شيخ صكر وزوجاته الاربعه

صكر وزوجاته الاربعه

بارت 2
ساره يكوي حيلك  جوعان اخليلك عشه
صكر لا ماجوعان اريد انام راسي صايرطبل
ساره كلشي ينحل بس لاتعب روحك موزين عليك
صكر انشالله انطيني ماي خلي اشرب واروح انام
ساره لحضه اتفضل
صكر شكرا  يالله محتاجه شي
ساره لاسلامتك
صكر فتت لغرفتي الخاصه اخذت دوش وطلعت قريت كتاب من المكتبه مالتي وبعده نمت
صكر اسمي صكر عمري 34سنه مزوج من ✌☝اكيدعبالكم 3سنوات لا مزوج 3نسوان اول وحده اتزوجته من كان عمري 20سنه اخرسنه الي بلجامعه الي هي زوجه اخويه فهد (هديل )جبرني بابا ازوجه يالله ياخذلي البنت الي احبه بوقته اخوي علي اعترض بس ماكو فايده بابا مقتنع اني ازوجه لان الجبيربعدفهد وازوجته علمود احصل علئ حبيبتي (ريماس) الي ازوجته بعد سنه من وفات فهد وزوجتي الثالثه هي (ساره) الي هي بنت خالي وجانت خطيبت علي بعد ماانقتلو علي وخالي بسياره بطريقهم من بغدادلبصره اطريت ازوجها عايش حياتي عاديه بس كل هاي السنين مارزقني الله بطفل ولا حتئ اخوي فهد فقد الامل تماما ايصير حفيد لوالدي يرفع اسمه خصوصا بعد ماقتل تحسين عمر وهسه بابا يجبرني اخذ فصليه عمر باي حق اضلم بنت الناس بسبب ماله بيه .
خيريه لاعلي بناتي ماانطيهن فصليات لوتاكلون بعض
علي لعد ابنج ايموت احسن  لج تهجر عفت ناسي وهلي بلبصره واجيت لهنا علمودكم وانتو تكسروني بلزايد
خيريه شوف علي اتريد تنطي فصليه انطيهم فاطمه هم بنتك وهي سبب الي صار خلتنه نعوف البصره ونجي هنا بسبب اهل امه وهي الي خلت ابني يبعد عني
علي شبيج تخبلتي يامره شلون انطي فاطمه فاطمه مواخت تحسين
خيريه بس غرايبه وبنت عمه لتحسين يعني السالفه منتهين منه وبعدين انطيه لبصره نفتك منه هم فصليه وهم تكابل امه ونخلص
فاطمه جنت طالعه من المطبخ سمعت كلامهم  لايابه فدوه لاتضلمني اكثر
خيريه انجبي ولج بشنوانظلمج موزين انزوجج ماتضلين علئ كلبي ولج اني بعمرج عندي تحسين
فاطمه باوعتله درت لبابا فدوه بابا اني اروح لامي وبعد مااجي وماتشوفني بس لاتشمرني هيج
علي ماكو قرر ثاني بنتي لازم باجر ترحين فصليه لودمنه كلنه ينهدر غصب عنج ترحين فهمتي
فاطمه ضليت حايره بزماني وين اروح ياربي ولااعرف رقم امي وخوالي مانعيني اتواصل وياهابعد الي صار ولاحتئ اعرف رقم زوجه اضطريت استسلم لامر الواقع وباجر اروح الهم فصليه.
صكر يابه غير رايك حرام نضلم البنت
الشيخ لاتناقش صكر تزوج باجر تزوج خلص وبلغ نسوانك
صكر استاذن يابه
الشيخ ناديلي نسوانك يجن
صكر صاربويه  ساره روحي لهديل وريماس
ساره تدلل
البنات تفضل ياشيخ
الشيخ باجر عدنه عزومه جبيره
هديل ليش شيخ شنو عدنه
الشيخ باجر يزفون الفصليه لشيخ صكر وحضرن الغرفه الخاصه لزوجه لفصليه والي اسمعه تحجي حجي زايد الباب يوسع جمل
هديل عمي بس انته شتكول
شيخ هذا الي سمعتي مادامجن عواكر وماجبت طفل يرفع اسمنه ازوجه عشر واغيرجن مليون مره
ريماس صعدت لغرفتي
صكر عند اذنك يابه صعدت لغرفه ريماس اعرف هديل ماتنكدر وتاخذ حقه بيده ومايكسرها شي وساره علئ نيته اهم شي مكان يسترعليه وقريبه من عمته بس ريماس حبيبت كلبي شلون اقهره مرتين
صكر ريماس سمعيني
ريماس ماكو داعي تزوحت بنت خالك مشيته بس تزوج فصليه تكسر راسي بثنين نساوين وتلم ملابسها
صكر جريت الملابس منه سمعي الفصليه فتره وتروح بس انكف مشاكل يعني يريحج اني اجي بتابوت الج
ريماس اسم الله عليك يومي قبل يومك صكر انته موتحبني
صكر ولج هواكو وحده تكدر تاخذ حبج من قلبي
ريماس جاه اتركه لهذا الزواج
صكر مااكدر اكسر كلام ابويه وكعدت علئ الجربايه
ريماس بس عادي تكسر كلبي
فارس كلبج موهين عليه بس الشيخ اذا راد شي ايصير غصب عني وعن الكل وصلت لباب جاي اطلع
ريماس اسمع ياابن الشيوخ اذا خطيت الباب وانته بنيتك تايد جلمته لاابوك اعتبرني محرمه عليك ليوم الدين
صكر درت عليه وعيوني تريد تطلع  تحرمين عليه ولااكسر جلمته لاابوي اخذي ملابس وطلعي من هاي اللحضه انتي تحرمين عليه يابنت الناس وخليت وطلعت
ريماس اوف شلون حجيت هيج
هديل غبيه انتي قدمتي زوجج بصحن من ذهب لفصليه ولج لوخاله لسانج بلهاتج جانه اخذه بس كدام الناس وبلغرفه اخته لجن بعد كلامج هذا لاوالله تجيبله الولد وانتي محرمه بيت اهلج
ريماس شسوي ولج دبريني اموت بدون صكر
هديل الي يجي من ايده الله يزيده ديربالج الشيخ يدري بالي حصل والله لاشوفه ماخذج يم اهلج وياخذ مره جديده لصكر
ريماس يمه اموت والله صكر يطلكني
هديل خليه تجي ويصير خير
ريماس انشالله ماياخذه
هديل بعد الي صار راح ياخذه عناد بيج يابنت الشيوخ
ريماس لاصكريحبني ومايسويه
هديل اي انشالله
فاطمه الليل كله مانمته وصارالصبح اخذت الي احتاجهن ومااعرف شنو الي ينتضرني اخذت كتاب من كتب بابا وقلاده ذهب مالتي انطته الي امي من تزوجت ورحت ويه عمي وولده باوعت علئ بابا حتئ ماقبل يوصلني ولاحتئ شافني قبل لااروح وصلت لبيت الشيخ بيت حلو عباره عن بيتين واحد يم الثاني فتنه بلبيت الجبير اجتي بنيه فوتني جوه 
وصارت سوالف وصوتهم عالي