اطبخ معي 🍝

باستا على طريقتي ❤

هلا عمري 💜💜

شمسوين ؟ شلون الحجر وياكم ؟ وشلون رمضان ؟

من بدأت اطبخ للحين ولا مره سويت باستا بكريمة طبخ اسوي باستا ع طريقتي وطريقة امي والكل يعجبه طعمها وعندي افضل من الباستا بكريمة طبخ هذي الطريقة بتنفعكم إذا ما عندكم كريمة طبخ ❤

المقادير :-

*خضروات الباستا الي تبونه اني استخدم

( كوسا - بروكلي- فطر معلب - جزر - فلفل اخضر )

* كيس باستا اي شكل باستا تحبوه

* زيت
* ملح
* فلفل اسود مطحون
* فلفل احمر مطحون
* طماطتين
* معجون طماط
*مكعب ماجي

* حليب سائل كارتون كامل
*مايونيز عادي
* مايونيز حار إذ تبغون
* طحين ابيض
* جبن سائل
* جبن موزريلا

بسم الله ونبدأ بالطريقة 💜

* افضل تكونين محضرة الاشياء المحتاجتها كلها قدامج

*اول خطوة راح تخلين ماي بصفرية الباستا ( طنجرة ) تخلين بيها ماي وتنطرينه يغلي يطلع فيه مثل الفقاعات بعدها تخلين كيس المعكرونة

* اذ انتي سريعة بين ما المعكرونة تنسلق قطعي الخضروات بس لا تخلينها تصير صغيرة قطعيها بحجم مناسب أنها تبين بالباستا وتناكل

* بعد ما تنسلق الباستا خليها بالغربال ( مشخال ) بالأصح صفيها عن الماي وتركيها بالغربال

* بمثل الطنجرة الي سلقتي بيها الباستا خلي شوي زيت وخلي الخضروات وخلي عليها ملعقة ملح وملعقة فلفل اسود وملعقة فلفل احمر إذ تبيها حارة وبعدها حركي بالخضروات لين تحسيها نضجت

* بالخلاط مثل شي افضل مجهزتهم قبل المهم بالخلاط الكهربائي خلي طماطتين ومعجون طماطه كامل ومكعب ماجي وبعدها عبي الخلاط ماي بس تركي مسافة لا تغطيه كله يعني شفتوا الخطوط الي بالخلاط الكهربائي وجمبهم رقم لا تعبيه لآخر رقم للي قبله المهم وخلطوهم

( المشكلة اني بغرفتي ومتكاسلة انزل إذا ما فهمتوا علي كتبوا بتعليقات وبشوف لكم كم ملي ماي ) 😂

تقريبا ١٣٠٠ ملي الماي

* الصوص الثاني بعد بالخلاط الكهربائي. ضيفي كارتون الحليب ومعلقة طعام كبيرة مايونيز وملعقتين طحين وملعقتين طعام كبيرة مايونيز وخلطيه

* نرجع الى الخضروات بعد ما تنضج ضيفي عليها الصوص الاحمر الي سويتيه بالخلاط

وحركيه وبعدها ضيفي صوص الابيض وحركيها

* بعد ما تضيفي صوص حطي المعكرونة المسلوقة وحركيها وبعدها حطي جبن موزريلا من فوق وغطي الطنجرة بالغطاء حقها وتركي الباستا ع نار تفقديها كل شوي لين تحسينها صار قوامها ثقيل

وخلاص بالعافية 💜

صورة الباستا خليتها فوق ❤