قصه عشق من البصره الى اربيل❤️

البارت 12

كانت تتشبث بآخر خيوط النعاس كي لا تواجه قدر صباح جديد يحمل معه نذير الشؤوم.
...........................
نمت وكعدت ثاني يوم الصبح شفت المره تسوي ريوك
دينا: صباح الخير
المره:صباح النور ماما شونج اليوم وتعاي تريكي يله
دينا:لا خاله ما مشتهيه اكلت هواي امس
المره:لا خاله ما يصير مو اليوم تجي خالتج اكيد وراج طريق طويل
دينا:ان شاء الله خاله
وكعدت اكل وافكر بذاك الحقير بس بعدين صفنت كلت يله صحيح انو العقد عده بس وين راح يلكاني بعد واصلا اي عقد زواج يبطل وره اربع سنوات اذا الزوجين ما درو عن بعض وانه اصلا مستحيل ازوج قبل لا اكمل دراستي فعليمن مكثكثتهه كمت مبتسمه ونضفت وي المره على ما تجي خاله وسن
.وبلفعل هچي ساعه واجتي خاله وسن🥺🥺واخيراً تعبت من الاكشن والدراما
وسن: يمه دينا بعد روحي هاي شو كبرانه وحليانه شهلحلاه
دينا:يعني خاله برايج هذا الوقت والمكان المناسب لهلحجي🙂
وسن:هيهيهي لعد امشي طلعي بسياره من نوصل لاربيل ارجع اكلجياها😂
دينا:خوش بس مو تنسين لان بيهه غزل😂😂
وسن: شوي وحنوصل ما ناويه تحجين الصار
دينا: اي اكيد. حجيتلهه كلشي بس بدون ما اكلهه عزواجي كلت هسه اكيد تكبر الموضوع وعلابو امانه عدهه وتتورط بمشاكل الهه اول ما الهه تالي واصلا كلت ماكو داعي حيخلص اسري وره ٤سنوات🤷‍♀️
وسن:😳😳😳صدك جذب هذا كله صار وبعدج عايشه؟صدك عار😂
دينا:رحم الله والديج😒والله مواساه تخبل هاي بدل متكليلي هاي نعمه الله والله ميضيع حق احد والله مياذي مضلوم 😢
وسن:والله عاد تحمليني لا تشوفيني بلاربعين تره بعدني بت الستطعش لساني ما الي سلطه علي😅😂
دينا:خاله هو هذا احلا شي بيج😂خيعون جهالج عليج مو مثل حضي كله عشاير وعمام وشرف وقرف
وسن:لا يا عمري لا تكولين هيج علاقل مو مثل جهالي ضالين معلكين لا هم يتيمين ولا هم عدهم ابو مثل العالم والناس😔
بعدين انتبهت عنفسي انه لازم ما احجي بهيج مواضيع🤦‍♀️ ا ا ا ها ديونه تردين موطه تبردين كلبج علمود تسلمين عدل على بناتي😂
دينا: اي خاله والله مشتهيه شي بارد😋
اكلنه موطه ووصلنه للبيت شكله حلو من بره ومبين تصميمه ذواق وراقي فديت خالتي😍
دخلت واول ما دخلت طكت هاي مفرقعات الشراشيب الملونه وانه كلبي ضليت احسه يدك برجلي من الخرعه🙁
سما:مرحباً بكم يا ضيوغنا مرحبا بكم يوم جيتكم لنا🎉🎊
غزل:سما حرام عليج نززتي البنيه شوفيهه صارت صفر
سما :اي غير نستقبل ضيوفنه عدل وثانيا انه كاعده قبل ساعتين هنا اتحين اللحضه المناسبه غير علمود اخرعهه😂
وسن:سميه ما تجوزين من سوالفج منين جايبه هلخفه كلهه😠

سما:هلو انه سما عمري ١٧سنه منتضره نتائج السادس وعيوني زرك وشعري اسود قصير للركبه مثل ما جاي تشوفين 😊ها صدك جاي تشوفين المن اكلج شكلي😆
دينا:هلو انه دينا عمري ١٧ سنه وهم منتضره نتايج السادس وشعري طويل جوزي وعيوني صفر😂سيدي🙆‍♀️
سما:علم ايها الجندي😐
سما ودينا:😂😂😂😂
سما :البت دي عسل واللهي😂
غزل:هلو انه غزل وعمري ١٩☺️
دينا:وشكلج؟
غزل:شتشوفين😂😂
دينا :اشوف عسل والله
سما:هيوووو تره اغار هاي مرتي ولزمت ايد دينا
دينا:جنت اضحك ومتونسه على جو البنات بس من كالت سما مرتي تذكرت ذاكك الحققير بس شسوي ما بيدي شي انسه احسن واعيش حياتي
وسن:يله خلصتن تتفه روحن دلنهه غرفتهه خترتاح
دينا:رحت دخلتت للغرفه بيهه تلث اسره ومرتبه وحلوه وكلهه وردي😍
سما:ونقدملج غرفتنه المتواضعه
دينا: تجنن والله 😍
سما:اي اكيد ذوقي
عزل:جذب ذوقي انه هي رادت سمائي عود لان يشبهه اسمهه
دينا:متت من الضحك شكد شايفه خبال بس اول مره اشوف واحد يريد ينسق لون غرفته وي اسمه 😂😂يعني سما هسه انه لو اريد انسق لون وي اسمي يا لون اختار
سما:سهله دني
دينا وغزل:؟؟
سما:شبيكم دني يعني بني بصوت حاهل ما عده سنون
دينا:😂😂😂😂
غزل:وج كافي خلي البنيه ترتاح لا اكل لماما عليج
دينا:نزلو البنات من يمي وكعد وحدي شوي عود نايمه وضليت افكر معقوله يا ربي راح اعيش مرتاحه معقوله ما يوصلي ابوي وعمامي واذا وصلو شسوي خاف اورطن خاله وسن وياي والبنات خطيه ما الهن غيرهه نمت من التفكير
وره ما فزيت شفت البنات نايمات حيييل يعني صار الليل لعد شكد صارلي نايمه افف جوعانه خلانزل اكل 😅
نزلت ودخلت للمطبخ جاي اشرب ماي احسس سمعت صوت باب نفتح على كيف انه ما اهتميت من زمان بيه طبع اذا اسمع اصوات اغلس عود عبالي جني واذا احگره يروح😂شوي وحسيت واحد حط ايده على جتفي والدنيا ضلمه😰😰
.................
منو تتوقعون اجه معقوله ابوهه كدر يوصللهه وشنو مصير دينا بهلحاله وشون راح تصرف