PANG SEMPAL

PISAN

Hai Gaes....!
Masih di edisi fiksi basa jawa yaaa...
Tengs bingitz komen2 kalian....
Aku zuka lho....
Doa aku selalu buat keberkahan kamu-kamu yaaa....🙏🙏🙏

Kowe ???
Nek kowe ngandelne bobot bandha donya, aku ogak selak. Pancen bandhamu akeh. Ogak akeh eneh, malah kepara uakeeeh banget. Tapi entukmu saka ngendi ?

Kowe ???
Kowe duwe bandha donya lak mung nampani saka buyutmu sing digundik Tuan Landa Benteng kan ? Opo saka bandha turahane mbah kanjeng lurah ? Sing jelas ogak mungkin bandhamu sing dadekne kowe sugih brewu kuwi warisan tinggalane bapak kwangwungmu.

Bapak kwangwungmu kan saka kalangan kere cece ore. Huhhh.....!!!
Duwene mung rai gantheng karo dedeg rosa prakosa. Mulane ibukmu gelem ngingoni kwangwung kuwi ben iso nggo tombo melek bengi.

Kowe ???
Sakjane aku gak pengen kenal karo raimu. Ning kok yo ndilalah omahmu ketok saka omahku. Ning pinggir kulon kuburan Dukuh kui omahku, terus omahmu ning sisih wetan kuburan.

Kowe ???
Mundhuk-mundhuk teka ning langgar Dukuh, jaluk warah ngaji karo Pakku. Opo cukup modhal rai gantheng karo tembung lomah- lameh ? Ethok-ethok sregep sak ben asar teka ning langgar Dukuh ? Iki langgar Dul...! Panggonan suci kanggo sembahyang, kanggo wiridan. Lha kowe sopo ?

Bibit wiwit mbah buyutmu ae wes gak suci ? Dadi gundike Tuan Landa Benteng. Terus nglairno anak sitok thok, yakuwi mbah utimu.

Terus mbah utimu diselir kesanga karo kanjeng lurah. Selir kesanga, Dul.....! Ediiaan po gak ? Terus saka tetesing kanjeng lurah nglairno ibukmu.

Lha pas ibukmu ijik prawan kesepen akhire ngingu kwangwung. Jaka lontang-lantung sing iso nyanggupi biraine ibukmu. Terus ?

Terus lair raimu...!
Raimu sing gantheng. Tapi aku gak pengen kenal karo raimu. Ogak kenal kowe yo gak po po. Gak bakal patheken aku.

Umpama kowe lair wedok, mesti kowe yo uwes dhemenan karo mandhor bangunan utawa diwayuh karo juragan beras sing biasa mangan ning warunge ibukmu.

Utawa nek aku lair wedok, paling aku yo wes mbokdemeni. Mbokgundik. Hiii....huekk...!!! Pengen mutah aku.

Untung....! Untung....!  Untunge aku lair lanang.

Kowe ???
Opo maksudmu melok ngaji ning langgar Dukuh ? Langgar kui sing ngedekne pakku. Opo kowe arep nunut nyeluk pake marang pakku ? Iyo ? Ngono ?

Terus kowe melok-melok ngakoni nek pakku kui tenane pakmu ? Dancuk...! Aku pengen ngidoni raimu. Cuhh...!!!

Kowe ???
Kowe ngerti opo pas pakku melok mburuh ning warunge ibukmu ? Pakku mburuh mikul banyu nggo ngisi genthong pawon warunge ibukmu. Kui ae mung dilakoni seminggu thok. Kapok. Mergane pas arep njaluk bayaran minggon, ujuk-ujuk ibukmu semaput. Terus ?

Terus pakku nulungi njunjung ibukmu ning dhuwur amben. Lha ujuk- ujuk ibukmu ngruket ngrangkul pakku karo mbisiki, " Ono anakmu ning wetengku."

Tangan ibukmu ngrogoh jero kutang terus ngetokne duwik atusan ewu sing cacahe pirang-pirang. Duwik kuwi dicungne marang Pakku.

Saking kagete pakku ngipatne tangan ibukmu. Pakku terus njongkrokne ibukmu. Terus ditinggal mlayu mulih. Pettt. Sakploke kuwi pakku gak wani eneh mburuh ning warung manganmu.

Kowe ?
Ethok-ethok sopan santun tingkahmu. Ben opo ? Ben pakku percoyo nek kowe tetesing pakku ? Puihhh...!!

Bar pakku dipitenah ibukmu, opo aku lilo delok raimu ? Pengen njejeg ae aku. Nek pakku gelem marai ngaji kowe, kuwi ogak mergo gelem ngakoni kowe dadi anakke. Nanging mergo pakku duwe bebuden luhur. Trapsila sing dhuwur.

Terus ???
Kowe arep ngandhalne opo ? Arep medhot trah silsilahmu sing wes kadhung reged ? Wes sadhar nek getih sing netes wiwit mbah buyutmu tekan getih sing mili ning awakmu kuwi getih reged ? Apik tenan niyatmu ?

Kowe ?
Aku ajeg ogak percoyo nek alus ucapmu, sopan tingkahmu kuwi tenanan. Ben kowe iso duwe bebuden luhur ? Keceluk duwe  bebet minulyo ? Bbehh....!!! Kowe mung ethok-ethok, Dul... !

Kowe ???
--- *** ---

Yuk Gaes vote dulu...
Jangan lupa dilanjut komen yg membangun ya...
Trus follow in juga yaaa...
Yess, emmuach...😘 ❤