تكسيده ليبيه

بارت 2💙

رواية شاب واقعيه..
#بعنوان_هم_جبروني_الحلقه_الثانيه_للكاتبه_shosheta..

حبايبي.. قصصي من ارض الواقع  يعني جو الاكشن  والاحداث امتاعات الوهم وMBC2...هذن ف مكان اخرا الي حاب يدورهن...

عندي نا..نهتم ب صاحب القصه واحساسه من تجربته.. ونحكيه لكم كيف م عرفته..
يعني مرات يكونن مواقف عاديات مفيهنش قتل  ولا امر فوق الطبيعه..

الي متابع معاي من قبل حاب النمط هذا..
وهكي انفضل انا..❤️

وحكيتلكم عشان في متابعين اجدد ويطلبوا ف اكشن ف كل حلقه...

المهم المعنى يوصل مش  الاحداث❤️👌🏼
♡♡♡♡♡♡♡♡♡♡♡♡♡♡♡♡♡♡♡♡♡♡

هي توا شور بطلنا الجديد...

قراءه🎀ممتعه..

حكيتلكم البارح ع البيئه  الي عايش فيها .. وحاولت نختصر وانوضح كل شي بدون توسع..

مكنتش حاب يكون ليا خوت..
وكنتش ع درايه كافيه  بالحياه وقتها

ومكنتش عارف ان لما يكون في خوت من غير اب او من ام ثانيه. ح يصير ف ظلم في حجات معينه..

ومكنتش عارف  ان في  ابهات وامهات اتغيرهم الدنيا او بعض الناس  ع عيالهم ويصيروا يجافوهم.. ويحرموهم من ابسط شي
  من حقهم زي نفقه او مصروف او حتى المسكن.. (منبش انقوللكم جو ادراما واهتمام وحضن امي وباتي  ودلع)لالا منبش...

نا شااب  وصح مش واعي بما فيه الكفايه..بس نعرف المهم من الي مش مهم...

زي مثلا...

1.الاهم عندي كان قعدتي وسط هلي وفي مكان واحد..
《بس الشي انحرمت منه》

2.والاهم عندي كان نبي وين نحط راسي ف ليل
《بس برضوا معندش  وين》

3.الاهم عندي فترتها نلقى مصروفي
《بس برضوا جتني فتره حتى ربع اجنيه في جيبي ماعندي》👎🏼💔

هذن جزء بسيط من الي حكيته...

منبش حد يشفق علي نا رااجل...

عاارفين شنوو نا..
《رااااااااااجل》والكلمه  هذي..متبش دلع ولا خبر فاضي...

===============

عمتي الي حكيتلكم عليها..
مش اخت باتي...
لالا..

《اخت زوج امي》..انقوللها عمتي لاني كبرت  عندهم وعندها هي بالتحديد...

#باتي_وهله..معش له دور ف حياتي..الي حدٍ ما..

♡♡♡♡♡♡♡♡♡♡♡

قبل م تجوز عمتي..
كنت لما  نطلع فالعشيه... بعد المغرب انروح نلقاها  موتيتلي عصور... ومرات معاي اعيال شارع..مكانش تعارض واتوتيلي نا هم..

خواتها..منبش نحكي عليهن توا.. مزال لقدام..

عمتي الي مش من دمي ولحمي عاملتني افضل من الي لي...
اسمها 《هدى》❤️..
كانت تعطي في حتى مصروفي..
لما امي كانت تلهى ف اعيالها  ومتعطينش...