أدمنت قسوتك

اقتباس كيووت

" إلا اخويا يا نهال ... ابعدي عنه أحسنلك ..."
قالها بعصبية جامحة وهو يكاد ينقض عليها لتهتف ببرود وهي تضع قدما فوق الاخرى :
" ايه خايف عليه ...؟!"
" امال هخاف عليكي مثلا ...؟!""
قالت نهال ببرود لا يضاهي تلك النيران المندلعة داخلها :
" حقك تخاف عليه ...وتحرص عليه كمان ...انا لو مكانك اخاف اووي ...."
قال كريم بنبرة جامدة ولكن قوية :
" نهال ... كفاياكي لعب ... انا سمحتلك تلعبي زي مانتي  عايزة ... لكن لحد اخويا وستوب ... مش هسمحلك تلعبي بيه ولا تدخليه فلعبة انتقامك الحقيرة ...ده اخويا اللي مليش غيره ...."
انتفضت من مكانها وقالت بعصبية مفرطة :
" وانا بردوا مكنش ليا غير جوليا ....كانت اختي الوحيدة وجيت انت قتلتها بكل دم بارد ...."
صمتت لبرهة قبل أن تكمل بمرارة حانقة :
" انت خدت مني اهم واعز حد عندي ...انا بسببك خسرت كل شيء ... "
اقتربت منه اكثر ووقفت قبالته تهتف بقوة وإصرار  :
" بس انا مش هسيبك تتهنى ... هحرق قلبك على اخوك زي ما حرقت قلبي على اختي ... هندمك عاليوم والساعة اللي فكرت فيها تقتلها ...."
" انا قتلت اختك عشان  خاينة ...خانتني مع رجل تاني ..."
قالها بنبرة قاسية متذكرا تلك المرأة التي طعنته بالصميم لترد عليه بألم  :
" حتى لو ... مفيش حاجة تسمحلك انك تاخد روحها ... مفيش حاجة تديك الحق انك تحرمنا منها .... كنت ضربتها ... عاقبتها ... بس تقتلها ... عقابك قاسي اوي يا سيادة المقدم ...."
" انتي عايزة ايه ....؟! عايزة ايه بالضبط...؟!"
صرخ بها بهذه الكلمات بنفاذ صبر لترد بحقد وغل :
" عايزة حق اختي .... وهاخده منك ... هدوقك من نفس الكاس اللي دقته انا ... وهندمك على كل لحظة وجع عانيتها بسببك ...."
صمت ولم يرد لتكمل بتهكم لاذع :
" تحب ابدأ منين ...؟! بالدكتور اخوك ... ولا بالمدام ....ولا ولي العهد ..."
اقتباس كيووت اهو ....
لو تفاعلتوا جامد هنزل اقتباس تاني اقوى وانزل الفصل الثاني بكره ❤