#السجين_777
#الحلقة_3
نوح ...حسيت بيديها على وجهي ..حاولت نفتح اعيوني لاثنين ...وقدرت نفتحهم ...قاعدة مقمعزة جنبي على السرير ...كانت قريبة مني ... كل ماتمس وجهي تقرب أكثر ..بس أنا مش قادر انشوف شي ..غير فمها ...شفايفها ..لونهم ..احمر ..او وردي ..مانعرفش ..شنو هذا ياربي ..ليش العذااب يانااس ...والا هذا نوع جديد من التعذيب؟؟ ..تي لا وربي حرام عليكم ...ضرب الهادي ..اهون من العذاب هذا بمئة مرة 🔥
نوح اعيونه دوبهم مفتوحات رفع يده وحط صبعه على فم دارين ويهمس : كرز ..فراولة.. زهر الرمان ❤
أنا انصدمت لما حط يده على وجهي 😰 ...وبدأ يقول في كلام مش مفهوم ....وفجاة طلع دم من فمه وجسمه كله يرجف 😰😰
مسحت فمه ...وكانت حرارته مرتفعة ..ضربتله ابرة ..ومشيت لثلاجة خذيت تلج وبديت انبرد في جسمه...كان والع نار ...في وسط زحمتي دق أوس الباب ..ومشيت فتحته
أوس يده في شعره : صباح الخير
فتحت الباب ورديت على نوح : صباح النور
أوس خش واريا : كنه شن صاير؟؟
دارين : حرارته مرتفعة بكل
أوس : عطيتيه دواء ..من شنو الحرارة
أنا كنت معصبة : من شنو يعني ..من الضرب ..ليش أوس هكي حرام عليكم ..هذا كله على خاطر ركب فوق المبنى ..حرام والله حرام 😥
أوس : دارين أنتي ماتعرفيش شي ..نحنا مضطرين على هكي ..هما ...
دارين قاطعته : مانبيش نعرف شي أوس ...اللي شفته ساد 😡
أوس سكت وعرفها معصبة ...حرك يده على راسه بسرعة ..وعقد حواجبه : بنطلع انجيب قهوة ..وين المق امتاعك
دارين اتغير في كمدات نوح وماردتش عليه 😑
أوس هز رأسه ..ومشى لعند المكتب خذا المق وطلع ...مشى لعند عمي سعيد ..جاب اثنين قهوة ..ورجع لعند دارين ...حط قهوتها قدامها ...واتكى على الحيط ..يشرب في قهوته
أوس : لو هرب مجرم من الحبس ...ونط عند ناس ..وارتكب جريمة ...من المسؤل ؟؟
شفتله من غير اي كلمة ..ورجعت انشوف لنوح
أوس : يادارين ماتشوفيش من وجهة نظرك أنتي وبس ..السجين اللي اتشوفي فيه قدامك ..في كل مرة ايحاول ايبين ضعف المؤسسة ...يشجع في السجناء على التمرد ...شفتي بنفسك لما ركب فوق ..الفوضى اللي صارت ...وهذي مش اول مرة اتصير ...كل فترة طالع بفكرة اسوء من اللي قبلها ...لدرجة اغلب المساجين بدوا ايشوف فيه بطل ...ارتكب غلط وكان لازم يتعاقب عشان ايخافوا الباقي ..والا كل يوم حنلقوا واحد ناط فوق السجن
دارين : بس حرام ..مكسرينه تكسير .تخيل لو جاء حد من عئلته عشان ايشوفه ..اكيد بينقهر عليه 🥺
