Wala akong hardin
Subalit gusto kong itanim
Isang binhi na kung tawagin
Ay 'pag-ibig na malalim'
Itong aking munting pananim
Hindi madaling payabungin
Luha ang sa tuwina'y pandilig
Ngiti ang liwanag na hahalik
Lupang pagtataniman dapat ingatan
Binhi at lupa'y dapat pakibagayan
Nang sa ganoo'y bulaklak ay masilayan
At bungang handog ay matikman
Ngunit aking pananim mahirap anihin
Para ang bunga'y maging hitik
Paghihirap sa munting hardin
Maraming taon ang bibilangin
Ito ay hindi magiging madali
Bagyo'y darating baka sakali
Ngunit munting halama'y 'di pagagapi
Aruga at kalinga lamang ang hinihingi
Sa oras na ang bunga'y iyong matikman
Munting halaman 'wag sanang kalimutan
Halamang aking itinanim
Sa ating munting hardin
