمر بالدنياا
كملو غسلت الستكاين واخذت الجهال وصعدنه للغرفه اسد نايم ع الجربايه راحو ركض عليه يبوسون بي هو شال نور وخلاهه ع كلبه ونمر ع يمينه وعلي ع يساره وعشق ع رجليه ويغنون ويضحكون واني نمت بصف نمر محسيت غير ثكل فوكاي فزيت شفت اسد نايم فوكاي والجهال نايمين واحد بصف واحد ومشابكين اني شبكت اسد وكمت هو مدد وصرت فوكاه غفيت كعدت ب 4 وكعدت الجهال سبحتهم وبدلت الهم لبستهم برمودات لونهن اسود وطلعو يلعبون بالشارع واسد بدل وطلع ل اصدقائه اني ضليت اسوي عشه بس كلبي ناغزني بعد ساعه اجه اسد بس مو ع بعضه متغير صعدت وراه للغرفه لكيته لابس برموده سوده بس مو ع بعضه احس صاير شي
ميار .. اسد حبيبي شبيك
اسد.. اخذني للجربايه وحضني حيل وكلي البقاء بحياتج عمي مات وحضني حيل
ميار .. شنو... .. بعد محسيت بالدنيا
اسد... بس سمعت كلمه شنو بعدين اغمه عليهه كمت اصيح نعلو صوتي دخلو الجهال يركضون
اسد.. نمر بابه جيب مي بسرعه
جاب نمر مي ورشيته عليهه شويه وصحت حضنتني وضلت تبجي وتصيح بلكوه لازمهه كامت بسرعه طلعت ملابسهه السود ولبست دشداشه وراحت طلعت عباته وغراض الجهال وكالت
ميار... اخذني لبيت اهلي بسرعه
اسد.. ميار حبيبتي اهدي فدوه اروحلج
ميار .. 😭😭😭😭😭😭😭شلون اهدي وابوي جوه التراب راح ابوي اسد راح ابوي فدوه وديني
اسد .. مياا الجهال خترعو روحو بابه صعدو بالسياره واخذته والطريق كله تبجي وصلت ل بيت اهلهه وهستومهم جايبين الجنازه ذبت روحه ع التابوت
