اخاف ان اراكِ صدفه ولا تلمحيني بل اخاف ان تلمحيني كـ شخصٍ عابر .. لا لا سـأخاف ان لمحتني واطلتي النظر بعينيك البرئتين.
انفتحله لباب وطلعت وحده تنگط ومبينه خجوله ولسانه عسل كل كلمة تكولهه يرف گلبي وياهه اخخخ ربي تحجي واني مفهي علييهه. تحجي وانه لا اخذ. ولاانطي صافن بالجمال لكدامي معقوله انه بحلم طلع اسمهه ملاك اسم على مسمى مثل الملاك التفتر بالبيت. طلعت بت خالي ابو احمد مادري ليش فرحت من سمعت هيج بس ابد مارفعت عينهه بعيني طبيت للاستقبال وراحت هيه ويه شمس وگلبي وياهه شوية طبت وبيدهه صينية المي والچاي دنكت تريد تقدملي اياه طلع شوية من صدرهه انه هنا الشياطين گامت تتطافر من راسي لجسم گطن حست عليه صارت حمره من لخجل فدوه جنهه طفلة من تخجل اويلي على برائة ياربي كون اطلع بدون ميصير شي لان ماگدر اشوف كل هالضيم كدامي وضل صايم هيه رئستا عافتنه وطلعت انه ابتسمت على خجلهه وره شوية اجتي شمس گعدت يمي وخالي جان يغسل هم اجه وره اجه احمد
احمد: يااهلا وسهللا بابن الخاله واخيرا شفناك. عمي زارتنه البركة
مرتضى: اي والله انه هم اخيرا شفتك وفرحة عيوني بشوفتكم
احمد: يابعد گلبي ...... شلونك شخبارك عافيتك
مرتضى : والله بخير انته شخبارك
احمد: انه بخير .... طلعت خالتي عدهه معمل حلويات وانه مادري ماتوقعتك هيج صاك انته تخابرني بس وكت لمصلحه شمالك يحضي ماتخابرني تعزمنه نتشاوف شي هههههه
مرتضى: ههههه والله شسوي اسال شموسه ماافرغ لهيج سوالف اكثر وقتي بالشغل ولوقت ليصير عندي ارتاح بي بس انشالله على ايام الجاية. نعوض
احمد: يلا الحمد لله اهم شي شفناك وماطول اختك هنا اكيد راح نشوفك كل فتره ..... باوعتله تخنزر بيهه تريد تكوم تاكلني اكل بس فدوه لهل عيون حته بعصبيتهه تخبل
مرتضى: انشالله كلما تصيرلي فرصه وانزل من لشغل امرلكم .... بس اريدك شموسه تدير بالك عليهه وتحطهه بعيونك هاي امانت الوالد كال امنهه عند بيت خالك ولطريق كله امشي ويوصيني عليهه وانته تدري هيه شهرين تكمل شغلهه وترجع
احمد: افاا عليك خوية شنو هالحجي ترة ازعل عليك والله روح وراسك بارد ولاتفكر بشي نشالله نحطهه بعيونه
أنت تقرأ
ما لا نبوح به
Randomدكتوره جراحه متحرره من الحله تحنلها الصدفه للقاء بشاب من الجنوب ومن هنا تبدأ الاحداث .......... هل يمكن لي ان استأذن من وقتك قليلا لتقرأ راويتي الاولى 💋😍
