#اغتصبو _حياتي
بقلم :منى المجبري
مقدمه
عارفين معنى كلمه (اغتصاب ) الاغتصاب ميوقفش عند مفهوم سلب الحاجه الغاليه الحاجه الخاصه بيك الى محرمه على غير زوجك من مفاهيم وطرق الى ينقسم لها الاغتصاب اغتصاب ( الحيااه) اكيد تسألو كيف اغتصاب حياه ، اغتصاب الحياه هوا هدم طموحك ورأئيك ك انثي من وجهه نظر الجنس الآخر ، الانثي كائن ضعيف وهش وبسهوله ينكسر وكيف مااطلقو علينا ناقصات عقل ودين ، وفي اغتصاب الشخصيه وهضا الشئ عن طريق التنمر تنهدم شخصيه الإنسان ؟ تمام عرفت سوألكن اكيد تقولو كيف نغيرو المفهوم هضا وكيف مانضعفوش ونقعدو زي مايبو هما يكسرونا في اي وقت ويهدمو حقوقنا شن مصدر الى نستمدو منا قوتنا ، كيف نمنعوهم من التنمر علينا ؟ ه نجاوب ع كل سوأل يدور في عقولكم بس خطوه ب خطوه❤ هيا نبدو مع بعضنا وه تفهمو اكثر اول شئ ه نعرفكم ع بطلتنا❤
البطله: رسل مواليد 1992 رسل من عائله صعبه التقاليد وتفكيرهم متحجر اشويا مواصفاتها شعرها طويل كيرلى وأكثر شئ تحبه شعرها ❤ عيونها اصغار ،وخشمها كبير بشرتها قمحيه ، وجسمها دبدوبه ،كانت بنت عاديه ، مش زي بطلت اي روايه او قصه مش جميله بلعكس كانت بسيطه وجوهرها هوا الي يمتلك الجمال، قلبها طيب وتحب الخير لكل الناس
(لقَدْ خَلَقْنَا الْإِنسَانَ فِي أَحْسَنِ تَقْوِيمٍ 💙.)
مهما كان في ناس يتنمرو ع شكلك قوي ايمانك لان الله هوا الي خلقك وفي احسن تقويم ديما خلي جمالك ينبع من الداخل من القلب ، خليكِ انسانه روؤفه وحنونه على غيرك من الناس فلا حياه بدون موده وحب وقلب يدق بِ الايمان و بِ طاعة الله
يتبع....
Part1
مصبيه في المحكمه والكل يشوفلها خذت إذن وطلعت من قاعه المحكمه وقعمزت ع كرسي ، نقدر نسميه كرسي الذكريات وردت بيها ذاكرتها الى الماضي
خيريه : هيا كلمه وحده مفش غيرها الى يقولها باتك تمشي
رسل بدموع : بس ظلم نبي نحقق حلمى حرام
نهى(اختها متجوزها ولد عمهم): اسكتي لا حلم لا يحزنون نهايتك حوش راجلك معندنش بنت تكمل قرايتها وعلى أساس فالحه فيها القرايا
رسل بِ كسره : خاطري نحقق حلمي حتى لو صعب حتى لو منفهمش بسرعه بس خلوني نحاول
خيريه بِ حزن : معندش لكي حل باتك دار ل خواتك كلهن هك بعد شهاده ثانويه تقعمزي ف الحوش واول عريس يجيك نعطوك
قعمزت رسل على الفراش وحاسه ان فى شئ انكسر بِ داخلها ودموعها موقفوش، جتها اختها وحطت ولدها عند رسل
نهى : امسكي غيري للعيل وديري حاجه ع حالك
خيريه: وين ماشيه
نهى: نحط المقطع على النار
خيريه : جايه معاك
طلعت خيريه ونهى ، خذت رسل ولد اختها غيرتله وحضناته كانه بحضنها للطفل تتناسه ألمها 💔،
