الشيخ والعرجاء

اعلان

اسعد الله اوقاتگم قرآئي الاعزاء 💙
روايه حقيقيـــــه١٠٠٪؜ قبل اسبوع وصلتني جميله جداً جداً ومشوقه شغلتني انام واكعد افكر بيها لكونها مختلفه واني شخصياً متحمسه في كتابتها حبيت انزللكم اعلان وادمج بعض المشاهد منها
واشوف رائيكم بيها طبعاً اكيد راح ابداء بيها مو هسه بعد قصة نغم في ظل الرجال وهم راح اعتمد على تشجيعكم ورائيكم واشوف حماسكم للقصه

الكمال لله والنقص لخلقه
عندما تنظرون لقدمي العرجاء بغرابه
وكأنها شئ  غريب مخزي يرفضه المجتمع وينظرون الي ويقولون انها
لا تصلح للزواج ؟
لا تصلح للعمل احياناً ؟
وبعضهم ينظرون لي نظرة الشفقه
انها عرجاء كم هي جميله ومسكينه عيبها
في قدمها كلا العيب في عقولكم ايها البشر
العواج ليس في قدمي بل في تصرفات بعض البشر

كانت حين تخرج صغيره ويسخرون منها ترفع الحجاره من الارض وترمي بها الاولاد السفهاء لكن حين أصبحت فجأة فتاة شابة، أصبحت تستحي أن تقف كي تقذف الحجارة على هؤلاء السفهاء، وتستحي أنها هكذا.
تحاول وهي تعرج في مشيتها أن تنكفئ على نفسها حتى لا يلاحظ الآخرون ذلك الصدر المنتفض في جسدها الناحل. هي شابه ككل الشابات الجميلات
ولكن قدر الله وماشاء فعل
قدر انقلب علي وقلبت حياتي وتبدلت ضحكاتي وتبعثرت احلامي وبات كل ما كان يجب ان يكون مستحيلا ، سواد قاتم يقطن الطريق امامي قلبي مفطور عقلي مفقود
أمن الممكن ان استرد عقلي على الاقل ؟ لا أريد ان اقطن على قارعه الطريق في نهايه الامر

.قلبها الآن مظلم و بارد، لم يخلق لها سراج يضيء قلبها الحزين؛ فهي فتاة عرجاء . من يفكر في عرجاء

حتى وان كانت جميله ذكيه خلوقه واعيه
هم فقط ينظرون الى النقص فيها وكانهم خلقو بلا
نقص كاملين نعم .....فهذا واقعنا

مشــــــهد❤️🌺

////////:

شمس : امشيييي اطلع بره امي مو بالبيت

صالح : مااااااااطلع وخري صيحيلي سالي من جوه

شمس: دفعته بگل قوتي ... واني كتلك مستحيل اخليك اطب للبيت ومعليگ بسالي .

صالح : لج عرجه غيررررج وحده تستر على روحها وتحافظ على رجليه الثانيه لا تخليني هسه اكسرهن الج واكعدج على عربانه فدمره حتى تكمل

شمس: صااااااالح اتروح منا الا وروح ابويه هسه اركعك بجلاق
وبالعرررجه الماعاجبتك مو بالعدله

صالح : لجج اااااانتي تجاوزين عليه ودفعتها وطبيت

شمس: هو دفعني لو اني انكلبت جاكي شان كفيت ارداني رفعت رجلي العرجه على كولته بوضع ضربة الجلاق وجان افتر واركعه واجت الضربه
على ظهره واني بفرتي صرت مثل المصرع كفخته بوجه باديناتي بحركه لا ارادياً ......

هاي بدايتها جلاليق 😂

مشهد الثاني 😘😘

مشيت وانفااسي انكطعت من التعب اتكول رايحه مشاااايه
مو طابه لبيت من الباب الرائيسي مال الشارع للباب الداخلي مالتهم
مشي بالخمس دقايق بس شنو امشي واعرج واباوع البيت عبالك بيوت
ماال خلايجه اتكول طابه للكويت مو للبصره قصررر شعشوع
طول ما امشي و حديقه اجنن وبعدها كراج طابكه بي سيارات
اخر موديل وكفت وانقهرت اني وين وهذوله وين عشنه عمرنه بيت تجاوز درت ارد ارجع اتندمت

على وكفتي توني اندار وطلع واحد سبحان المعبود الخالق
شنو من طوول وجسم وضخامه واناقه لابس قاط
اسود كله حتى القميص بي لمعه خفيفه ومناظر شمسيه ولحيه وقار اني بقيت واكفه حلكي وصل للكاع كد ما انفتح همزين لابسه بوشيه جان انفضحت كدامه
شكله مستعجل وكف وكاااال

اتفضلي اختي .....
امتمت اريد انطق سبقني وكال

الشيخه تنتظرج جوه صارلها يومين
اتفضلي فوتي خويه النسوان جوه

شمس: هذا شديحجي يا شيخه وشمدريها بيه اجيت
مستحيل افوت واعرج كدامه حسيت نفسي خجلت من رجلي صار كومه محاسه بخجل من وضعي او ايصير عندي هيج احساس من زمان محاسه هيج جنت متعايشه ويه الحاله يربي اريده بس يوخر دانهزم بهلاثناء تلفونه دك جاوب ويكول اي اي جاي مااطول تانوني (انتظروني)
سده اندار عليه هسه اصيحلج سحر لزم تلفونه خابر

الوووو سحر البت التنتظرها الشيخه اجت تعاليلها

اني بس صافنه يابت ويا شيخه مدافتهم

من رخصتج خويه هسه راح يجوج
اني ابد ما نطقت والمصيبه هو مااستغرب سكوتي
فات من يمي رغم الشمس والحر من فات بسرعته من يمي هبت عليه نسمات بارده ممزوجه بعطر رجالي سمعت صوت جفلت شفته بيده سويج
وفتح السياره بيها صوت يعلن عن فتح البووب
سمعت واحد يصيح
شيخنااااا فرقان.

رجف كلبي اسمه فرقان

❤️❤️❤️❤️❤️شرايكم 😍بالقصه

اكررر النشر ما معلوم شوكت اكيد بعد حكاية نغم
اضيفو القصه بالمكتبه ارائكم
ونسبة المشاهدات جداً ضروري +التصويت