كبرياء شيخ

الجزء ١٤

كمره: رجعني حسين لبيتنا وطول الطريق يقنع بيه اروح للمستشفى وانه ما اقبل كلش انغثيت ونهانيت بلا سبب وهاي مره ثانيه يضربني انه شنو ذنبي ليش هيج يعاملني انه بالكوه جاي اغصب روحي علي اكول يجوز انه متوهمه يجوز يطلع خوش إنسان يجوز بمرور الوكت اتعلم علي بس ماكو فايده انه مو عبده عنده كلشي واله حد وانه احس حدي لهنا وبعد كافي قررت بعد ما اشوفه ولا اسمع صوته ولا اروح لبيتهم واول فرصه تسمح الي اطلب الانفصال انه عيشتي وياه مستحيله وصلت للبيت رحت بدلت ملابسي لأن كلهن دم وغسلت بَس الوجع ابد ولا بطل ظل يزيد دورتلي على مسكن حتى بس شويه يهدأ الوجع وانام وارتاح بس من التفكير تمددت على الفراش وغفيت وما حسيت غير امي يمي تمسح على راسي خالتي كلتلها انه نضربت بخشمي بالباب فتحت عيوني شفتها بسرعه نزلت دموعي وظليت ابجي من كل كلبي وشمرت روحي بحضنها كلش مهضومه ولكم ما متعلمه على الاهانه والضرب انه كمره المدلله عزيزة البيت عاد هي نشغت خطيه
ام كمره: شبيج يمه ليش تبجين هيج احد غاثج
كمره: لا يمه بس ما اكدر اكمل ويه الشيخ يمه حبوبه خلصوني منه
ام كمره: فهميني شنو صار وليش هيج تناشغين لازم صاير شي يمه مو منه لله تردين تعوفين الرجال
كمره: يمه ما اكدر على عيشتهم صعبه علي هما شيوخ واحنا ناس عاديين مو كدهم والله يمه بكلبي شكللها سحني وضربني وكسر خشمي وهسه تكلي شنو السبب وتظل تجر طول وعرض ويدخل شداد على الخط وتصير سالفه
عريضه وطويله وشلون اخلص منها
ام كمره: هذا مو حجي يمه انتي صوجج لو من البدايه رافضه جان محد ادخل بس هسه صار بينكم عقد سيد ومحكمه واذا تطلكتي شيفكج من حجي الوادم الما ترحم ترى ما يذبون الصوج بي يذبون عليج
كمره:يمه انه مو اول وحده تنفصل قبل الزواج وهذا حقي ردت اتعود علي بس ما كدرت احسه لا انه ثوبه ولا هو ثوبي
ام كمره: يمه تعوذي من ابليس انتي هسه شفتي منه خلي يطلعون من المصيبه الصارت عدهم والله كريم هسه همه مو بحال مشاكل ثانيه يا بنيتي وهسه كليلي شلون نضربتي بالباب ما شفتي
كمره: يمه جنت تعبانه انتي تعرفيني من اتعب بعد ما اشوف دربي وهذا الصار
ام كمره: بس شو جاي اشوف خشمج ورم وجاي يصير مكانه زراك بس لا انكسر
كمره: لايمه يجوز توها حمت الركعه طلعت هسه منا لباجر يصير زين
ام كمره: • ﺂنٰ شۨـِﺂءۙ ﺂللـِه۫ہ ٰيمه منا لباجر اذا ما صار زين اخذج للدكتور شو انه ما مطمنه
كمره: الله كريم يمه
ام كمره: يله يمه ارتاحي ولا تنامين على وجهج لا يزيد الورم
كمره: طلعت امي ورجعت تمددت وشفت نقالي جنت مسويته صامت شفته هو حضرة الشيخ دز رساله ما اكترثت انوب زادت ولا همني بعد الصار اليوم جكد جنت اكرها انوب صار الكره قاطات ولا خفت منه اخر شي اتصل وما رديت وظل يتصل كلت احسن حل اغلقه وارتاح منه بعدها نمت
وفزيت الصبح على وجع مو طبيعي وكمت اشوف وجهي بالمرايه لكيته مورم بالزايد وانوب ظل ينزف خفت ركضت لأمي وهي شافتني خطيه تسودنت جانت نايمه فزت مرعوبه وابوي هم خطيه ركض علي كض راسي وكلي رفعي خل ينكطع الدم بويه وصاح على امي ركضي على ولدج كعديهم خل ناخذها للمستشفى
راحت امي كعدتهم كعدوا خطيه مفزوعين وشويه انكطع الدم ركضت امي خطيه جابتلي شال وعبايه كتلها خل اغسل وجهي اول مره غسلت ولبست واخذوني للمستشفى راحت وياي امي ابوي واخواني اثنين وصلنا للمستشفى دخلت شافتني الدكتوره بسرعه عرفت كالت مكسور بس لازم ناخذ اشعه حتى نتأكد وفعلا اخذت الاشعه وطلع بي كسر وكتبتلي على عمليه ضروري
اذا يظل هيج يطيب على عيب واحتمال الدم ما ينكطع انه هنا خفت ورفضت العمليه وامي لطمت على خدودها
ام كمره: ولج ليش ما تردين العمليه الدكتوره كالت بسيطه ما تخوف
كمره: ما اسوي خشمي وبكيفي
ام كمره: وتردينه يظل اعوج
كمره: خل يظل انه قابله
ام كمره: لا مو بكيفج احنا هنا طراطير يمج ما تحسبينا حساب
كمره:ما اسوي لا تلحون علي
ابو صلاح : بويه انتي تسودنتي اكو وحده تخرب وجه بيدها
صلاح: خويه كفي الشر محد ينظر غيرج واذا طاب على عيب بعد ما تكدرين تسوين العمليه لا تخافين احنا كلنا وياج
ام كمره: مو بكيفها هسه اخابر على الشيخ بس هو دواها
كمره: الشيخ ماله دخل بيه وما اريد اي واحد يكله
ابو صلاح: ليش بالله ما دخل هو مو رجلج ولزوم يعرف انه ما عدي استعداد اظم علي شي انه مو كده
كمره: بويه هو هــ͒ــسهہ بيا حال حتى يفضالي لا توصلوله خبر انه اكله
صلاح: شوكت تكليله من يعيب خشمج ويتشوه وجهج هااا شوفي انه بعمري ما غثيتج وما فكرت يجي يوم اغثج بي بس هو لازم يعرف
اذا ما كتيله انه بنفسي اكله
كمره: خويه والله مو قصدي بس هما هسه عدهم طلابه ما أريدهم ينشغلون بيه خل يطلع ابنهم من المستشفى ويصير خير
صلاح:جا خوش اذا ما تردين الشيخ يعرف تسوين العمليه واذا رفضتي انه هسه بتلفون واحد اكله كلشي
كمره: ماشي راح اسويها بس اذا كتوله والله ما اسوي
ابوصلاح: لا بويه هذا هو محد يوصله من عدنا بس انتي لازم تكليله ما يصير تضمين علي شي
كمره: • ﺂنٰ شۨـِﺂءۙ ﺂللـِه۫ہ ٰ
ظليت ساعتين بالمستشفى ضربتني إبره على مود لا ينزف بعد وكتبتلي دخول مستشفى على مود العمليه خلال هذا الاسبوع ورجعت لبيتنا وأهلي كل العاده راحوا لبيت الشيخ حتى يساعدوهم وشددت عليهم ما يوصلون خبر واذا احد منهم سأل علي هاي اذا تذكروا يطلعولهم اي عذر
احمد: من بعد ما فلشت التلفون ردت بوكتها اروح لنص بيتهم واكمل عليه واملخها تملخ بس نعلت الشيطان وكلت وين ترحين افضالج انه الج وهاي العنتكه الا اطلعها من خشمج تمددت ونمت بسرعه من كد التعب التعبناه وثاني يوم كعدت من الصبح سبحت وبدلت ونزلت للمضيف الناس ما فكتنا انه وابوي لازمين المضيف واخواني بالمستشفى وامي للنسوان ما الحك حتى اروح للمستشفى اشوف عمار بس اسأل علي بالتلفون طبعا جديد لأن ذاك صار مفلش ﭑلحٰٰ͜حمٰدللـّٰ̲ۿۃٰۛ ،'بدت حالته تتحسن وصار يمشي على حيله ظل تقريبا اسبوع وقرر الدكتور يطلعه كتبله على خروج وكمره طول هذا الاسبوع ما شفتها ولا سمعت عنها خبر وكلما اسأل عليها اخوانها يكلولي زينه الله شاهد اخوانها دره ما تتركونه ابد وابوها ونعم منه ما عاف المضيف الناس تاركين شغلهم وحلالهم وبيتهم ومكابلينه وامها وخالتها نفس الشي ما تركوا امي يوميه هما يمها بس هي ام راس اليابس بايعه ثكل علي بس وين تروح مني كلش محمل عليها وبيوم طلعنا عمار من المستشفى للبيت ابوي سوى عزيمه لوجه الله تعالى يكول ما دام رجع وليدي سالم من الموت كله يهون وأما بخصوص ذولي العار ابد ما ناسيهم النقيب كرار كل يوميه اتصل بي يكول محد موجود بس النسوان بس واصله خبر ان هما رايحين الشمال هناك شاردين وزلمنا تراقب بيوتهم ردت اسافر الشمال كلها عارضت واولهم ابوي وامي ابوي كال هسه تخلص فلوسهم ويردون جكد يظلون شاردين طول العمر بس انتو خلو عينكم عليهم بس يجون تكضونهم قبل الشرطه حسابنا وياهم يختلف وعمار اجل هذا الكورس فاتته امتحانات النهائيه وحتى الامتحانات الشهريه وبيوم جنت كاعد بالمضيف اجونا زلم وشيوخ من العماره حتى يتحمدون النا السلامه اتصل علي صلاح شفته ستغربت اول تالي صلاح يتصل بيه شلته
الووو
صلاح: الو شيخ انت فاضي رايدك بشغله
احمد: امررر خويه
صلاح: ما يأمر ﻋﻠﻴﻚ ظالم انت وين هسه
احمد: كاعد بالمضيف يمنا شيوخ ليش صاير شي
صلاح: هااا جا غير وكت اتصل بيك
احمد: كول شصاير ظل بالي
صلاح: خويه اطلع من المضيف وانه اكلك ما اريد احد يعرف
احمد: خلص طالع
ترخصت من العالم وطلعت وكتله احجي
احمد: خويه احنا بالمستشفى كمره ما رضت نوصلك خبر بس انه الله شاهد ما قبلت لازم يصير عندك علم هي ما تعرف انه هسه كتلك بس من تعرف هسه يمكن بعد ما تحاجيني
احمد: ليش شصاير احجي لا تخوفني
صلاح: قبل ايام خشمها نضرب بالباب ما نعرف شلون من حجيها وظل ينزف ورم وما انطع النزف لحد ما أخذناها للمستشفى وطلع عدها كسر وكتبتلها الدكتوره على عمليه وعمليتها اليوم
احمد: صدك تحجي انت
صلاح: هذا الصار شيخ
احمد: قبل جكد صار هذا الحجي
صلاح: تقريبا عشر ايام
احمد: وليش ما عندي علم ليش اليوم بالذات
صلاح: ما قبلت نوصلك خبر وهددتنا اذا نكلك ما تسوي العمليه والدكتوره كالت اذا ما تسويها يطيب على عيب والنزيف يستمر متقطع وابوي خاف عليه كاللها ما نوصل خبر منا ليوم العمليه
احمد: لوين تريد توصل بهذا تصرفها من كل عقلها تعاقبني
صلاح: ليش تعاقبك شيخ انت شلك دخل هي ثوله ما شافت الباب كدامها انركعت بي هي دومها هيج ما تحافظ على روحها
احمد: انتم وين هسه بيا مستشفى
صلاح: خويه ما يصير تعوف خطارك احنا كلنا يمها كلت انطيك علم حتى تظل بالصوره
احمد: ليش هي خلت صوره والله اختك راح تخبلني وضاربتني بعرض الحايط بس يصير خير انه شويه واجي
صلاح: خويه انه ما خابرتلك حتى تجي اخاف تشوفك وتهون هاي مخبله كلشي يطلع منها خويه ظل يم خطارك وانه أوصلك الاخبار
احمد: مو بكيفه انه راح اجي واشوف شلون تهون لو اعرف اكض خشمها بيدي انت بس كلي اسم المستشفى ومعليك
الشيخ: ها بويه خيرك يا مسشتشفى ليش عفت الوادم جوا اجاك خبر من ذوله الجلاب
احمد: يا ريت يابه
الشيخ: جا منو بالمستشفى
احمد: بويه تكدر تغطي علي ساعتين بالمضيف اروح واجي ما اطول
الشيخ: اي غير تفهمني المن حتى اعرف اتصرف
احمد: سولفت لأبوي كلشي
الشيخ:روح بويه مريتك هاي لازم تشوفه بعد هي مسؤله منك ولا تلومها على تصرفها شافت عدنا مصيبه ما حبت تشغلنا وخصوصا انت
احمد: راح اشعل عشيرتها كلها
الشيخ: شجالك بويه البت بيا حال ولا تروح وحدك اخذ واحد من اخوتك وياك
احمد: ما يحتاج رايح شوي واجي
رجعت سلمت وكتلهم صارت عندي شغله مستعجله ما اطول عليكم ورحت للمستشفى وانه الوم بروحي كله مني الصار هسه تلكاها كارهتني بكد رحمة الله عاد هي شلون جانت تحبني وصلت للمستشفى لكيت صلاح يتاني بالباب اجى جان خايف من ردة فعلي
صلاح: شيخ والي يسلمك لا تحاسبها هسه خل تسوي العمليه وبعدين شتريد تسوي سوي
احمد: لا تخاف بس احاجيها واشجعها يجوز خايفه هسه مو وكت حساب خل تطلع من العمليه انه الها الا اكسرله الها من جديد
صلاح: على بختك شيخ جا ما مسوينا شي خوب خلي مكسور من هسه
احمد:وديني لغرفتها وانت معليك بعد
وصلت لغرفتها بعدلها ساعه ويصير موعد العمليه دخلت شافتني هي رأسا نشغت شافتني ظلت متفاجئه جانت يمها الممرضه كتلها خلينا وحدنا طلعت الممرضه تقدمت عليها شفتها خشمها مورم حيل انقهرت عليها يعني من وكعه هيج صار بيها هاي لو اضربها شلون يمكن تنتهي بيدي وصلت يم السرير خليت ايدي اثنينهم على السرير حاوطتها خليتها ابد ما تتحرك وحجيت برود وخليت عيوني بعيونها
ليش انه اخر من يعلم
كمره: وخر عني
احمد: احجي لا تخليني اتقرب اكثر
كمره: منو كلك
احمد: شعبالج انه الشيخ ما ينظم علي شي فاجئتج مو
كمره:ما اتوقع انه اهمك بشي
احمد:صح ما تهميني
كمره: معناهها روح ماكو داعي تظل
احمد:اروح ابقى هذا شي راجعلي
كمره: طلكني
احمد: هههه يـ؏ـنـي كلما تجين للمستشفى تكولين طلكني ما تملين من هاي الكلمه
كمره: بيوم اخذتني لغرفتك سح وشمرتني وكسرت خشمي وضربتني بدون سبب وانه قررت انفصل عنك ما دام جاي تحجي بهدوء خل ننفصل بهدوء
احمد: ما ضربتج بدون سبب تعرفين كلش زين شسويتي
كمره: ما سويت شي وما الي ذنب بالصار انه ما مسؤله على الي يدخل للبيت ويطلع وما جنت متقصده بس انت فسرتها غير تفسير
احمد: اعرف ما جنتي متقصده لأن لو اعرف ٲℓانــتيہ قاصده هذا الشي جا مو بس خشمج كسرته جا ثرمتج ثرم بس بوكتها جنت كاب نار ومن شفت منظرج اشتعلت بالزايد صح اعترف صرفت بدون وعي بس من شفت شالج شلون لابسته وركبتج كلها طالعه تسودنت لهسه منظرها بالي شلون ترديني اتصرف أطبطب على ظهرج واكلج حبابه بعد لا تعيدينها
كمره:حتى لو ما يحقلك تضربني انه اعرف كلش زين انت ما تطيقني وطول فترة وجودك بغداد حتى ما كلفت نفسك ترد على رساله وحده واسمع اخبارك من بت عمك وهي تسولف وتباوعلي وتشمت بيه انت يوميه تتصل بيها عندك وكت بس كمره لا شنو هي فد ....
احمد: خلصتي
كمره: لا طلكني وانه اخلص ودرت وجهي عنه
احمد: دوري وجهج وباوعلي لا تخليني اثور عليج
كمره:ثور عادي مو جديده علي تعودت هذا وجهي اختارلك بعـٌـــٌِد مكان كسره ما دام بعد اكو وكت للعمليه
احمد:زينب كافي عاد لا تطوخيها
كمره: شكلت
احمد: كلت اسمج صح لو انه غلطان مو اسمج زينب
كمره: شذكرك بي
احمد: ما ناسي ابد حتى اذكره
كمره: اذا خلصت محاضرتك اطلع اختنكت من قربك
احمد: ضجت من حجت هيج بس تعمدت اتقرب اكثر وكضيت ايديها حتى لا تدفعني ولأول مره اتجرأ بستها من كصتها ما سيطرت على روحي جذبتني حتى وهي وجها مورم يا ناس كلتها من قبل هاي البنيه اطيح اكبر شيخ
اهدي وسمعيني ولا تتحركين ما جنت متقصد اتجاهلج من جنت بغداد ما جان عندي وكت حتى ارتاح جنت اربعه وعشرين ساعه افتر بالشوارع بس حتى المح هذوله العار حتى التلفون مرات ما اعرف بي وين وكل مخابراتي لسلمى جانت عن طريق عادل جنا نتصل على تلفون امي وهي تجاوب بدالها بحجة امي مريضه وهي يمها هسه وصلتلج الفكره
كمره: ما طلبت تفسير منك
احمد: اعرف بس جانت عيونج تحجي غير شي
اعترف انه غلطت من وكعتج وضربتج جنت فاقد وانتي السبب وظليت الوم روحي وردت بس اوصلج ما كدرت حتى رسائل ما رديتي عليهن وغلقتي التلفون سويتيها وحده بوحده يـ؏ـنـي
كمره: فرضا وصلتلي شتتوقع مني اتشكرك مثلا
احمد: لا على الاقل اطمن منظر وجهج ما راح من بالي من شفته كله دم
كمره: شيخ اتركني الله يخليك
احمد: من الاخر يا كمره راح احجيها وبعد ما اعيد ما تركج لو يظل يوم بعمرج واذا عاندتي والله العظيم اعوفج معلكه واكسرج بمره وهسه راح اطلع حتى تجي الممرضه تحضرج للعمليه راح اتاني بره اطمأن عليج واروح ما اكدر اتأخر عندنا ناس وشيوخ بالمضيف ماشي
كمره: شيخ.....
احمد: رادت تحجي حطيت إصبعي على حلكها كتله اشششششش بعد لا تحجين شي ادري بيج تخربطين وتخبطين خبط من طلعين من العمليه وهذا خشمج الاعوج يرجع طبيعي اكعدج يمي وظلي خرطي للصبح وانه اوعدج ما اجادلج أبداً رجعت بست راسها وكتلها صيري قويه
كمره:عافني وطلع وخلاني مصدومه معقوله هذا احمد سبحان مغير الاحوال كضيت وجهي صخنت ودكات كلبي تقرا الف ورجعت كضيت راسي بالمكان الباسني بي معقوله حلم لو اهذي دخلت الممرضه شافتني وضحكت وكالت
الممرضه: هذا الشيخ الصاك رجلج
كمره: هاااااا
الممرضه: شبيج حبيبتي سألت على الشيخ الجان يمج
كمره: هاااا اي هو خطيبي
الممرضه: شبيج مخروعه منه هاي اول مره تشوفي
كمره: لا بس خايفه من العمليه
الممرضه: لا تخافين عمليتج كلش بسيطه حتى مطول نص ساعه
كمره: حتى لو دقايق هو من اسمها عمليه تخوف
الممرضه: هههه حقج
كمره: تحضرت للعمليه هي صدك بسيطه بس خايفه كلش اخذتني الممرضه لصالة العمليات وانه كلبي يدك سريع خصوصا من شفت الأدوات يمه اخترعت واجى دكتور التخدير خلى مالت التخدير بخشمي وظل يسألني شنو اسمج كتله كمره
عمرج
٢٠
وبعد ما حسيت بشي ......
لهنا ينتهي البارت ١٤