شيخ صكر وزوجاته الاربعه

صكروزوجاته الاربعه

بارت 28
شلون  شخص حي اتسواله دوران سنه
الشيخه  انتي شبيج خلص ابني مات من 3سنوات  يمته اتفهمين هذا الشي  لالزمتي عده  ولااحترمتي وفاته انتي اتخبلتي
فاطمه  شيخه انتي متاكده امه لصكر  معقوله  ماتحسين  ابنج بعدحي كلبج  مايرف عليه  صكر مامات  ليش ماتفهموني 
الشيخه  ولج كافي خبلتيني صكر مات وكلشي انته  اني مابيه حيل اربي اطفالج عقلي وخلي عقلج براسج
فاطمه  عقلي براسي ماكو مجنون  يربي 5اطفال ويكبرهم ماكو مجنون  يرجع يدرس ويطلع معدل اني مومجنونه 
الام يمه  كافي تعاندين روحي لبسي اسود عيب من الناس شيكولون
فاطمه  خلي يحجون  الي يحجو  صكر عايش كلبي يكول صكر مابيه  شي  لوميت وين جنازته الي وياه كلهم جنايزهم وصلت لااهلهم
الشيخ  فاطمه  تعالي بويه
فاطمه  ها شيخ محتاج  شي
الشيخ اعرف بكلبج شنو  بس اهدي ولااطلعين بلمجلس ضل بغرفتج لحد مايرحن النسوان وبعده طلعي
فاطمه  تدلل شيخ خليت كملت  شغلي وحضرتلهم كلشي وفتت لغرفه
الام  شيخ  ليش هيج  اتصير وياه راح تتخبل علينه
الشيخ لاماتتخبل واني عندي امل صكر يرجع  صح الي وياه كلهم ماتو  بس الله حي وجنازته لسه ماكو وهذا الي كاسرني وكاسر ضهري
فاطمه  فتت لغرفه  سبحت واجيت  امشط  شفت شعري واذكرته  لصكر
صكر يالله ماتنامين
فاطمه  نام حبيبي خلي اقره 
صكر بس اني نعسان  وسحبت الكتاب منه
فاطمه  صكر  شسالفه اخذت الكتاب انته نام
صكر  الضوء يزعجني
فاطمه  صكر لاادور حجه خليني اقره
صكر  مخدتي مومريحه 
فاطمه  من الاخير شتريد وتخليني اقره
صكر امم انطيني هذا  جريت  الكتاب من ايده وسحبته يمي  نامي حتئ انام  وسحبت شعره خليته جوه بيدي واشم بيه  فاطمه  وعديني شعرج ماتكصينه  ابد
فاطمه  ليش تحب شعري
صكر  اكثر شي احبه بيج شعرج طوله ولونه وريحته  تخبل
فاطمه  اوك اوعدك بس بشرط
صكر شنو
فاطمه  اذا بيوم  سمعت بيك خايني لوخنتني وتزوجت عليه  اكصه لشعري
صكر هاي سهله  اول شي اني مومجنون السلف حتئ اخونج  انتي عندي منو تسوئ اتعاين اله  ثانيا زواج ماازوج  انتن اربع وشرع مايحلل غيره جان ازوجت
فاطمه  اني صوجي يالله وخر خلي انام )
علي وفهد ماماماما
فاطمه  فزيت علئ صوتهم هلا يمه  شبيكم
علي يمه شلون تعرفين علي من فهد
فاطمه  كلبي يكلي هذاابني وهذا ابن ساره
فهد اني منو وهو منو
فاطمه  انته فهد وهو علي حتئ لوتغيرون ملابسكم  راح اعرفكم
علي شفت فهد موكتلك امك تعرف اتفرق بينه بس امي ماتعرف
فاطمه  لانكم تشابهون وتحبكم كلكم لذالك ماتفرق بينكم يالله روحو نامو اريد انام
فاطمه رجعت لواقعي الي انته موبيه  ياصكر كلشي بيه  ايذكرني بيك حتئ شعري وضحكتي وجهي 3سنوات  واني ماشفت الضحكه  ابد اوف منك ياصكر يمته ترجع  شلعته لكلبي
الشيخ شيخه علئ كيفج ويه البنيه  جاي اضلمينه اهواي
شيخه هي وجه الفكر  الي خذت مني ابني هلوحيد لحكتني عليه
الشيخ  اذا هيج  كلامج  معنئ هديل فكر وساره فكر  موش بس فاطمه
شيخه  اوف ياشيخ  ابني مات ومرته تخبلت عليه هاي سوايه عاقله ياشيخ
الشيخ اي عاقله وتحب كلبه  ويه صكر اتاثرت عليه اكثر مني ومنج  يامره  البنت  عيت اتروح ويه ابوه  من جه عليه ياخذه لبغداد وماقبلت اتروح  ولاتترك  الاولاد  وسمعت شوري وقبلت تدرس خارجي وهل دخلت  معهد تجاره وعين الله عليه
شيخه  هم صح لجن شسوي  خايفه احد من الي وياه يضحك عليه وياخذه لصفه
الشيخ  شبيج يامره جاي اكلج البنيه تحبه وتموت عليه ولهسه مامصدكه  موته تردينه تحب وتنحب شبيج
فاطمه  خليت راسي علئ المخده واذكر الف سالفه وسالفه لصكر وارش ريحته بكل الغرفه واحضن قميصه يالله انام  اريد اشوفه ويرتاح كلبي  اوف ياصكر  وكعدت  الصبح  اول يوم مااشوفه  بحلمي واكعد واني خايفه  وبكلبي خوف موطبيعي 
فاطمه  صباح الخير شيخ شلونك  اليوم بسته  براسه
الشيخ صباح النور بنتي الحمد لله  شنو وين  رايحه
فاطمه اتخرت  علئ المعهد بس اخلص امتحان بسرعه ارجع  اخذك  لدكتور
الشيخ انشالله  بنتي والله جاي انتعبج  ويانه بدل مااوكف وياج واعينكم  انتي بتليتي بيه  هل تشوفين  السكر  وكف رجليه ومااكدر امشي حتئ
فاطمه  لاياشيخ انشالله  يرجع صكر وترجعلك عافيتك وياه  وحتئ الدكتور طمني  كال اذا التزمت بلعلاج خلال فتره  تكدر ترجع تمشي
الشيخ  ماضن يابنتي  الي كسر ضهري  هوالمرض صكر
فاطمه  الله يرجعه شيخ يالله اترخص اني
فاطمه  ورحت  واني بالي انو انجح بلجاي اسويه  واعين  اولادي حتئ مايجي يوم  احد يعايرهم امهم بلا شهاده  اريد اثبت نفسي لصكر ولااهله اني كد المسئوليه لغايه مايرجع صكر ماينقص منهم شي
فاطمه  سلام عليكم
الكل وعليكم 
الشيخه  ها اجيتي  بشري ولوهذا التعب علئ الفارغ
فاطمه  زينه ماكو شي علئ الفارغ باجر من يرجع صكر راح  يفتخر بيه يالله شيخ جاهز انروح  لدكتور منتضرنه .
علاء شلونج  فاطمه
فاطمه الحمدلله  تمام
علاء شسون
فاطمه  ماكو جايبه الشيخ لدكتور لان العصر يسافر فطلب اجيبه اله لمستشفئ الصبح علمود العلاج