خبايا القدر وظلم البشر

البارت الثامن

‏أسوأ إحساس يحدُث للمرء أن ينكسر من المكان الذي كان يؤمن به💔.

مرت الايام واني اشغل نفسي ومرت سنه
ونسبت الحمدلله
وبدا الحصار وتحرير الموصل
جان يوم جمعه كعدنا من صبح نتريك اني وابوي وامي بلمطبخ ابوي جان ناوي يروح لبيت جدي يسلم عليهم لن الوضع جان كلشخطر ومامعلوم نلتقي مره ثانيا لو لا
جنا نسولف ونسمع صوت رمي بس بعيد بعدها بثواني حسيت كلبت الدنيا علينا صوت الرمي والانفجارات ماادري من وين يجي
ركضنا كلنا تحت الدرج حسبت كلبي راح يطلع من مكانه اذاني مادااتحمل الاصوات اباوع ابويا. شكد خايف عليناا
جنا حالنا حال كل الناس تريد تحرير بس هم خايفه منه من الاشاعات الي سمعناها وبقينا تحت القصف يوم كامل نوب هود القصف كلش فرحنا كلنا خلاص تحررنا ودخل الجيش لبيتنا فرحه متنوصف وخوف ماينوصف
والوضع هدا نوب ساعات وشتد القصف النوب
وجنت بلمطبخ اسمع اصوات دواعش. وبلحظه راحت الفرحه وحل مكانها الخوف بليل جان يطبون دواعش للبيت وكالو لازم نطلع من بيتنا لن هو خط صد اول
وتركنا البيت وتركت كل غراضي اني كلش احب اغراضي واحافظ عليهن
طرينا نروح لبيت ابن عم ابويا
لن ابويا وحيد اهله ماعده اخ
عائله عمو بشار
الام والاب
وابنهم جبير ثائر هو وزوجته وثنين اطفاله
والابن الوسطاني محمود مواليد90يحب بنت غريبه واهلها مينطوهم
والابن الصغير محمد
ثلاث بنات
هيام مزوجه وعدها اطفال
وهديل مخطوبه لابن عمها ياسر
هند بنت اصغر مني.بثلاث سنوات
اني اول مره ادخل لبيتهم ولا اعرفهم ابد
مااعرف غير الاب والام
جان موقف محرج كلش
دخلنا يمهم وتهلو بينا كلش معاملتهم حلوه
اني ابد مارتحت لن مااحب اتخالط ومواجتماعيه وهم ضروف الي تعرفت بيها عليهم ابد مو تمام
بقينا يمهم اسبوع بعدها بديت تعود ع البنات وصرنا صديقات بس حسيت هديل مو كلش وياي. ساعه تحبني وساعه لا
تعايشنا مثل بيت واحد بابا بدا يشاركهم بلمصروف واحنا جنا مخزنين كميه جبيره من المواد الغذائيه
بحبث متكلفو منا
بدت صداقتي انه ومحمود يحجيلي عن البنت الي بحبها واهلها ميقبلون بي لن ابن عمها ناهي عليها
وبقنا ع طول نسولف عليها ويراويني صورها ورسايل مالتهم
بس بهل وقت جان الاتصال منقطع وجان كلش تعبان. هو بسبب هل شي لااتصال ولا حت طريق مستحيل واحد يكدر يطلع من البيت
ومنكدر نطلع للحديقه ولا حت كراج كله باقين ب سردان (غرفه تحت البيت )
يعني نام كلنا سويا وناكل ونسولف سويا
اني ومحمود ع طول نشاقه ونسولف
فد يوم جان يوم الاثنين كعدين من صبح لن فراغ وملل ونام من وكت منسهر لن الكهربا منقطعه ومن يصير الظلام كلها تنام ونكعد من الفجر
فكعدنا من الفجر كعدت جان كلش هدوؤ الوضع
بدون قصف لااول مره

غسلت وجهي فتحت باب الحمام ومحمود بوجعي
محمود: :ضربني ع راسي كال شعندج كاعده من فجر الله غراب البين
كتله داانتظر اصبح بوجهك حت يتعكر مزاجي ودفعه ومشيت كعدت ع باب المطبخ لاول مره اباوع للسما منايام طويله ماظيها كلها ب سرداب
اجا من ورايا محمود ضربني بخاولي ع راسي وكعد يمي
محمود ::
شبيج صافنه بهل سما جن اول مره تشوفيها
ليش ماتحجيلي شبيج احسج مهمومه ع طول

اني: :
من كالك اني مهمومه احد شكالك لو تحب تتهمني هيجي وضحكت

محمود: لا والله شايفتني طفل عيني ترا اني اقرا العيون وافهم
قاطعنا صوت من ورانا رجف حت كلبي من الخوف
جان محمد
محمد: :
شعدكم كاعدين هنا
محمود: :
هاي شبيك معود موهيم رعبتنا
محمد :
جان شنو وكع عليهم صاروخ 🚀 ؟؟
محمود ::تصدك الصاروخ اهون جان خلصنا منك مشفناك
محمد :اي وترتاح مو
اني: : هاي شبيكم تلمون علينا البيت صوتكم
الله يستر من هل صباح
كعدت هديل
اجتي ع صوت
هديل: :شكو من صبح مناكر
اني ::
غير هذا اخوج من صبح يعيط والله فززكلبي
هديل: :اي متعودين ع محمد امشي نسوي ريوك

دخلنا نسوي ريوك وكعدت باقي عائله ونظوات محمدكرهتها وكرهته معاها شكد غثيث
احجي وي هديل
هذا اخوج خلقه الله هيج
هديل ::شبي ؟؟؟
هو هيج غثيث ؟؟لو شنو
هدبل: ههه لخ اي والله هو كلبه طيب كلش
كملنا الريوك وغسلنا مواعين وبدا القصف مثل كل يوم
ساعات وخف القصف طلعت للحمام وجان ينزل هاون وسط البيت
مشفت شي الدنيا صارت ظلام. بقيت خايفه ع ابويا وامي لن ماعندي غيرهم اني
وماادري وين امشي لن مااشوف شي بس اسمع صوت صريخ وعياد
واني صيح ادور امي وابويا ومااسمع الا... ..
يتبع ..🥰🥰