سلامعليكم
هنا قبل سنتين جنه بلسادس ابتدائي احلا سنه بلبتدائيه
روان
كعدت لصبح بدلت وجنت ما متعوده على لبس لحجاب نسيته وطلعت للمدرسه وره ١٠ دقايق اتذكرت
خرررب بليس هسة شيرجعني واني باب لمدرسه
دخلت للمدرسه وكانو مصاير شي ومشه لدرس لاول طبيعي محد لاحض لحجاب لان اصلن اني متعوده بلمدرسه اذب لحجاب
وطلعنه فرصه كبل للحانوت اشتريت بكل فلوسي لان عود احنه بكلوريه بلكوه يطلعونه فرصه *من نصير بلثالث شلون 🌝💔*
لمهم رجعت قبل لا يدك لجرس لكيت بنات لمعلمات يلعبن جر لحبل لعبت وياهن ونوب لعبنه لصف كوله ودك لجرس بس ماجتنه مدرسه احنه ولشعبه لثانيه جان
مريم. اكول خل نروح نصيح شعبه لالف تلعب ويانه
وصحناهم ولعبنه احنه ضدهم وكلبنه لطابق لثاني مال لمدرسه كلاب اجت ست داليه
داليه. لسوادس انتو مو عدكم لدرس لجاي متحان عربي
احنه. يي ست
داليه.يلا راجعو هسة يمتحنوكم
وجان نكعد نراجع ونوب اجت ست مدري شسمهة *هههه ماتذكر يمكن ميس هيج شي*
ام لعربي. يلا تعالو للمكتبه امتحنكم
رحنه كعدنه وجان تمتحن لبنات ونوب اجة دوري
روان علي
.. نعم ست
طلعي فلان ورقه
طلعتهة قريتهة نوب سئلتني اعراب جان اني اصطكيت لان بلعراب مو شي اكرهة ست داليه جانت كاعده يمي غششتني
ام لعربي. يلا عفيه روحي
ههههخخ نوب زهراء ونوب نور لهدى وضلينه نفتر بلساحه نسولف جنه ندرب على مسرحيه نسويهة بحفله لتخرج
بلحله كلت للبنات انو حجابي نباك هوة جذب ناسيته هههههههه
بس شنو نبع لحنان رزلتني رزاله تسوه عمري
لمهم خلص اليوم ونوب خلصنه امتحانات لشفهي بعد اسبوع للمتحانات لنهائيه وهاذ لسبوع عدنه حفله لتخرج
وجان اجة يوم لحفله كلنه لابسين ملابس لتخرج وكاضين لشهاده لملفوفه بايدنه وشغلنه اغاني ولعبنه جوله ونوب كلمن جابت نقالهة اخذنه صور
بس للاسف جنه منحجي وي زهراء يعني بس اني ونور ولسبب سوء تفاهم وضلينه تقريبا ٤ اشهر منحجي سوه
لمهم خلصت لحفلة ونزلنه اجة لمصور اخذنه صور ورجعنه للبيت
هاذ لحجي يوم لاحد
يوم لخميس جان عدنه سفره مدرسيه بس احنه لسادس
لصبح رحنه نجمعنه كولنه كبال لمدرسه واجن كيات ٣ اخذنه ورحنه للمدينه لترفيهية *مال لعماره*
وجان هناك اكو هواي كليات ومدارس موجوده وتخبل
اول شي دخلنه كلمن اخذت صديقاتهة
اني ونور وحوراء وندى رحنه كعدنه جوه قمريه جنه نشاقه وحوراء شمرت حلويات ندى فوك لقمريه متنه ضحك بس هنة طاحن بس لجبس بقه فوك
يي كعدنه ناكل شوي وشفنه بقيه بنات صفنه جاي يركضن اتجاه وحدة من لالعاب احنه ركضنه وياهن جان نلكه بتول كاعده بلعبه لدوده ولعبه مقفوله عليهة وعطلانه وما تكدر تطلع وتصرخ وتبجي واحنه منعرف نخاف لو نضحك ونص ساعه يله كلعوهة بلكوه
ونوب رحنه صعدنه كولنه بلسلاسل تخبل عدناهة مرتين ونوب رحنه لعبنه لسفينه وي لكليات وجان نور كاعده بصفي ومن لخوف تعض بايدي وعلي ايدي ماكمت احس بيهة من لوجع عدنه لسفينه ٣ مرات نوب ركبنه تصادم مرتين ورجعنه للسلاسل ردنه نركب قطار لموت بس مقبلت لمديره ونوب ردنه لمكص كالت ميصير انتو امانه عدنه لايصير بيجن شي ونوب رجعنه نتغدة كلنه وي لمدرسات وفاتو من يمنه شله ولد يدكون ويركصون ويخبلون ونوب كمنه نلعب لسفينه يعني تقريبا لعبنه لسفينه ٩ مرات واكيد نور تعض بايدي وخطيه نردم راسهة بلحديده من جاي تنزل لسفينه ونكسر سنهة وضلت تبجي
ومريم بت ست داليه نغمه عليهة بلسفينه لعبتهة فوك ١٥ مره ولعبت لمكص هم ودور رجعنه ذبونه يم لمدرسه وكالو كلمن ترجع لبيتهة حوراء وندى بيتهن قريب راحن بس اني وغفران ونور الهدى وحوراء لثانيه ومجموعه بنات كمنه نمشي اول وحده وصلت نور الهدى ونوب مريم وايه لان اقارب هنة ونوب اني وبعدين البقيه وصلنه
وهاي جانت لسفره
لمتحانات لبكلوريه نسمطنه سمط برمضان وحرر ويوزعون ميي بارد ثلج واحنه صايمين
ونوب اخر امتحان بكلوريه صاحبنه زهراء اكيد منخليهة تضل طول لعطله مزاعلتنه واخذنه صور ورجعنه للبيت
هاي لسادس انتهة بلبارت لجاي اكتبلكم على لمتوسطه شون جان اول يوم الي بيهة
