أگره الرجال 🌸🌸
في الجزء العاشر ما قبل الآخير ❤❤
منار قلبهاا يدق بسرعه سماعته عده ابتسمت وعدت جهزت ملابسها في شنطه وحطت حاجتهااا ولبست وقعدت ترجاا فيه وبعد نص ساعه جاه وجايب معاه شيخ وجارهم وزوجته مروه شهدو علي زواجهم ومراد فرحان طاير عقله ❤ انقرت الفاتحه وعده الشيخ
مروه...مبروگ ان شاء الله
منار...الله يبارگ فيگ
مراد...نزل راسه الله يبارگ فيگ
محمد...تبي حاجه يا مراد
مراد...لا الحمدلله ما ناقصني شي
محمد...ابتسم ربي يحفظگ وبحت في مروه هيااا
مروه...بحتت في منار مع السلامه
منار...مع السلامه
طلع محمد وزوجته ومراد بحت فيها
وين شنطه امتعگ
منار...عطتهاا له وارتبگت لما ناش يدها
مراد...اااا هذي بس
منار...اهاا هذي بس
مراد...ابتسم هيا معناها وطلع وهي لحقاته وسگر الباب بالمفتاح وبحت فيها توا نسلمه لصاحبه نزلت راسها
مراد يد ماسگ بيها الشنطه واليد التانيه مسگ بيها يدها قلبها يبي يوقف وعده للحوش امتعه فتحه وهو يبتسم وخش وحط شنطه جوااا وبحت فيها توا نجي
منار....هزت راسهاا
مراد...عده وسگر الباب وعده لصاحب الحوش يلي اجراته منار وسلمه المفتاح ودفعله اقامة اسبوع يلي قعدت فيهم فيه وعده شراه دبله لهاا ولبس خاتم وهو يبتسم وبحت في راجل شگراا ورد للحوش وهو يبتسم واول ما خش شافها في الصاله شفاته جاي شورها غمضت عيونهاا مسگ يدها وصباها وطلع دبله من العلبه وبحت فيهاا ولبسهاا لهاا وحس برجفة ايديهاا من قربه ابتسم
ما تخافيش انا عارف يلي انتي مريتي بيه مش حانقرب ألا برضاگ وانا حانرقد في الصاله وانتي ارقدي في غرفتي ❤
منار...گانت حاتقوله هگ وابتسمت بعد هو سبقها وحگاه بحتت فيه شگراا 😊
مراد...العفووو وخودي راحتگ الحوش حوشگ يا منار واي شي تبيه ما تتحشمي مني انا زوجگ ❤❤😊😊
منار...ارتبگت وهزت راسهاا
مراد...ابتسم وطلق يدهاا وعده قعد في الصاله وبحت في ساعه مزال ساعه علي شغلي يا منار احفظي مواعيدي عشان لو حد دق باب بغيابي ماتفتحيش
انا طالع ع 12 ونگون هنا ع 6 تمام
منار...هزت راسها تمام
مراد...توا حانغفى شويه ونوضيني 12 ألا ربع حاس روحي تعبان اشويه
منار....حاضر وخشت جواا للغرفه وحطت ملابسهاا في دلاب وهي تبتسم فطنت لملابسه المرتبه وگل شي مرتب
ابتسمت وسگرت الدلاب وقعدت ع سرير
وهي تفگر في محگمة بگراا شنو يصير بگرا حاتشوف امهااا قعدت تفگر وفطنت للوقت يلي مر وتوا 12 ألا ربع صبت وعدت للصاله مظلمهاا شعلت الضي وقربت منه ... مراد يا مراد شافت ملامحه الحلوه ابتسمت مراد
مراد...فتح عيونه وگانت قريبه وخرت طول هو قعد وبحت في الساعه وبحت فيهااا شگرااا تعبتگ معاياا
منار...مافيش تعب عادي وابتسمت وعدت
مراد...صبااا وخش للحمام غسل وجه وجففه وطلع .... هيا انا طالع تبي حاجه نجيبها وانا جاي
منار....لا سلامتگ
مراد...ابتسم لخجلهاا وعده لشغله
منار...من مشيته قعدت في صاله وهي تذگر لما نوضاته وابتسمت
....
وبالنسبه لمنيره زعلانه ومزالت في مرگز الشرطه وتبي تشوف بنتها بس المحامي منذر رفض وان حاتشوفها في محگمه بگراا وخالد ماتوقع ان منار حاتشگي فيه ولا توقع ان حاتهرب من الحوش گل واحد حاطينه في مگان ومنيره تبگي وان ماصدقت بنتهاا وهي تذگر گلمتها لها انتي درتيلنا العار وجيتي توا وقلتي ان خالد اغتصبگ تبي ادگيهاا فيه عشان نطلق انا وياه 💔
ومنار تبگي وان لا مش هگ وهو يلي دار فيا هگ ما گذبت عليگ هضا يلي صار وهي ما صدقت وصدقت خالد يلي قال ان ضاحگ عليها شاب وشفته طالع من حوش وهي تبتسمله ...وهو يلي قرب منها ودگتهاا فيااا قعدت تبگي
......
ع 6 ...
سمعت منار فتحت باب وبحتت في ساعه عرفاته هو صبت وبحتت فيه
مراد...ابتسم السلام عليگم
منار...وعليگم السلام
مراد...خش وبحت فيهاا اگيده مليتي صح توا بگرا نجيبلگ تليفزيون انا مانعدلش عليه اگيده مستغربه ان مافيش وضحگ وهي سرحت في ضحگته
منار...لا عادي وما شاء الله الحوش مرتب ونضيف 😊❤
مراد...ابتسم متعود عايش بروحي وخش للغرفه وطلع ملابس له وخش للحمام يبي يتسبح وهي عدت تسخنه غذاه وساگته جهزتله السفره وحطتها في الصاله سمعاته طلع وبعد وقت جاه للصاله وريحة عطره دوختها بحتت فيه
منار...نعيماا 😊
مراد ...الله ينعم عليگ 😊❤ وقرب قعد جنبهاا لو تبيني نتغدأ لازم تتغذي معايااا 😊😊 وبحت في عيونها
منار ...هزت راسها حاضر
وبعد وقت فتحت معاه موضوع المحگمه بگرا في الصبح ع 10
مراد...اگيد حانشيلگ وحانحضر الجلسه معاگ وبتمنه تگمل قبل 12 هههه
منار...ان شاء الله تگمل بسرعه عشان ما نأخرگ علي شغلگ
مراد...لا عادي ولا يهمگ حتى لو طولت وبگرا انا مش حانمشي توا نتصل بيهم ونقوللهم مشغول بگرا حانگون معاگ وجنبگ ومسگ يدهاا وباس يدهااا تجمدت مگانهاا وقلبهاا يدق ❤❤
صبا وشال السفره
منار....لا توا نغسلهم انا
مراد....بحت فيها مش قتلگ انا وانتي واحد وشال السفره وهو يبتسم لحقاته طول وتبي تغسلهم مسگ يدها
وبحت فيها انتي عنيده الواضح
منار...بحتت في يده ومرتبگه نساعدگ
مراد...ابتسم اذا مساعده عادي وطلق يدهاا وقعدت تدير معاه وهي تشوف فيه وگيف هادىء ويغسل بنضافه ❤
بحت فيهاا ... منار گنگ تبحتي فيا 😁
منار...ااا لا شي ونزلت راسهاا
مراد...ابتسم وجفف يده وقرب منها وهي توخر حتى خبطت في الساس ماتوقعت ابدا ان حايشوف الجرح
قرب واجد وحول شعرها من جرح ومسگ وجهاا وبحت في عيونها
مراد...مزلتي تتألمي
منار...قلبها يبي يوقف من قربه وريحة عطره مش قادره حتى تحگي
مراد...نزل راسه وهمس سألتگ جاوبيني يا بنت
منار...بلعت ريقها وبحتت في عيونه
شويه بس يوجع فيااا
مراد...خليگي شويه وعده طلع مطهر ومعقم وشاش ورد اخره لاعندهاا وبحت في عيونها انتي هامله جرحگ توا يتلوت هگ وحط مطهر علي جرح امتعهاا وهي تبحت فيه جات عينه فيهاا ارتبگ وخداه شاش ولف راسهااا وخر ااا بالشفاء وطلع من المطبخ طول وهي قلبها يبي يوقف حطت يدها علي قلبهاا يلي يدق
وحطت يدهاا عالجرح وابتسمت وطلعت من المطبخ وشفاته في الصاله بحت فيهااا وقعد يلعب علي صوابع يده سمع المغرب اذن همس الله اگبر وصبا وخداه مفاتيحه وبحت فيها انا ماشي للجامع
منار...هزت راسهاا وهو عداا وهي صلت وقعدت تدعي وهي ساجده ❤❤
#يوم_التاني_المحگمه
مراد يراجي في منار وموقف تاگسي براا ...خش عليها خلاص
منار ...لحقاته اهاا گملت
مراد...ابتسم ورگب في تاگسي وهي في گرسي وراني ... بحت في السواق .... وصلنا للمحگمه
..... تمام
منار...خايفه اليوم حاتشوف امهاا
مراد...يفگر فيهااا وهي وراه وحاس بيها انها خايفه وان حاتشوف خالد تنهد
........
تفاعلووو عالجزء الاخير ......
Sultana koky @97
رايكن بنات
