اغتصبو حياتي
PART4
بقلم : منى المجبري
طلعت رسل من حوش هلها واتمنه اتموت وماتشوفه.
احمد: رسل
رسل ودموعها بِ ينزلو: نعم
احمد : خليك قويه وتحملي زي ماعرفتك وسامحيني
رسل : إن شاءالله
مشت للسياره لقت طارق مقعمز ، فتحت الباب الوراني وركبت والدنيا اتلف بيها شويا وبِ دوخ💔
طارق بِ وقاح: هههههههه قصدك خايفه مني ركبتي لاوره
سمعت رسل صوته وكبدها زعمت ودموعها نزلو💔🔥
، شافلها طارق من المرايا و
طارق : هههههههه وتي روحك في الليل عندك شوط طويل
رسل بِ تقزز وخوف : اسكتتت اسكتت
حطت يديها ع اوذانها متبش تسمع صوته، وهوا يضحك💔🔥
وصلو للحوش نزل طارق ونزلت رسل قعدت تشوف بِ استغراب
طارق بِ وقاحه : كنك مستغربه تحسابيني نطلعك في حوش بروحك ولا شن ه تقعدي مع هلى عند خالد واختك عند امك ونحب انبشرك ه ناخذو دارهم لين نكملو صيانه وناخذك ل داري هههههههههه
رسل بِ تقزز: اسكتت وقح
وخشت وسيباته يشوفلها ويضحك ، دقت رسل على الباب وقلبها يرجف فتحتلها ميار وحضنتها
ميار بِ دموع: عليك عذاب ياروحي عليك عذاب
رسل : قهروني في نص عمري احساسي تبلد
ميار : خشي ياقلبي توا نحكو جوا
خشت ميار ومعاها رسل ، طلعت عليهم زينه
رسل بِ خوف: خير يا عمتي
زينه بِ كرهه: من وين يبي يجي الخير ، يا سحارة خليتي اولدي يغتصبك بيش يجوزك كله ملعوب منك
رسل بِ صدمه ودموع : لا والله ياعمتي والله ماصارت
على خشت طارق
طارق : متحرقش دمك يا امي 3 اسنين بِ الضبط ونعزقها زي الكلبه🔥 تنتهى المده بس
زينه: ايوا منبيهش ام لِ احفادي ال..
ميار بِ كسره : رسل تعالي لِ داري
رسل بِ دموع : باه
خشت رسل وميار للدار وقعدت ميار تهدى فيها💔
/////////////////
في مكان اخر
كان شخص اسمه رامي ، محقق وظابط في الشرطه ،موصفاته طويل عنده عضلات، اعيونه اصغار لونهن بني وشعره لونه بني عنده لحيه مرسومه وخشمه نازل زي السيف❤🔥
رامي بِ حده: لازم تجيبوه لياا لازم نلقاه
زياد : منعرفوش شئ غير اسمه خالد حمدي ال..
رامي : انا وياه والزمن طويل لو اضطريت نطلع وندوره ابروحي🔥
/////////////
ميار : رسل خلاص قلبي سادنا نكد
رسل بِ حزن : شن تبيني ندير يعني
ميار بِ ضحكه :اضحكي
رسل بِ تنهيده:شن الى يضحك بسس
ميار بِ هبال : به نوضي ارقصي🙂😂.
رسل : ايوا بيش انطيح ونقعد نعاني من اكراعي ناقصه انا🙂
ميار: ههههههه به نقولك حاجه ضحك
رسل: قولي يا حنه انني استمع
ميار : كنك قلبتي فصحه😂 ركبك توحد شكله
رسل بِ نرفزه: مياار إلا الفصحه متعيبيش عليها تعرفي كيف نحبها
ميار بِ ضحكه : وووه تهبلى وانتِ متعصبه😂🤦♀️
رسل : تبي تحكي ولا انوض نقرا قرآن على حالى
ميار بِ ضحكه : لا توا نحكي بس سخيفه شويه
رسل : ميااااااار
ميار : لا والله سخافه مؤدبه 😂
رسل: به احكي هيا قريب تطلع روحى راه
ميار وشاده ضحكتها: مره يا حنه في وحده ولدها صف اول ومش مطهرينا شالوه للمستشفي طهروه هههههههه
رسل : كملى يا بارده شوقتيني نعرف
ميار : شالوه طهروه بعدها قعدو يجو ويحطو في زلوف احداه جت امه تبي تاخذهن مسك يدها وقاللها مدامك تبي افلوس ليش ماخليتيهم يطهروك انتِ😂
رسل بِ دموع : وووه😂😂😂 بكيت من كثر الضحك خزو ربي يهديك يارب
ميار بِ اهبال: اجمعين😂
