- موضوعنه اشعار حلوه
صار سنين ما تفهم وانة اشرح
ليش جروحي يلتحمن وانة اشرح
راح تروح من عندي وانة شراح
راح اصفك اظل بثنين ادية
-جذب جفي بعدكم يومي لاحد
وهواكم وين حدّه يوم اله حد
انة لو ماجيكم يوم الاحد
الثنين من الصبح لطموا علية
-معك خانتي روحي واكشفتهة
تزاعلنة ومشتلك وك شفتهة
وتسب بيك وتعض وك شفتهة
وتأشرلك علي يعني علية
-جمع ربك غزالة وي نمر بيك
و أدوّر وينة شهدك وينة مر بيك
و مر بية تكلي وين امر بيك
امر شلون بيك وانت بية
-بكتني كبال عيني وشبكتني
عمر لجلك فنيته واشبكة اتني
تدري لو بستني وشبكتني
تردني بشبكتك للجاهلية
-جنت اغزل رموشي وانسج اسمك
وجنت نصي واشبكك ونسة جسمك
تنسى شلون جسمي وانسى جسمك
وهن جسمين بيهــن جاذبية
شلونكم بالحجر
وخليك بلبيت
