خبايا القدر وظلم البشر

البارت التاسع

قلبًا جديدًا ياالله؛ واعدك بألّا أستخدمه مجددًا.
✨🦋
هذا كل ما كنت اتمناه
… .
ومااسمع الا صوت محمد وهو يصيح علي لاتتحركين
وبدا شوي ينزاد الغبار وبدينا نشوف شصار يمنا جان هاون وكع يمنا واجاني محمد يصيح علي
محمد: شطلع هسا انتي غبيه مدشوفين القصف لو عاجبج تموتوين
اني جنت افكر بس ب ابويا وامي ماهتميت  اصلن لكلامه   من خوفي ع امي .ابويا لزمته من ايده واني ابجي .ساله امي وابوي بيهم
شي
كالي لا مابيهم شي بس ابوج مصوب
ماحسييت  بنفسي الا اركض والشضايا  وردت اوكف شبكني وهو يصيح شبيج غبيه وعميا هم
نزلت لسرداب
شفت ابوي مصاوب  شضايا بظهره. وكله دم   بس حمدت ربي وشكرته انو مامات بديتا نداوي ونضمد جروحه واني طلعت شضايا من ظهرت مجان متصاوب جثير
مر الوكت وكلنا كاعدين بسرداب والقصف مشتد
مااحب اباوع بعيون محمد
اكره موت مادري ليش بس مااحبه
ابوي .امي كلش يحبو وهو يحترمهم
وكتها كلناايسنا من تحرير جان يعم الهدوؤ
بعدها شوي ونسمع صوت جيش جان بنسبه النا انقاذ  كلنا طلعنا نركض ماحس الا محمد لزمني  محمد ::
هي وين موليا؟؟
اني ::وين يعني للمول اشم هوا شويا وين قابل غير اطلع قابل ابقنا هنا
بعدين انت شكو شعليك وخر ايدك
محمد:: .وخرت ايدي العفو  بس امشي يمي مو تمشين وحدج
وبقينا نمشي بابا  لازمينه عمو بشار وواحد من جيش وطلعنا وطريق كله محمد امشي وهو محاوطني بيدينه بدون ميلمسني واني بهل ظروف واكره وخواته ويانه ومحمود بعديمنا
محمود كل طريق يقلد علينا
محمود ::شبيجن  ميتات خوف ترا محد يباوع بجهجن جنجن صخلات
هديل::عمي اي شي اقبل بس اطلع مو متت
محمود: :لج ادري بيج تبجين ع خطيبج بس غير هو مطي حت وافق ع وحده مثلج
عيني انتي ست انوش امشي بسرعه ترا مو عرض ازيا هذا هسا يهدون دواعش وخير مابيكم يرجف
اني: :ياعرض ازيا وهذا القائد اكسا محاوطني  والله ع شويا واركع ع وجهي
محمد: :بسجن 🤬 ولا صوت تضحكن. لا حن من ساعه تبجن ويدودون الطلعه 
وانت محمود احترم نفسك مو وكت شقه خل عندك حساس شويا
وصلنا مكان الامان وجيش جميع الزلم وحد والنسوان وحد
واكفين ننتظرهم احنا يدكون اسمهم حاسبه حت نمشي ومحمد كل لحظه يلتفت علينا ماادري اول مره اشوف عيونه غريبه والله  حسيت بيهم حجي اني كلما يباوعلي اكسر عيني ومااباوع علي لن مااحبه يظل يخجل بيا
ورجعنا كلنا لبيتنا   الحمدلله بيتنا مبي شي سليم
اول مدخلنا للبيت  اجوي جوارين سلمو علينا
كالولنا احنا من تركنا بيت ساعات واجا جيش وحرر منطقه بلكامل
وجابو اكل وملابس للكل
اني مالبس ملابس مو الي واصلن ملابسي موجودات ابويا نقلنا بلمستشفئ وكالو مابي شي. اصابات خفيفه دخلت لغرفتي صار هوايا مشفتهاا ولا وكفت ع مرايتي طلعت ملابس الي وللبنات وياي والمل دخل سبح ورتحنا واجا بابا من مستشفئ  اول شي سويته فتحت نت اني
وبيت عمو بشار راحو لبيت خالهم
محمود ::لج مو تنسيني 😡
اني: :يبو شلون انساك هو انت تنسي هذا حسابي اخذه ولازم تعرفني ع امل (حبيبته)
محمود: :ماادري عنهاشي وبالي يمها والله هساطلع من يمكم امر يمهم لن. هما متحررين قبلنا 
ا
محمد: :لنا لقاء اخر
بكلبي الله لايجعل.
وراحو بيت عمو بشار وامي دخلت لغرفتها وي ابويا تعبان واني صعدت لغرفتي اباوغ لشغلات وهدايا من ماهر مااحس بشي اتجاههم عكس قبل
مرت الايام عادي بي زوار يسلمون علينا ويتحمدون  العافيه
وبين النت ايام كلش هاديه
وراها بابا تحسن
وقرر يطلع من منطقه  ونشتري بيت ثاني
كلش ارتحت وكيفت لن تطلع من اي شي يربطني بماهر
اريد اتنفس هوا نظيف.  طكت روحي  اكره كل شي يذكرني بماهر ولكينا بيت ابويا عندا معارف هواي بسرعه لكو بيت واني بهل فترا يقيت بلبيت ماحبيت اطلع حت لااشوف ماهر ولايوصلني ولايوصلي اي خبر منه
وشتريت خط جديد  وبدينا ننتقل لبيت الجديد  جان كلش حلو جبير واحنا عائله كلش صغيره
بابا  جاب عمال هما ينقلون الاغراض ويرتبون كل شي حيث ندخل اني وماما للبيت ماشلنا غرض كله كامل
اتصل بابا بينا كال هسا يجيكم محمود ياخذكم. يجيبكم للبيت جديد رحنا للبيت  واول مدخلت محمد جان هناك  دمه شكله يالله. سمعني محمود
محمود: لج منو هذا دمه ثكيل بس باعي شكد كيوت
اني: هذا ياهو كيوت  دشوفه شلونه بس يخزر بيا
محمود :اي مو يغار
اني:  عشتو يغار ع شنو يالله امشي منا خل اصعد اشوف غرفتي
محمود: اي الي دمه ثكبل رتبلك اياها ع مزاجه
اني: :يبووو خل اطلع احركها ونزل
صعدت لغرفتي بدون حت مااسلم علي 
جانت غرفتي كلش حلوه ومرتبه والوان صبغ هادئه رحت رتبت غراضي لن ملابسي وشغلاتي الخاصه بقن اني اخدتهم وياي.  كملت نزلت مااكو هو رايح
بكلبي حمدت الله صارت وكت الغدا بابا جاب غدا جاهز
وتغدينا فاتح بابا بموضوع الدوام ردت ارجع للمدرسه الي بعمري بغير محافظات ثالث سنه كليه جحيت وي بابا وابد معارض
وبلفعل رحنا اني وماما للمدرسه القريبه وكملنا كل شي وشتريت ملابس للدوام جنت كلش اخجل لبسهن  ماادري ليش ومقهوره لن الي بعمري ثالث كليه واني بعدتي بسادس قررت ابدي شي جديد ومااتعرف ع اي صديقه مااريد احد حديد بحياتي. وعندي صديقتي نور اتواصل وياها بين فترا وفترا وبس حبيت اعيش،وحدي ولنفسي 
بديت بدوام جان دوام كلش مختلف ع لاقي سنين نقص بلكوادر بشكل كبير
وقت دوام منتظم  بسبب ضروف تكدس بعدد طلاب بشكل فضيع  طلعت  من مدرسه داامشي مدنجه راسي وماادري بل حولي جنت امشي وذكر طريق مدستي القديمه والبنات صدك شتكتلهن بس مااريد تواصل وياهم ابد اخاف يوصل خبر لماهر
وماحس صوت واحد يكول عينج وين تدعمين احد رفعت راسي ومااشوف الا… ..
يتبع 🥰🥰🥰
احبكم 😘😘😘