Kowe???
Mripatmu prembik-prembik ketok susah karo ngrangkul pakku. Aku pingin mlayu geret raimu. Aku ogak sudi pakku mbokrangkul-rangkul koyo kui. Kui pakke sopo? Kui pakku! Dudu pakmu!
Kowe???
Kowe mlaku jejeri pak modin sing ngadeg ning ngarep lawang omahku. Takdelok ning jaba omahku akeh uwong jejer-jejer podho lungguh ning dingklik dawa. Kabeh uwong sing lanang nganggo klambi taqwo karo kopyahan, terus wong wedok nganggo kudung sing disampirno ning sirah nutupi pundhak. Pakku lungguh ning dingklik paling ngarep karo rai mbrabak abang. Ning ngarepe pakku ono wong papat ngadek karo junjung pandosa isi mayit.
Takrungokno suarane pak modin miwiti ceramah. Deweke wes ping telu ngucap innalillahi wainna ilaihi rojiun. Aku ogak ngerti sopo sing lagek ae mati. Iki kan omahku? Nyangopo nganti aku ogak eruh sopo sing mati ning jero pandosa kui?
Takmatno ucape pak modin.
"Mugi-mugio almarhum Rozikin pinaringan pangapunten saking Gusti Allah, lan ugi kula suwun panjenengan sami paring pangapuro dumateng sedoyo kalepatanipun almarhum."
Deg!!!
Rozikin??
Kui jenengku! Mosok aku wes almarhum? Emooohh! Aku emoh mati!
Mengko Dollah bakal nguwasani pakku!
Emoohh!
Pakke, aku ijik urip kan? Pakke, jawaben pitakonku?
Pakku takhoyok-hoyok pundhake, nanging pakku meneng thok ogak jawab. Aku bingung, terus mlayu ning sandhinge simak. Simak taktakoni meneng ae ogak gelem semaur.
Ogak mungkin kui mayitku. Aku ijik urip. Sing ceblok saka uwit trembesi kui Dollah, dudu aku. Kudune sing mati yo Dollah. Emooh! Aku emoh mati saiki! Emoohh!
Pak modin rampung maca donga. Wong papat sing junjung pandosa dimik-dimik mlaku. Uwong sing lungguh dingklik melu menyat, ngetutke lakune menyang kuburan. Uwong deretan tengah mlaku karo bisik-bisik.
"Mesakno Rozikin yo, Kang. Bocah anutan koyo kae matine mergo ketiban pang sempal. Si Dollah sing ning duwure pang malah slamet."
Degg!!!
Tibake kui bener mayitku? Huk.huk.huk!
Bajingan kowe Dul, kabeh apesku mergo raimu! Awas kowe!
Ujuk-ujuk ning ngarepku ono gendero putih amba ono tulisan gedhe-gedhe.
DERAJADMU MUSPRO DIOBONG ROSO ANGKUHMU!
AMALMU SIRNO KOBONG MERGO SOMBONGMU!
SAIKI ENTEK KABEH KABECIKANMU!
Aku nangis gero-gero. Pingin metu saka pandosa kui. Aku emoh matiiii!
Cuthel
***
KAMU SEDANG MEMBACA
PANG SEMPAL
General Fiction"Cangkemmu ngomong opo, hahhh ? Buyutmu dadi gundike Tuan Landa Benteng. Simbahmu selir kasanga kanjeng Lurah. Ibukmu ngingu kwangwung, sing dadekne kowe lair ning donya...!!! Huhhh...!" Sakjane aku ogak enek hubungan opo-opo karo kowe. Ning aku pe...
