-مساحه لذكر الله والدعاء-
*اشهد ان لا اله الا الله🖤وان محمد عبده ورسوله*
○دعواتكم لبوي وعمي انه ربي يشفيهم ويعافيهم○____
💕الحلقه 14 💕
فارس : كيف قصدك امك واختك مريضات ؟!
محمد : ليهم 3 ايام و3 ايام لا رقدت ولا كليت كويس
فارس متلبك : ءءاااا نجيبلك العيله يقعدو معاهن عادي
محمد : لالا ، شوي تاني واتجي صحبتها ومرت عمي ، ونخش نرقد شويه ولما بيروحن ينوضني
فارس : اهاا لاباس عليهم ، من شنوو مريضات
محمد : لا يويك باس ، برده قويه
فارس : اممم
( وسمع صوت سياره درست والباب خبط فتح محمد )
رنا : كيف حالها اليوم
محمد : الحمدلله خشن
خوله : نراجو فيك اتحول من الباب😒
محمد وخر وخشو خوله ورنا
فارس : نستآذن اني هي سلام
محمد : سلام
- خشو عليا خوله ورنا ومحمد رقد -
خوله : غلاتي كيف حاسه روحك اليوم
انا رقبتي مسكره نقدرش نتكلم هزيت براسي وابتسمت بمعنى الحمدلله كويسه
رنا حطت ايدها ع جبهتي : باهي كويس معندكش حراره
خوله : مزال رقبتها مسكره وعندها شويه خنونه😂هههههههه
رنا : خززيه عليك😂
- وقعدو البنات يهدرزو ويسهوكو وانا نسمع ومش قادره نشارك فالحديث😂 روحت خوله ورنا قعدت دارت العشي وروحت -
- مر اسبوع وشفيت اني وماما واعقتنا خوتي المساكين😂ورجعت نمشي للجامعه -
مقعمزه انا وخوله ع الكراسي نهدرزو شرين تليفوني
خوله : منو
انا : رقم فارس ، زعمى شن يبي
خوله : ردي شوفيه
انا : الوو
فارس : شن الجو
انا : تمام
فارس : كيف حالك توا احسن
انا : الحمدلله كويسه
فارس : اممم
انا : شن "اممم" عندك حاجه بتقولها ولا نصكر عليش متصل؟
فارس : نبي نقولك حاجه لكن شيلي الحظر من ع الفيس قبل
انا : ليش
فارس : لانه نبي نقولك حاجه غادي
انا : وقولها توا
أنت تقرأ
فارس احلامي🌚🖤
Humorتكملة الروايه ف حسابي الاول مع باقي اعمالي❤ __ فارس احلامي روايه كوميديه تتكلم عن اتنين شخصياتهم زي بعض بس الاختلاف الي بينهم هوا حياتهم.. بين اللي حياتهم حياة السعاده والتفاهم والفرح...وبين الي حياتهم كئيبه ومشاكل وحزن بين الي عايش ف الهم من صغره...