شغفي وجنوني💜

البارت الاول

كاعده بغرفتي ندك الباب دخل عليه اخويه وحبيبي إيهاب :غلاوي كاعده اريد احجي وياج
غلا:اي حبيبي كاعده تفضل
ايهاب:احم غلا تدرين انتي صديقتي واختي وماعندي غيرج
قاطعته هوبه بالى هالموشحه الطويله فوت بالموضوع
ايهاب:غلا اني احب وحده
غلا :كول والله لووووولوووووش منيه شلون كايله لتكلي من بنات عمك الجكمات وين ساكنين احجي احجي شبيك ساكت
إيهاب :ولج ملكوفه بس انطيني مجال احجي اكلتيني وشربتيني خل اجاوب على السؤال الأهم عندج لتخافين مو من بنات عمج الجكمات وهيه من البصره هاهيه بعد ماانطي معلومات
غلا :هف الحمدلله
إيهاب :شاخطه والله
غلا :شوكت نروح نخطبه
إيهاب: ممفكر حاليا
غلا: إيهاب بربك شنو ممفكر
ايهاب:يول هيي لاتخليني اتندم على الساعه الحجيتلج بيه
غلا:ماشي ماشي سكتت صدك بيش الساعه نروح لبيت جدو والله شتاقيت لجدو وبيبي والبابا
إيهاب:باجر بالسته نطلع نظل يومين لأن راح تبدي العطله الستين يوم يعني ودعي الشارع
غلا:ادري انت شكو كلسع مذكرني
ايهاب:هههه احسن يالله نخمدي تصبحين على خير ومو تشلعين كلبي من اكعدج
غلا :وانت من اهله باسني من راسي وطلع
خل احجيلكم عن نفسي اني غلا عمري 17سنه امي توفت هيه واخويه مراد بحادث سير جان عمري سنتين بقينه بس اني وبابا وإيهاب
إيهاب يكون ابن عمي وابن خالتي بنفس الوقت أمه توفت هم بحادث سير جان وهيه دتموت جابته عمي بوقته راد يتزوج علمود مسؤوليه ابنه امي ماقبلت وأخذت إيهاب وربته ويه مراد لأن مراد أكبر منه بأشهر فصار اخويه بالرضاعه وره متوفت امي ومراد جان عمره 12سنه يعني إيهاب هسه عمره 30 سنه أبويه متزوج وره امي لأن أبويه يعشقه لأمي رباني هوه وإيهاب إيهاب صارلي كلشي بحياتي يخاف عليه من الهوه إيهاب مخلص طب عام بس هوه حلمه يصير ضابط خلص طب وقد على الجيش وتعين برتبه نقيب على شهادته وابويه هم لواءبالجيش اني صف سادس علمي أبويه وإيهاب يريدون اصير دكتوره صح اني شاطره وذكيه بس ماأحب الطب اني رسمي كلش حلو واحب التصوير وبواهسي اصير ديكور حته اطور مواهبي بس حكم القوى على الضعيف إيهاب يكول إذا مطلعين طب ماكو سياره وهو يكلي طلعي طب وكملي ولتمارسي مهنه ومارسي هوايتج بذاك الوكت حيكون عندج راتب تكدرين تباشرين بمشروعج ومتحتاجين احد جان حجيه واقعي فوافقت ورضيت بالأمر الواقع
طبعا أبويه من البصره يعني اني اصلي بصراويه بس امي من بغداد لذلك ساكنين بغداد لأن باعتبار شغل أبويه وامي هم جانت محاميه فالذلك لحد الان بغداد ساكنين اني شكلي حلو عيوني زرك ورموشي طوال وحلكي حلو وشفايفي مليانه وخشمي متناسق ويه وجهي وشعري اسود فحم يوصل لركبه وناعم وثخنه زين اني مو حيل طويله تقريبا 160 وجسمي ناعم بس بارزه المعالم النثويه عندي بس مو حيل يعني بترتيب وعندي شي مميز بوجهي عندي غمازه بحنجي وشامه فوك الغمازه مباشرتاً يعني صايره جوه شفتي الجوه شكله كلش حلو واني احبه لأن هذا الشي الوحيد الي تشابه بي اني وامي لأن اني طالعه على خالتي ام إيهاب هيه العيونه زرك اما امي عيونه سود بلون الليل وشعره قصير متحب اطوله وطويله يعني صدك منشابه اماايهاب فشكله حلو طويل ماشاء الله طوله 184 ومعضل وعيونه تحير مدري شنو لونه وكبار حيل ومو ابيض حنطاوي من وره شغله باجر ان شاء الله مقرره احرجه كدام أبويه وجدي واخليهم يخطبولهيا بما انو هيه من البصره
ايهاب:كعدت بالخمسه كمت خسلت ورحت اسوي ريوك لأن البارحه كلت لام على روحي لأن حنضل يومين بالبصره اني اعرف اطبخ بس ها تره مو بوراك يعني هالموجود بس من ام علي ماكو اطبخ خدرت الجاي وحطيت البان وسويت بيض روحت دكعد غلاتي
غلا غلا غلاااااا
غلا:هممم
إيهاب :يالله بنيتي كعدي الساعه بالخمسه وثلث هم يالله تلحكين وسويت ريوك
غلا :يالله جايه وراك
إيهاب:كومي ننزل سوه
غلا:نطيته ايدي وكمت نزلت تريكنه وصعدت دابدل لبست بنطرون كوبوي تسعين ثلجي وقميص ويه الكمر ابيض وفوكه ستره بنفسجي على عنابي جوه الركبه يعني طالع من البنطرون شبر وخمس أصابع وشال مشجر ابيض وبنفسجي وترانشوز ابيض ومااشيل جنطه يد ماأحبه حطيت الفون بجيب البنطرون وجنت مجهزه جنطه صغيره ام الجتفين بيه تراك ولبسه ثانيه للطلعه ومشطي وفرشه والمعجون وشاحنه والسماعه وطلعت لكيت إيهاب شطالع يكسد عليه لابس بنطرون كوبوي كاحت وقميص اسود مدخله بالبنطرون وكافل ردنه والساعه والشوز اسود والشعر رافعه طبعا هوه ممسوي لحيه بس شوارب بحكم شغله ولابس النضاره وشايل جنطه صغيره وجنطه الحاسبه
ايهاب:هاغلاتي خلصتي
غلا:اي خلصت اني حاطه بالسياره مخده ولحاف صغير دائما من نطلع من الصبح اخذ الكشن الخلفي انام بي وقبل منوصل بشويه يكعدني إيهاب حته اعدل شكلي اول موصلت السياره طلعت للحاف والمخده من الصندوك ونزعت سترتي حطيته ليكدام حته متتعقج وهو هوبه فديدته دائما يهيالي جو للنوم سبلت مشتغل وماكو صوت وهو سياقته رزنه اصلا دائما يكلي بس لو ادري شلون تكدرين تنامين وره متكعدين وتغسلين أكله هاي موهبه مو اي احديسويه هههه
إيهاب :قربنه نوصل نداريت على التنبل اكعدهه ههه حته تعدل شكله غلا غلاوي رح نوصل
غلا :كعدت بللت شويه وجهي بمي ولفيت الشال زين ولبست الستره صفطت الغطه والمخده ورجعتهن للصندوك بعدين حولت كعدت يمه وعلكت اغنيه ناصيف تكه اموت عليه هههه وصلنه بيت جدو ودخلنه للديوان مالت العائله لأن همه عدهم واحد خارجي للكعدات واحد للعائله من ننجمع احنه وعمامي
دخلنه اني وإيهاب الكل مجمعين
إيهاب غلا:السلام عليكم الكل ردو علينه اني ويهاب توجهنه على جدي إلى كاعد بصدر الديوان ويمه حبوبتي ههه متقبل أكله بيبي بأس إيهاب ايده وراسه وسلم عليه واني كذلك بعدين توجه على حبوتي وهم نفس الشي بعدين توجهنه على بابا
إيهاب :يابه والله شتكنالك ادري ليش ماجيت لبغداد
ابو غلا:يابه مو انت كلت اني جاي للبصره كلت شكو اروح لبغداد وارجع بعدين للبصره خوب نتشاوف هنا
غلا:إيهاب شو خل اسلم على الكاطع ميكول عندي بنيه اخابره خطيه بس يخابرك الك عمي بطلنه منريدك تجي عد دك علينه رمشنه واحنه نخابرك
ابو غلا:يابه يابه يابه هذا كله إليه على كيفج بكلبي هذا العتب كله عليه مره وحده هههه وجره لحضنه وهو يبوس برأسه مشتاكلج ياروح ابوج
غلا:اي مبين فخابرت إيهاب ومخابرتني واني مبولزه هاي الحركه نقطة ضعف بابا وإيهاب ههه
إيهاب:تره اني الخابرته لابويه
غلا:احم يا صدك
ابو غلا:اي بالله هسه منو الكاطع
غلا:ههه بابا احنه مابينه هالسوالف طبعا الضحك صار بفلس ههههه
بعدين سلم إيهاب على ابو عمو محمد يصيحله إيهاب حجي وسلمنه على كل الموجودين وكعدنه صرنه قريبين على صدر الديوان جان يدخل البيست فريند مالتي ههه شهم اخو إيهاب من ابو هذا اكثر واحد يحبه إيهاب من إخوته عمره بكدي وهم صف سادس علمي بس مو بشطارتي لأن هو ميقره دخل سلم على إيهاب وحضه
ايهاب:هله بالبطل شلون شهومي
شهم:هله والله هسه نورت البصره شلونك خويه اني الحمدلله
إيهاب:الحمدلله يول شد حيلك بلشت العطله
شهم:أن شاء الله شلون لعد. شلونج ضلعه
غلا:بابتسامه همزين ذكرت اني موجوده للحظه شكيت اني خفيه
شهم:ههههه يول مو اول مافتت اشرتلج بيدي لو انتي حوله وليس على التحول حرج هههههه
غلا:هاهاهاها شهالنكته البايخه إذا اني حوله لعد منو احله وحده بال الجاسر واني اباوعله بغرور
عمي محمد:يول شهم بكلشي ناكر غلا بس جماله لتحجي بي عمي اصلا احله وحده بناتنه غلا
غلا:اني مااحجيلكم عليه شلون نفخت نفسي ونفشت ريشي وصرت اسوي احمم احمم عاد همه كامو يضحكون بس متخلو من نضرات الحقد من بنات عمامي وعماتي ومرت عمي محمد(نعيمه) مده تكوم تاكلني لأن اني عود اشبه خالتي وعمي تغزل بيه هههه والله اضحك على تفكيره كتلهم صدك وين الشيخ أيوب اشو ماكو
حبوبه:والله. يحبوبه هالولد متعوب لو بغداد يشتغل لو هنا هم بالشغل سوده عليه
غلا:بيني وبين نفسي همزين اعرفه لايوب لأن لو ماعرفه جان نقهرت عليه ههههه
جدي:مدكونه عليه شوفون وين صار. كمزت بنت عمي اخت إيهاب هاي اخته الوحيده اسمه مرام واخو الجبير اسمه حسام يعني ترتيبهم عدا إيهاب حسام ومرام وشهم
مرام:جدي اني ادك عليه. تباوعلي وتبتسم دكت عليه مره وثنين وثلاثه يمكن بالست مرات ماجاوب
الجد:عوفي جدي عوفي يجوز مو يمه الموبايل
غلا:دك موبايلي اباوع هذا أيوب راسن رديت هلا والله بالشيخ شلونك
أيوب:هلا غلاوي الحمدلله انتي شلونج
غلا:تمام الحمدلله
أيوب:وين صرتو وصلتو لا
غلا:وصلنه صار تقريبا نص ساعه
أيوب: لعد أخوج وين موبايله دكيت عليه ماجاوب
غلا:إيهاب وين فونك أيوب دك عليك فتش جيوبه
إيهاب :اوو يمكن نسيته بالسياره
غلا:ناسي بالسياره
أيوب:اثول الموبايل
الجد:غلاجدو سألي وين صار وشوكت يجي
غلا:حاضر جدو أيوب جدو يكول وين صرت وشوكت تجي وصدك مرام دكت عليك هواي وين جنت ليش مجاوب. هنا إيهاب جان جايب الموبايل وراجع
أيوب:هياني جاي بالطريق بعدين هيه شكو دك عليه يابه ام الجهال مراقبه الموبايل متقبل احجي ويه نسوان وله هيه محسوبه على النسوان بس جيب إلى يفهم عشق هالحجي
غلا:اني هنا فحطت من الضحك كتله لعد وين حاسبه
أيوب :والله ماادري
غلا:الله يعينك على مابلاك ههههه
ايوب:ياالله دعبلي هيان وصلت
غلا:بس سديت الموبايل جان تكمز نعيمه
نعيمه:وين جان ليش مرد على بنتي
غلا:اني جنت بعدني مدنكه على الموبايل ومبتسمه على حجيه وداسده جفلت ورفعت راسي عليه كل الأنظار توجهت الي اني صافنه شكللله كتله عمه جان الموبايل مو يمه ملكيت. غير هاي الجذبه مع انو ماكو دقايق من بطلت مرام دك جان يدك عليه. يعني مبين جذب
خل احجيلكم على عمامي الجبير عمي حافظ أبو أيوب مهندس معماري عمره 33 عنده مكاتب بغداد ومكاتب بالبصره وعنه حبيبه اسمه عشق تعشقه ويعشقه بس اني وإيهاب نعرف بيه اصلا اني صادقته ولازمه مكاتب بغداد لأن هيه هم مهندسه مثله على كولت حب الدراسه يسميهه بس هو أكبر منه يعني هو جان مرحله رابعه وهيه اولئ
اما الثاني فارس الدكتور فارس طبيب أسنان بس شنو جدي حيل يحبه يسمى دكتور العائله مع انو إيهاب هم دكتور بس ممعترف بي لأن ممارس المهنه هذا فارس اني ماطيقه اموت منه لأن حاط عينه عليه وكم مره خطبني من أبويه بس إيهاب يرفظ وابد مطاهم مجال من ناحيتي وعنده بنيه وحده اسمه زهور هاي هم من ضمن الأعداء هههه  ثالث متوسط وبطلت مرته اسمه سميه ساعه زينه ساعه لاء لأن همه مفهميه انو الاخوه ثنينهم حاطين عيونهم عليه أيوب وفارس وحتصير مذابح من ورايه هذا حجي نعيمه وبنته ميدرون أيوب غركانه سفنه ههه وفارس ماكلبه
اما عمي الثاني فهو عمي محمد أبو إيهاب ولده إيهاب وحسام مخلص اداره واقتصاد ويشتغل بوحده من المعامل مالت جدي ومرام هم ثالث وبطلت تطلع بكبر زهور عود متفرقات مرام تأخذ زهور لايهاب وزهور تأخذ مرام لايوب والله خيالهم واسع هههه وشهم بكدي سادس علمي والثالث أبويه عبدالله عنده بس اني وإيهاب واخر شي عمي حسن أبو زيد عنده زيد مخلص تربيه نكليزي ومتعين مدرس وعلى حده زياد مخلص آداب تاريخ بس ممتعين ويشتغل بالمعمل ويه حسام واخر شي أسيل هاي بطلت بالثاني لأن أصغر من أعصابه. بسنه فبطلت. وياهن هاي تريد غيث ههههه اماعماتي عمتي الجبيره هاي يسموه االمتمرده لأن تزوجت عن حب وجدي ميقبل تنجاب سيرته بالبيت بس اني وإيهاب عدنه علاقه بيه نروح نسأل عليه ونسلم بس محد يدري حته ولده أصدقائنه وعده بنيه وحده اسمه بنين ورده مال الله عمره 25اني احسه حاطه عينه على إيهاب بس هي خجوله وإيهاب ميباوع عليه صح حلو بس لايهاب يريد وحده مكمله وعده ثلاث ولد هاني ونائل وافي يشتغلون ويه ابوهم عمتي لعلى حده عمه أسماء مزوجه ابن عمه وعده غيث استاذ بجامعه هذا الي تريده اسوله بس هم ممعبره عمره 32 وغياث تاوئمه عنده معرض سيارات  ووائل خامس أدبي
عمتي الثالثه الهام مزوجه ابن خالته عده اربع بنات وولد البنات دعاء ورجاء وولاء وسناء ممخلصات دراسه هم من ضمن العصابه الولد اسمه عماد مخلص علوم حاسبات اهليه وفاتح مكتب حاسبات وتصليح وهالسوالف هاي عمتي زينه نوعاً ما لأن ابنه الأمير وليم تريد تاخذله احله وحده فكلما تشوفني اتكلي حاجزتج إله اني اسكت بس فدوه لكلبه هوبه يكله عمه زوجي لابنج اني غلا ماانطيهه بس شنو اني العب بيهم طوبه يعني الي تكلي حاجزتج لابني تجني عليه هههه
وعمتي الاخيره هاي ارمله وماعدهه جهال تموت عليه اني وإيهاب بدايه مماتت امي هيه جتي يمنا وربتنه اذكر عمري ست اسنين وهيه موجوده بس جديتي مقبلت تخليه عود حته تجبر أبويه يزوج بس هو ماازوج لأن بوكته جان إيهاب جبير وهو ضل داير باله عليه
اني بس انتصر أيوب يجي حته نتفق اني ويانفجر قمبله إيهاب هههه
ماكو شويه ووصل أيوب
ايوب:السلام عليكم ودخل توجه بأس رأس جدي وحبوبه وتوجه على إيهاب هله والله بأبو سند(لقب إيهاب طلعولهيا أصدقائه بالجيش) نورت الديره
ايهاب:منوره بهله ابو فهد وانت اهلهه
غلا:توجه عليه بأس راسي
ايوب:هله هله هله هاي باربي جايه علينه(باربي أيوب يلقب بي غلا عود لأن عيونه زرك ونازكه مثل الباربي)
غلا:هله والله بالشيخ المتعوب سوده على البو سوده مكضيه بغداد دك شغل تجي هنا دك شغل قهرتيني حيل مو حبوبه هنا إيهاب وايوب كو لازمين ضحكتهم وحبوبه رجعت تجدي بي نوب هههه قربت عليه وهمستله بس هو وإيهاب يسمعون كتله همزين اعرفك ولى جان نقهرت عليك عاد هنا ماكردو يضمون ضحكتهم أيوب ضحك بحيث نرج الديوان كله بضحكته
ايوب:ام السان هو اني اكدرلج يالله يابه اني اسبح وانتو زهبو الاكل حتى ناكل جثير جوعان
حبوبه:يخسه الجوع بعد امك تجي تلكا. جاهز
أيوب:خوش. وانتي ام السان عندي حجي وياج
غلا:اي ماشي واني هم اريد استشيرك بموضوع
أيوب:متفقين وره الغده نطلع للسطبل هم اشوفج الاحصنه وهم انسولف
غلا:اوك
ايهاب:الله يثخن لبنكم صايرين أسرار ومواضيع
ايوب:ثخين بس انت لاتجفص بي واي شعبالك الهوى ميفوت بيناتنه ضحك ومشى.
طبعا إيهاب يدري بايوب لو متعارك ويه عشق ويريد غلا واسطه لو عنده رسمه وحده من الاثنين بس ميدري غلا شتريد ضل ساكت لأن ديصبون الاكل وكامت غلا(خاف عبالكم تساعدهم لا حبايبي ههه) نزعت الشال وعدلت شعره وذبت الستره لأن صدك القميص للكمر بس مغطى الورك كفلت ردانه ههه لأن تحب الاكل لمفلطح بالغده وكعدت بين إيهاب وبين ابوهه وثنينهم يفلسون ويحطون كدامهه خلصو اكل وشربو جاي جان أيوب مخلص ولابس دشداشته البيت طبعاً أيوب حلو واسمراني يعني شكله بصراوي اصلي وجسمه مرتب
ايوب:غلا يالله تعالي اشوفج. الخيل
غلا:اوك
فارس:اني هم جاي وياكم
طبعا أيوب اني كايلتله شكد اضوج من فارس وشافني راسن كلبت خلقتي
أيوب:فارس تره لو اريد. احجي كدامك شكو رايحين بالحر بس جيب اليفتهم صفك ايد بأيد وكال استغفر الله اني موبس لان غلا ضاجت بس اني هم اريد احجي بموضوع مااريد احد يسمعه
غلا:اني جكيت حلكي منا لهناك كلت بكلبي يعني إله تتفشل طلع أيوب واني ورا حطيت. الشال على راسي هيج ولبست الستره وخليته مفتوحه وصلنه لسطبل جان
ايوب:شبيج
غلا:أيوب إيهاب يحب وحده من البصره
أيوب :يعني من الكرايب
غلا:لا يمعود كلشي مفتهمت غير انو يحب وحده من البصره ومو كرايب اني جنت مقرره افجر القبله بنصهم واكلهم إيهاب يريد يخطب عاد هو راح يحجي احسن ميدبسو بوحده من الجكمات هنا هو فحط ضحك
ايوب:هاي هيه هسه من نفوت نفجرهه اني وياج للقنبله وغصب عن رأسه يحجي ونروح نخطبه بس انتي متأكده يحبه
غلا:اي أيوب يكول اتنفسه واموت عليهه.....

لهنا وينتهي البارت الأول اتمنى يكون نال اعجابكم

خم كلب البشر مرتين يالله تباوع الشكله💜
الكاتبه:باندا🐼الشمري