غلطه أخي

البارت التعارف

أسمي هند عمري (17) سنه شكلي كصيرونه وسمره طولي (148) وزني (50) شعري طويل لخصري اشقر وعيوني كبار لونهم أخضر عندي اخ واخت اسكن اربيل عايشه ويا بابا وماما يعني احنه عائله حلوة بابا يشتغل دكتور جمله عصبيه وماما تشتغل دكتوره اختصاص نسائيه بابا وماما زواجهم عن حب من طرف واحد اعرفكم على اهلي
أسمي زياد اخ هند الكبير عمري (26) شكلي طويل واسمر طولي (190) شعري كفشه لونه اشقر وعيوني خضر وزني (75) شكلي معضل خلصت جامعه صيدله .دمي خفيف لدرجه واحب اشاقه هواي .عندي سياره والبنات متخبلات عليه ♡
مرحبا اسمي عائشه اخت هند وزياد الوسطه عمري (20) سنه اولئ جامعه التربيه اني مو شاطره مثل اخواني مستواي وسط او اقل شوي من وسط  خلصت سادس بمعدل مو عالي اهلي مقبلو لان الكول شطاروالمستوئ عالي اما اني عكسهم بهواي شغلات رحت كليه تربيه وماما مقابله ابد لان تريدني دكتوره مثلها اني مخطوبه لولد بلجامعه خطبني .شكلي طولي (156) وزني (45) شعري طويل كولش اطول من هند اشقر وعيوني وساع وخضر بيضه اني مشبه اهلي هواي نرجع للهند ...
خالد اب هند ......وضمياء ام هند

ملاحضه :-اليكول ان وصف الشخصيات مو حقيقه او كذب  ومن الخيال لا الوصف حقيقتي والمواصفات وراثه لاكثر والقصه حقيقيه مع بعض الخيال او التغير لاسماء للحفاظ على جنسيه الحقيقيه للشخصيات .

البارت لاول

هند :- صباح الخير ماما مححح 😘 صباحوو بابا
خالد :-صباح النور بنيتي
ضمياء :- صباح النور حبيبتي تعالي اكولي
هند :-بلي ماما اجيت صدوك ماما زياد وعائشة وين شنو نايمين
ضمياء :-بلي ماما نايمين كومي كعديهم كافي نوم مو سهرانين بليل ونهار نايمين يلا  كومي كعديهم
هند :- حاضر ماما رايحه
خالد :- زياد بعد يصير شكبره ويبطل سهر وتصرفات لأطفال خل يبطلها مو عيب صار بطول الحايط وهو طايش وتصرفات مراهقين مكافي عاد    
ضمياء :- على كيفك وياه الولد مو هيج يا خالد تفاهم وياه مو صياح
خالد :- على اساس ابنج مال تفاهم كم مره حجيت وياه بس مفاد معند ورأسه يابس
ضمياء :- يلا يا عيني تريك لا يرتفع ضغطك اني احجي وياه وأحاول وووف يا زياد
**********************
هند :- هاي شنو ولك كاعد
زياد :-  لا بعدني نايم
هند :- ههههه دمك خفيف كوم بسرعه بابا يوميه يعيط من وراك متوب انته
زياد :-شوف منو يحجي الملاك الصالح 😇 اكولج بابا راح لو لا
هند :- اول شي لا تكول الملاك الصالح زينن وثاني شي لا حيطلع بس يريدك امشي انزل
زياد :- حلفي يريدني وصاح عليه
هند :- ليش لازم خايف
زياد :-وليش اخاف قابل مسوي شي اني
هند :-هه يلا يلا يردوك جوه بسرعه كوم
زياد :- عود صدوك بابا عصبي كولي
هند :- مو ستوك مخايف وصاير رجال هسه تغيرت بلي عصبي وعيونه بكصته
زياد :-  نجبي رجال وغصب عنج يلا امشي منا
هند :- طلعت اركض من الغرفه لان شمر عليه المخده
*******************
هند :- عائشة عيشو كومي يلا صار لليل وانتي نايمه
عائشة :- صدوك ولج اشكد ساعه
هند :- 7:30  يلا مو اتأخر بابا يريدكم كومو
عائشة :- خير شيريد بابا
هند :- لا أعلم يا عزيزتي كول معلي هو ان ابلغك انه يريدك
******************
هند:- ماما اجو عائشة و زياد . كعدت ع طبله الريوك
خالد :-  شيصير بلدنيا لو كول جهالي مثلج
هند :- ميصير بابا اني ربي خلقني وكسره للقالب
زياد :- صباح الخير جميعأ
خالد :- صباح النور بعد وكت لو نايم اكثر مو احسن
ضمياء :- خالد على كيفك هسه إجه الولد . صباح النور ماماتي تعال تريك