ما لا نبوح به

الجزء الثامن

 ‏"تمادوا بحُب الأشياء التي تجعل أرواحكم رحبة"❤

امير: اندك الباب صحت تفضل طبت ولشفه ترجف ولرجلين وحده تطك بالثانية من الخوف واعتقد ماتوصلي الصينية بسلام .... اشوفهه شلون تمشي على كيف كأنو تتهرب و متريد تنجرح او تسمع مني كلام قاسي مثل
احمد الي من اجه ولحد الان معاملهه معامله الخدامه

ورد: تقدمت والخوف ماليني من ردت فعلة اذا اخو هيج يعاملني هوه شراح يسوي وانه من النوع الخجول كلش .. سحبت الميز وحطيته كدامه حطيت الاكل عليه وما عولت اطلع طكيتهه مشيه سريعه ردت افتح لباب وسمعت صوته .... احس جسمي كله كام يرعد من الخوف ودكات كلبي حته هوه هسه سمعهن

-وين رايحة تردين تنامين يم امي مثلا ... حجيته واني مدنك اكل

-درت وجهي واباوعله شلون ياكل وماهامه شي نار وشبت بكلبي ... تقدمت اخذت لصينية بعد مامسحهه مسح شبسرعه مادري ليكلك صارله سنة مااشايف اكل

-بس انزل الصينيه واصعد نزلت وصعدت لكيته ماخذ مخده وجرجف خفيف متغطي بي ونايم على الكرويته ويكلب بجهازه ... يمة احس مي بارد ونزل على گلبي همزين مانام هنا حته اكدر شوي اخذ راحتي .... سحبت الحاف وتغطيت وخليت راسي على المخده وافكر شضاملي باجر وشراح يصير وادعي من الله يصبرني ويخفف عني هذه لحمل الي تحملته لخاطر اهلي واخوي وانشالله امير مايتقربلي واكدر ارجع لاهلي .... قاطع تفكيري صوته البي كل صفات الرجوله لمبحوح والنعسان

-شنو ناويه تنامين بالشال تره اني رجلج هسه فاخدي راحتج ولاتتقدين بي ... ولاتخافين مالي نفس اخذ غايتي منج ماطول كلبي مو الج واذا اريد اخذهه باي وقت يعجبني مالج حق تمنعيني بس هسه ماعاجبني

-اسمعه حجيه الي هوه مو حجي احسه تهديد هذه ولو يذبحوني مايلگون بيه قطرة دم من لخوف التفتت عليه وعيوني ماليه الدموع م م ماگدر انزعه

-براحتج

-تفاجأة من ردة وماعرف ليش حسيت بشعور غريب حسيت اكو احد حاس بيه من بين افكاري السلبية والايجابية ماحسيت على روحي شلون نمت

............

شمس:  كمت من فراشي بعد محاولات المنبة انو يكعدني واني اطفي وارجع انام هههه كله من وره ملاك هيه حطتلي اياه لان تكلي ينشلع كلبي وماتكعدين بس احس هسه احسن من بيت اهلي بيتنه جنت ماما اذا تريد تكعدني قبل ساعه يلا ههههه كمت اتمشه للمغسلة وعيوني افتحهن وينسدن من كيفهن وكولش متكاسلة ليوم .... غسلت وجهي ونشفته 
طبيت للحمام سبحت وطلعت شوي خف الكسل بعد الحمام شسورت شعري ورفعته حطيت مكياج خفيف بس حمرة شوية بارزه لفيت شالي ونزلت مستعجله