،،،،غبار الماضي،،،(مكتملة)

البارت 24❤️

بيومها، بساعتها، بلحضه العفتني
هواي ما رادوني ابجي، هواي كالولي
المشه ما منه رجعة، لازم تشد حيلگ
حسسوني اسم الله من عمري اعلى
عمرگ، ميت واني ماباجي أعلى ميت
_انه جاي ابجيلك🖤،
.
.
"" "" "" "" "" "" "" "" "" "" "" "" "" "" "" ""

بليل كاعدين اندك الباب اجه ابوي من دوام كعد شرب جاي صفنت

بي حيل متغير لحيته طولانه راسه مليان شيب...

وضعفان هو ساكت واحنا ساكتين و كلساع صفنه
جيبه وصفنه تؤدي..

قطع صمته كال خابرني نزار كال باجر يجي ياخذج..

كتله اي بابا بس كليوم اجي علمود البنات ومؤمل..

كال لا تخافين يبوي اني وبيبتج يمهم.. شفته سكت دمعت عيني...

بس ماردت ابجي ابد..

كتله بابا حيل متغير... كال بويه هاي دنيه جبتها وياهة اعدل بيها وتعوج راح نام واني هم صعدت

نمت والبنات فرشن ومؤمل يم بيبي وحسين بغرفته قليل ما يتواجد ويانه ويحجي...

نمت وكعدت ساعه ب٩ كلت شعجب ما اجه من غبشه وكعد لمنطقه كلها

ذكرت من اجه ذيج المرة وامي من سلمت عليها

وحجيت وياهة آخر مرة بجيت نوب كمت لميت ملابسي وسبحت نزلت لكيت بيبي سوي ريوك

كتلها بيبي ديري بالج عليهم كالت لا تخافين

اني منو بقالي بس اخوانج ومثل امهم هسه همة امانه يمي...

جاي اترك اني وياهة ونزل ابوي كعد وشرب جاي ندك الباب طلع ابوي ورجع

كال نزار منتضرج بابا بالباب رحت جبت جنطتي كال بابا لا يضل بالج هنا خلي بالج يم رجلج واهلة

ولا تخافين بيبتج هنا واني هم غيرت دوامي حتى يصير اغلب وقتي بلبيت..

حضني وطلعت لكيت نزار بسيارة صعدت ويا وسلم ع ابوي ومشينا..

كالت شلونج؟. كتله.. الحمدلله وانت..

كعد يحجيلي علي وكال بعد فترة عدي جلسه تصوير باربيل واخذج وياي و بنين مسويه

خطوبه بسيطه علمود وفات امي كتله خطيه ليش تقيدت ماكو داعي..

لا شلون عيب وزحمه كتله شوكت عرسها كال هي وخطيبها متفقين يكملون دراسه

يلا يعني بعدلهم سنه كتله وعمتي شلونها كال كل ماريد

اجي تريد تجي وياي بس ادري بيج مقبلين تنزلين

وماجبتها... فشلت من عدة خطيه يجي ومانزل شكد عيب.. كتله اعتذر ماجان الي واهس

اشوف احد كال اششش ولا يهمج...

مقدر وضعج وصلنا للبيت وكلهم سلمو عليه وعمي هم كال البقيه بحياتج وكعدو

يحجون وياي ويصبرون بي لحد ما كلهم نزار، خل تصعد ترتاح عمي طلع ونزار كال طالع عدي