Kowe ???
Irungmu wes ketok ning langgar Dukuh wiwit thung adzan asar. Wong lanang nom-tuwa uga wes padha teka. Nglumpuk ning latar ngarep langgar. Ono sing gawa pacul, arit lan parang. Terus yo ono sing gawa sapu sada karo cikrak dienggo nimpal regedan.
Kowe ???
Melok gabung karo wong-wong kuwi. Arep nyadran, bareng-bareng budhal ning kuburan Dukuh. Besik-besik sareyan leluhur, sareyan mbah buyut.
Kowe ???
Ojo mbokkira mripatku ucul saka raimu. Arit sing mbokgawa ogak dadekno aku wedi karo kowe. Puiihh...!
Kowe ???
Wiwit budhal saka langgar tekan lawang kuburan kowe mesthi jejeri pakku. Opo ae sing diprentahne pakku mboktandangi. Suket-suket mbokbabadi, tanduran teh-tehan sing dadi dhadhah mbokrapihi. Puihh..! Ketok nek lulut tur anut.
Kowe ???
Ogak bosen toh kowe golek rai ning ngarepe pakku ?
Kowe ???
Cras..cress...cras..cress...!
Aritmu mobat-mabit babadi teh-tehan lan pang uwit sing dampyah ngiwa nengen. Clingkrik, sikilmu sing gesit menek uwit semboja gedhe. Njur cras...cress..!
Pang uwit semboja dipapras.
Kowe ???
Aja kegedhen rasa ning ngarepe pakku. Pakku ogak bakal ngakoni getihmu kui titisane. Puiihhh....!!! Cuhh...! Aku idu ning lemah.
Kowe ???
Takdelok raimu dleweran kringet. Terus aku mbok kon mesakno kowe ? Wegahh...! Kui dudu urusanku. Dadia banyu aku ogak bakal nyawuk. Dadia godhong aku ogak bakal nyuwek.
Kowe ???
Ujuk-ujuk wes nylingkrik ning uwit trembesi dhuwur punden. Njur cras...cress...menclasi pang-pang gedhe. Gesit, trengginas. Uwong-uwong padha ngalembana marang kowe. Pakku yo melok-melok ngacungi jempol.
Uugghh....! Aku anyel.
Kowe ???
Aja girang gumuyu disik kowe...! Raimu ogak pantes nampani jempole pakku. Pakku kui uwong luhur, turunane uwong becik, lha raimu...? Ugghh....!
Krosak, sraaaggg, gedebuuggg.....!!
Aaaacchhhh.......!!!
Dollah ceblok ko uwit trembesi...!!!
Dollah ceblok....!!!
Uwong-uwong podho pating brengok marani Dollah.
Pet..!!! Peteng dedet...!!!
Kowe ???
-- *** --
Masih sempat vote kan, Gaes ?
Jangan lupa komen yang membangun yaaaa
❤❤❤
KAMU SEDANG MEMBACA
PANG SEMPAL
General Fiction"Cangkemmu ngomong opo, hahhh ? Buyutmu dadi gundike Tuan Landa Benteng. Simbahmu selir kasanga kanjeng Lurah. Ibukmu ngingu kwangwung, sing dadekne kowe lair ning donya...!!! Huhhh...!" Sakjane aku ogak enek hubungan opo-opo karo kowe. Ning aku pe...
