#السجين_777
#الحلقة_2
وسكت أوس وأنا التفتت على صوت هرجة واعياط المساجين ...صفير وتصفيق ...وكلهم اجتمعوا في مكان واحد ...رافعين روؤسهم لفوق المبنى ..ويتعايطوا ويضحكوا
أوس صبا وبدأ ملامحه يعصبوا ..عقد حواجبه وقرب من السياج ايشوف ...وأنا صبيت وقربت انشوف زيه
شاب لابس سروال بس ...ومقمعز فوق المبنى 😳
أوس طلع سلاحه ...ويخبط بيه على السياج واعيونه كلهم حقد وشرر ..ويهز في رأسه : وربي انوريك عليها 😡
دارين : شن في أوس ..من هذا ...وليش قاعد فوق المبنى
أوس ايخبط بالمسدس على يده ومعصب : نوح الحاج ....نهايتك على يدي إن شالله 😤
دارين اتشوف لا أوس كيف معصب ...ورفعت وجهها اتبحت لشاب اللي فوق المبنى ...زعما هذا من وشن قصته ؟؟!!
أوس خاش : خشي داخل دارين ..وصكري الباب
بحتت فيه كيف يمشي معصب وعدا ...وأنا رديت انشوف لشاب فوق المبنى ...عياط المساجين كل مرة يقوى ...تصفيق وتصفير ...من هذا ...كيف قدر يركب فوق ؟؟!!
بعد اشويا شفت الحرس بدأ يطلع للساحة ..يفرق في المساجين ..وشفت كم حارس فوق المبنى شدوا الشاب وصبى امعاهم بهدوء ...ونزلوه ..وشويا اشويا بدأ الهدوء يرد للساحة ..وكل حد عدا لحاله
خشيت وصكرت الباب ...وجت رحاب وقمعزت تحكي انها سمعت واحد من المساجين ركب فوق السجن ..وقعدنا نهدرزوا في القصة
****************************((الكاتبة أم ناصر ))
أوس مقمعز على طاولة التحقيق وفي يده عصا حديد في لوح ...ايدق بيها على طرف الطاولة ..واعيونه على السجين اللي قدامه 😡
أوس : تكلم ...من وين ركبت ...كيف قدرت؟؟
نوح ايديه مكلبشات ومطبس....رفع رأسه واعيونه في اعيون أوس وهز اكتافه : اتصدق مانعرفش من رفعني فوق 😏
اوس صبا وخبط العصا بقوة على الطاولة : نوووووح 😤 ماتخلينيش نستعمل امعاك القوة ..من وين طلعت ..كيف قدرت تركب من غير مايشوفك حد ..تكلم ..قوووول 😡
نوح ماتحركتش فيه شعره ...كان مقمعز وهادي على عكس أوس اللي النار في اعيونه ..واللي يزيد فيها ..نظرة الهزوة اللي في اعيون نوح 😏
أوس قرب وجه من وجه نوح ويهدد فيه بالعصا : بتتكلم والا عارف نهايتك وين بتكون ..ومافيش حد بيرحمك 😡
نوح انسند على الكرسي رفع ايديه لمكلبشات حطهم فوق الطاولة وتنهد : كان في مراة عندها سبع اولاد ..بس للاسف كانوا امتاع مشاكل ..يوم من لايام واحد منهم ..تعرف على زعيم عصابة ..وقعد ايجر في خوته واحد وراء التاني لعند خشوا كلهم في العصابة ..فاتوا شهور ...قبل ماواحد منهم يسرق مبلغ كبير من زعيم العصابة ويهرب ...خوته كلهم هربوا ..لان الزعيم حلف يقتل السارق وخوته الستة ..مافيش حد كان عارف مكانهم الا أمهم ...غابوا ايام طويلة ...لعند في يوم واحد من لاولاد ..الصغير فيهم ..طلع من غير علم اخواته ...وللاسف شده زعيم العصابة
