الحلقة10
هيام:انت شوف حالتك شكلك متاكلش
عمر:هيام قتلك فوتي الموضوع
هيام:به نحي الدخان من يدك قريب عشر وحدات دخنتهم تهي خيرها الناس مع الدخان
عمر:علاش من يدخن تاني
هيام:فريحه الي تخدم معاي لقيتها مره ادخن اول مره نشوفها قبل نحسابهاش ادخن
عمر:ردي بالك راك صغيره راهي تجرك معاها...
هيام بعصبيه:عمرر قنلك انا مش صغيره معش تقلي هكي
عمر:به نا اللي صغير
هيام:به قلي شن بدير
عمر:اوووف ولينا لهالسيره
هيام:مه لازم نطمن عليك ليك قريب خمس اشهور تخدم وكنت مرتاح وامورك تمام تو شن صار
عمر:الي صار صار المهم اانت مرتاحه فسكنه الجديده
هيام:اي .....يعني
عمر:كيف يعني
هيام: فريحه طريقة حياتها متعجبش فيا
عمر:كيف
هيام:لان نلقا فشيش سكير وحاجات منعرفهمش
عمر:كيف قصدك تشرب
هيام:لا تاكل هههههه
عمر:تقولي بلا تنكيت
هيام:شكلها هكي....هي تقلي كل حد حر
عمر :كيف حر وهي عادي عندها تشرب.... لا وانت مستغربه انها ادخن
هيام: انا منبيش نظلمها مرات كله مهناش
عمر: هو شرب ولا ف شي تاني
هيام: لا لا شرب بس (حي كان انقله ع لاخر الدنيا بيقلبها)
عمر:غر فوتي هالفتره وتو نشوفلك مكان تاني احسن
هيام:لالا انا مرتاحه معاها وحتى الاجار رخيص
عمر:به كيف تبي...اي معش جا حد سال عليك من طرف بوك
هيام:معش ندري ولا سالت ...تعرف قتلي جوجوليا صحبتي ان بوي داير اعلان ان مغقوده وان ف جائزة للي يلقاني نحس فصاحب التاكسي تدكر ف عرف بالاعلان هدا باش يقلي ان بيسلمني
عمر:ممكن
هيام:اكيد
عمر:انت مش مفكره ترجعي لبوك
هيام:مستحيل نخاف والله يقتلني
عمر:محد يقتل ضناه
هيامذ:بوي يديرها...وفكنا من السيره هدي
عمر: به هي نوضي بري لخدمتك وقت
وناضت هيام مشت للمحل وكانت تفكر فعمر كيف صار فيه وواضح انه تعبان ومضايق
فريحه: اش كانت الزياره
هيام:مش تمام ...عمر سيب الخدمه
فريحه:واعلاش
هيام:منعرفش ميبيش ايقول
فريحه:لقا خدمه اخرا
هيام:الباين لا
فريحه:ربي يكون معاه
هيام:به قوليلي انت خيرك
فريحه:انا ....وش فيني
هيام:منعرفش جوك مش تمام ملاحظة عليك
فريحه:لا ماكو شي
هيام:على راحتك منبيش نضغط عليك
فريحه بابتسان بارده:هيام انت بالحقا تحبي عمر
هيام:ههههه شن جا فبالك تو
فريحه:نسال بس
هيام:اكيد
فريحه :اها
فريحه تكلم في هيام وبالها مش معاها تفكر فكلام مراد وشن يبي من هيام ومش عارفه كيف تتصرف مراد هددها ويبي هيام الليله كيف بضحي بصاحبتها لكن خايفه من مراد خوف مش طبيعي
فريحه:هيام وش رايك تمشي معاي اليوما عندي عيد ميلاد صديقتي
هيام:وين
فريحه:في فيلا فالاطراف
هيام:لالا بعيده ونا نروح تعبانه دوبني نرتاح
فريحه: حبيبتي نبغيك معاي بربك وافقي
هيام:حاظر ....بس لان اول مره تطلبيني........
وفالليل وتو ارواحهم وطلعت هيام تهبل لابسه قفطان اسود قصير وطالع عاليها يهبل
فريحه:تهبلين طالعه
هيام:انت احلى😍😍😍
وساو ارواحم وركبو فسيارة ومشت بيها ...قعدت تمشي مسافه
هيام:بعيد شكله
فريحه:مش قتلك فالضواحي.
فريحه كانت زي لمخدرة مش هامها شن ا.دير ولاكيف تتصرف حتضيع صاحبتها بالطريقه هدي وهي فموقف ان مراد حيضرها لو مدارتش اللي تبيه وهدا الي حست بيه
أنت تقرأ
الهروب )روايه ليبيه )
Roman d'amourالهروب روايه باللهجة الليبيه تحكي عن قصه عمر وهروبه عبر الهجرة الغير شرعيه من ليبيا الي ايطاليا ..... وتبدا الاحدات لما يتلاقا هو وهيام بنت هاربه هي واختها على المركب الي هربو فيه .....شن بيصير تابعو الروايه 😍
