اطبخ معي 🍝

ساندويشات دجاج بالمايونيز

رجعنا لكم رمضان كريم كل سنة وانتوا طيبين 💜

اعرف متأخرة وصار لي فترة ما أنزل بكتبي ولا ادخل الوات 😭💜

واحشيني وايد وكل يوم صراحة اشوف هذا الكتاب الوحيد الي من ادخل الوات القى عليه لايك او شي المهم شكرا 💜

خلاص كلام وراح نبدأ الوصفة 💙💜

نبدأ بسم الله

للعجينة نحتاج :-

* ٢ كوب طحين

* نصف كوب ماء دافئ

* ٣ ملاعق روب

* ٢ملعقة سكر

* رشة ملح

*ملعقة خميرة.

* نص ملعقة  صغيرة بيكنج بودر

* ٣ ملاعق زيت

طريقة :-

تعجن وتخمر لحد ما ترتفع وتنتفخ  بعدها تفردون العجينة وتقطعونها لدوائر

بعدين تأخذون الدوائر وتحطونهم بالشواية " شواية ساندويتش " اكيد الكل يعرفها .

تمام وجي تسوونهم كلهم وحاولوا ما تخلونهم يصيرون خشنين بالشواية لانه بنحشيهم من ينتفخوا ويحمروا شوي ع طول شيلوهم من شواية .

" يارب تفهمون لانه قاعده اتكلم عامي 😭😭😭"

المهم. نجي إلى الحشوة :-

* جزرة وتبشرونها بالمبشرة

* فلفل اخضر بارد تقطعونه مربعات صغار

* صدرين دجاج

* البهارات نحتاج رشة فلفل احمر

*رشة ملح

* رشة فلفل اسود

* اذ تبغون تحطون كزبرة

* ثلاث ملاعق مايونيز

* ثلاث ملاعق جبنة سائلة

تقدرون تكثرون أو تقللون حسب الرغبة

الطريقة :-

تسلقون صدور الدجاج

الجزر تبشرونه والفلفل الاخضر البارد تقطعونه  وتخلونهم مع بعض

من يصير الدجاج ويستوي بالشوكة تسوونه مثل الخيوط كأنكم بتهرسونه

وتخلون الجزر والفلفل الاخضر والدجاج مع بعض  وتخلون فوقهم البهارات الي هي رشة ملح رشة فلفل احمر رشة فلفل اسود وتضيفون عليهم المايونيز والجبن السائل

الساندويتش :-

من يجهز كل شي تقصون الساندويتش الي طلعتوه من شواية بالنص كل دائرة بالنص. بعدها تفتحون النص الي قطعوته وتحشونه بالحشوة الكمية الي تريدونها  وتصفونه بالصينية ويصير جاهز وبالعافية 💜

الحين راح احط لكم صور 💜

كل ما حاولت أوقفه يطيح عادي يحب يخرب الصورة يعاند 😭😭😭😂

التقطيع جي يصير 💜

شكل الساندويتش من تطلعوه من شواية 💙

* ارفق لكم صور عشان يوضح لكم واتمنى تعجبكم عوافي ❤