هلااو
اليوم جان اول يوم الي بلمتوسطه
بليل
حضرت لملابس وكويتهن *اني ما اكويهن بس اول يوم 🌞*
وسويت عنايه بلبشره ومدري شنو ونمت
لصبح كعدت من ل٦ *هاي متحمسه لا عبالكم اني كله ب٧ اكعد للمدرسه😌🤞*
بدلت وتجهزت نزلت لكيت بيبي كاعده سلمت عليهة وطلعت بلحديقه سمعت صوت هورن طلعت جان مو هوة نوب تانيته بلشارع عشر دقايق وماجة دخلت للبيت كعدت باحلامي لورديه اتخيل لمدرسه ولبنات شون وصديقاتي مشتاقتلهن وجان اكمز كمزه من سمعت هورن زرف اذاني طلعت اركض اشوفه لسايق رحت ونوب اخذنه بقيه لبنات واني ما اعرفهن بس الي جيرانه اعرفهن
وصلنه للمدرسه فزيت ونزلنه جان نلكه لصدمه لغير متوقعه
لمديره. شسون هنا
.. ست اجينه نداوم
.. ماكو دوام ليوم على باجر
.. ليش ست
.. امتحانات لبكلوريه لدور لثالث
رجعنه للبيت فد كرهت اليوم كلش مايسوه تعب لبارحه ولكوي وما يسوه كعدة لصبح رحت نمت ثاني يوم كعدت نفس عادتي ب٧
كملت ب ٧:١٥ نزلت يم بيبي نسولف شوي واجة لخط ورحنه للمدرسه ودخلنه جان اشوف صديقاتي متجمعات اععع ركضنه بوس واحضان
نوب دخلنه للصف وكعدنه وخلص ليوم بين عرك زهراء وبنيه من بصفنه بس عايده لسنه
