عصابة_الهاربات__dZ__

p3

bonjorno every body
اليوم أنا لي نحكيلكم حكايتشي
طبعا عرفتوني و من غيري ، سلسبيل
نحكيلكم حكايتي بالتفصيل ، يعني أنا مش مختلفة بزاف على لبنات ، أنا ماما ميتة من لي كنت صغيرة عمري 10 سنين ، و للدرك أنا عايشة مع بابا ، بابا تاني مرفه ، عندو بواخر و سفن على الساحل ياجرهم و يبيعهم ، وهو كابيتان تع باخرة يعني ، المهم ، لبارح جاني بابا للبيت فرحان قالي حاب نتزوج ، جاتني صدمة و قبل منتهور قتلو شكون هادي ، قالي ناريمان جارتنا ، ياه نندب ناريمان هاديك صغيرة عليا ، أنا 23 سنة وهي 21 ، وزيد معروفة عليها بلي مهيش شريفة ،وباينة تبعت بابا منو تستر رحها و منو تفشش روحها بدراهمو ، وليت انا هبلت وبديت نعيط على باباتشي ، لي ضربني بكف ، وقالي غدوا تسافري لسويسرا ، عند ولد خالتي وفي نفس الوقت ختشيبي المشحاح البخيل الزمر الخرا السابق.
المهم وليت بدون تردد ، لميت كابتي و مناكيري و مكياجي وكلش  وانطلقت هربت من البالكون ، المهم شافني المزعوق تع أيمن ، البادي قارد لي يعشق فيا ، بففف عمبالكم هادا الباديقارد خرا بمعنى الكلمة ، يشرط تلى لبستي ، على صحاباتي على كلش ، المهم رحت نجري و هو يعيط و يجري ، لحقوه الحراس لخرين و نا نندب و نجري و انتقلت من صدمة كبيرة الى انا نجري و الدولة تجري ، خاطر شافتنا لابوليس و حسبتني كشما سرقت و عادو يجريو ورايا ، فجأة لقيت روحي قدام ماناج ، مالا دخلتلو و تخلطت مع الغاشي ، باه مايشوفونيش ، وهوما بالفعل ضيعوني ، المهم لقيت حانوت يبيع فيه وحد الجون هكا الشيبس وغزل البنات ولمبايل ، شريت كلش ،ولانو معنديش دراهم كاش ، فبستو من خدو عطاهملي باطل ، وللصدفة اسمو ايمن ، اففف ايمنات كامل الزمر لخوه ، ههه ، المهم خرجت من المناج و باقية نلهث ، حتى لقيت طاكسي كحلة حبست حذايا ، انا بديت نشهد و نستغفر ، صاي خلاصة عليا يخطفوني ، حتى لقيتهم زوج بنات ، اييه الحمدلله ، حكيتلهم حكايتي ، وضهرو مام هوما هاربات ، مليح نتعاونو ، المهم بدلت قشي في الطاكسي ، كنت هك

بدلت وليت هك

وعلى فكرة هادي أنا