شغفي وجنوني💜

البارت الثاني

غلا:دخلنا اني وايوب المضيف وكعدنه قريب على جدي بس بالجهه المقابله لايهاب همه جانو يحجون بيناتهم خاصة إيهاب وبابا جانو يحجون على موضوع المعسكر والخفارات وجدي جان يحجي على الطلايب حته راد أيوب يشارك بس أيوب جان باله مو يمهمم
الجد:هاي شيخ أيوب شكلت؟
أيوب:شنو جدي؟
الجد:شبيك يابه صار ساعه شاحجي
أيوب:اعذرني جدي بس اكو حسبه بالي علمود الشغل
غلا:أيوب بلش احجي
أيوب:هاي شبيج خمااني ابلش بالحجي انتي بلشي غير كالج الج احجي واني اساندج
غلا:دبلش انت الله عليك
أيوب:ولج بابا غير انتي الي تعرفين بالموضوع احجي وين متوصلين اني اكمل
ايهاب:شبيكم تتبسبسون صالكم ساعه غلا شكو
غلا:احم جدي عندي موضوع وياك
الجد:اي يبوج احجي شكو
اني هنا ندسته لايوب
ايوب:جدي غلا تريد تحجي وياك بموضوع خطوبه. هنا رأساً قاطعته حبوبته كَمره
الجده:يمه أيوب قررت تزوج يوم المنى ورايد غلا بت عمك اني اخطبلك ياها من عمك جانت تحجي والفرحه بعيونهه
غلا:علكيفج حبوبه اهدي ماكو شي من الكلتي صحيح
ايوب:حجيه انتي لو بس متقاطعيني جان عرفتي الموضوع
غلا:همست الأيوب إذا إيهاب متلاحك روحه وحجه على ليحبه راح يورطو ورطه معدله هه
أيوب:ابتسمت على حجيهه
إيهاب:وهو ديشرب مي شبيكم متحجون المن الخطبه
غلا:بنفس واحد جدي إيهاب يحب وحده واني كلت افاتحكم حتى تخطبولهيا. هنا إيهاب مااحجيلكم شلون ذب المي من حلكه وغص وجهه صار احمر وخطيه إلى صارت بوجهه شهم المسكين هههه
الجده:صدك يمه ايهاب اني اخطبلكياها ابايدي كلي من بنات عمك لو بنات عمتك
غلا:حبوبه كولي ياالله لا لاذني ولا ذني
ايوب:همستله يول الحك روحك راح يورطوك
ايهاب:اني هنا ماادري شحجي غلا الملكوفه مدري شجاها وحجت وعلى كولت أيوب إذا مااحجي يورطوني اني جليت صوتي جدي صحيح اني بالي وحده بس مو هسه اخطبه
ابو غلا:ليش يابه مو هسه كولنه على الناس والتوكل على الله
ايهاب:ونعم بالله يابه بس اني مو جاهز
ابو غلا:ليش يابه مو جاهز شناقصك ماشاء الله متعين وعندك وارد وعندك بيت واني بعمرك جنت مزوج ومراد جان بالطريق
الله يرحمه
ايهاب:الله يرحمه حجيك صح يابه.بس
الجد:بلا بس احجي منين هيه شتعرف عنه
إيهاب:أخذت نفس جدي البنيه من البصره طالبه صيدله
هنا قاطعته الجده
الجده:يمه إيهاب إذا رايد تزوج خل اخطبلك من بنات عمك وحده احلى من الخ
ايهاب:جده اني مكايل شي على بنات عمي الله يستر عليهن بس اني ممخلي الجمال من الأولويات أهم شي عندي الأخلاق والشهادة يهمني مرتي تكون عده شهاده
الجده:بس
الجد:بسج يامره كمل يبوك من ياعائله هيه
ايهاب:مثل ماكتلك جدي البنيه ثالث صيدله عمره ٢٣ هيه من بيت الهارف اسمه ترف أحمد الهارف
ايوب:ونعم زين مااخترت اني اعرفهم آل الهارف بيت ابو كيان عنده اربع ولد وبنات اثنين وعدهم مستشفى البصره. الهم لأن ولده ماشاء الله إلى دكتور والي صيدلاني وحتى بناتهم ديكملون دراسه وأخلاقهم ونعم من تربيتهم
ايهاب:اني بعد الحجي الي حجا أيوب ارتاحت صح اني اعرف كل هذا الحجي بس شهادة أيوب تختلف
غلا:يعني جنتنه اسمه ترف امممم شلون كايله حلوه
إيهاب:وانتي ام السان واحد مايامنج على حجايه
غلا:ياااا هاي بدال متشكرني يالله ميخالف سوى الخير وذب بشط وسويت حركه على أساس دامسح دموعي
ايهاب:اي مسكينه ام الخير ههههه
الجد:توكلنه على الله يعني محتاج نسأل بشهادة ابو فهد باجر بإذن الله نروح مشيه زلم
غلا:اني. هم اريد اروح حتى اشوف العروسه
ايوب:خلي تصير ويوافقون عود روحي شوفي العروسه
غلا:وليش ميوافقون وين يلاكون مثل اخويه هوه موكف بنات بغداد سره وخاف ممكفيات من نجي للبصره هم بنات السلف يوكفن سره
حسام:دنيه صارت حاره من الحماوه صعدته غلا
غلا:هاهاهاها مضحك الجوه يم الكل منعش بس يمك صعدت الحماوه لأن احترك الصرم مالتك غيور
هنا صارو يضحكون حتى حسام لان. يحب يشاقه
ايوب:جدي اخابر الشيخ كيان
الجد:اي خابره ومهدله انو احنه جايين خطبه وكله أن شاء الله باجر وره صلاة العصر احنه يمهم
ايوب:على أمرك جدي
وره هاي الأحداث مصار شي غير انو أيوب كال أخذت موعد من الجماعه وفهمته احنه ليش جايين مر اليوم عادي إلى ثاني يوم العصر بدلو كلهم لبسو الدشاديش والاشمغ والعكال. والشباب لفو جراويه بس إيهاب مجان جايب دشداشته اخذ من أيوب دشداشه نيليه وجراويه نيلي وبيجي طلع إله اشرد راحو
واني انتضر على نار حتى اشوف شنو صار طبعاً دزيت المخبر السري ماتي وياهم شهوم راح حتى ينقلي كلشي صار ماكو قبل أذان المغرب بشويه اجو بس شنو ياستار الوجوه مكلبه ويصيحون بحيث خفت حتى اسألهم شصار جديتي ونسوان عمامي فاتو ديعرفون شصار واني جنت واكفه يم الباب مالت المضيف واباوع عليهم بس شنو ارجف من الخوف لأن أصواتهم كلش عاليه وكلشي مايفهمون هنا إيهاب صاحني رحتله بس كوه امشي
ايهاب:شبيج غلاوي ليش وجهج اصفر
غلا:مابيه انتو شبيكم ليش صيحون شنو صار
إيهاب:ماصار شي بس ماكو قسمه
غلا:ليش شنو الصار
إيهاب:ماصار شي تعالي طلعيلي هدومي حته ابدل
غلا:طلعنه من. الديوان جان اكو ديتناقشون بعدهم واكو ساكتين وديفكرون واكو سلطو انضارهم علينه خاصه هدوء ايهاب
إيهاب:غلا شوفيلي الحمام اريد اسبح
غلا:ماشي شفتله الحمام فارغ طلعتله الشامبو مالته والمنشفه والملابس ناوشني هو ملابس أيوب صعدته لغرفته واني بس اريد اعرف شصار وادري مراح اخذ من إيهاب لا حك ولا باطل مالي غير شهم هو يحجيلي بس ايخلص إيهاب اشوفه وين صار
بهل أثناء طلع إيهاب من الحمام ينشف بشعره لابس برموده وياها التيشيرت مالته ماركه نايك وكف على المرايه مشط ورجعنه للديوان جانو تقريبا ساكتين بس محد افتهم شي لان جدي مسكتهم ومكالو شصار راح أيوب بدل ورجع واني رحت على شهم وكفت يمه
غلا:شهم احجيلي شصار
شهم:ماصار شي
غلا:شهم اختصر على روحك واحجي لي شصار لأن تعرف. مراح اعوفك شهم عافني وكام داكوم ورا جان يكول
شهم:غلا رايح ابدل
غلا:تمام خلص وانتضرك
راح شهم وهمه بلشو بالعشه جانو مخلصين باقي بس الخفيف صبو العشه وكعدنه ناكل بس جانت عيني على إيهاب إلى كلما ياكل لكمه ياخذله صفنه ومبين مقهور اووووف لو بس اعرف شصار
خلصنه وكمنه رحت وره شهم وهم نفس الملحه بس ماكو نتيجه دخلنه للديوان ورحت كعدت يم إيهاب
غلا:إيهاب اريد اروح اجيب ملزمه من هاي الي عند شهم
ايهاب:آخذيه منه واني انطي فلوسه
غلا:لا إيهاب واني هم ضايجه كله خل اني ويا نروح نجيب ملزمه ونجي بالسياره منطول
ايهاب:ابتسم. ماشي صحت شهم وشمرت سويج السياره عليه روح انت وغلا للمكتبه محتاجه ملازم وشغلات خل جيبهن وتعالو
شهم:ماشي
طبعا اذا إيهاب يحجي محد يكله لا يعني الدنيا مكلوبه وكله أعصاب بس يم غلا يختلف. الموضوع
غلا:طلعنه اني وشهم اول ماصعدنه للسياره اي شهم احجيلي شصار بالتفصيل
شهم:ادري هاي الطلعه مو خاليه
غلا:احجي شهم امانه بركبتك احجي
شهم:جريت نفس وكتله غلا إلى راح احجي يضل بيناتنه
غلا:ماشي بس احجي
شهم:اول مطلعنه من البيت طبعاً كله جتي عمامي وولدهم وولد عماتي وحتى زلم عماتي جمي يعني صارت مشيه جبيره صح بس احنه رحنه بس جدي كال من يوافقون ناخذ عراضه اشيوخ أكبر ونروح
سيارة إيهاب صعد بيه جدي وره صاروه أبويه وعمي عبدالله وايوب صار بسيارته عمي حافظ وعمي حسن والولد الباقين توزعو على السيارات وصلنه استقبلونه ذاك الاستقبال وكعدنه بالبدايه سلام وغيره إلى أن بلش جدي يحجي
إيهاب :دخلنه اني وابوي وجدي وعمامي على مضيف الشيخ حته اخطبه ااااه واخيرا اووووف شكد احبه كعدنه وستقبلونه وبلش جدي يحجي مقدمات ومديح اني بس أريده يدخل صلب الموضوع
الجد:اني جاي اطلب كريمتكم لحفيدي الظابط شافها وعجبته أخلاقه ونعم ماربيتو
طفر واحد من الكاعدين اعتقد اخوهه هوه الحجه مع انو اكو أكبر منه الصراحه استغربت لأن هو الحجه بس لفتهمته انو هو مستلم الشيخه.
الشيخ كيان: نتشرف بطلبكم بس مثل متعرف شيخ الجاسر احنه مابيناتنه اي صله اصلا هاي اول مره ننجمع بمجلس وانت اكيد سامع بقانون عشيرتنه احنه مننطي مره للغربه
الجد:بس...
شيخ بعدني. ممخلص احنه يهمنه نوسع نسبنه ونتشرف بيكم بس بالمقابل اني رايد مره من عدكم
ايهاب:الصراحه صدمني وصدم الكل بطلبه والصدمه الأكبر من كمل حجيه
شيخ كيان:شيخ الجاسر واني مطالب اي مره اني رايد غلا...

إلى هنا وينتهي البارت اتمنى يكون نال اعجابكم
الكاتبه:باندا🐼

ياهو ليقرر نصيبه
وياهو ماعافه حبيبه
بالسنين يحب إله وحده
تالي يتزوج غريبه💫💜