#الجزء_لخامس :
بالقصر ..
قاعدين بصاله
سهام: نامت شام
أم وطن :اي ولي عقلبي عليها نامت ودموعها عخدها وتتنشح مو مسدئه الي صار معها
أبووطن: ابنك تزوجها لهل بنت لمسكينه وستر عليها بس الله يستر شوفي بعقلو هالمجنون
سهام: البنت لساها طفله والله ما بتستاهل بتحرق القلب بكفي الي مرت فيه شوفي براسو وطن
أم وطن: والله بزعل منو وما بعود بحاكي البنت يتيمه ولي عقلبي ولعذاب لعاشتوو مو قليل لساها صغيره
واقفه جوان ع حديثهن وضمت أمها: دخيل قلبك شو حنون يا ماما انا كمان كتيير حبيتها لشام وتأثرت بشي يلي تعرضتله قطع حديثهم دخول…
(ملاحظه راح اختصر اسم البطله مال الشام ل #شام)
جنات أخت وطن تانيه: كيفكوووون
الكل: أهلين جنات
دخل حامل بنت صغيره بعمر الاربع سنوات بتشبه وطن
غيث ابن سهام: هااا انزلي لشوف صايره تقيله يا زعره كيفووون
الكل: اهلين يا ابني
ركضت غاليه لحضن جدها :هيييييي جدو
حضنها أبو وطن: قلبب جدو
أم وطن :تعي لعندي يا عمري
ركضت غاليه لستها أم وطن : تيتتتته حبيبتي
أم وطن: يا عمري انتي كيفك
غاليه: شتقلكن
جنات: لاااا ياه شو نسيتوني ولا كأني موجوده
سهام: هههههه راحت غلاتك يا بنتي تعي غلوي لعندي عمتو
غيث: لككك هلق عنجد وطن جوز والبنت هون
جنات: اي شو قصة زواج وطن والبنت الي جابها
أبووطن: لكك انتو مين صار مخبركن وانت ولاا مو كنت بمدرستك
غيث: اااه
أم وطن طلعت بجوان: ولييي جوان لسانك بدي قصو
جوان: شبككك ماما هيك خبر ما بيتخبا خبرت جنات وتصلنا بغيث يجيبها ويجو
أم وطن: لخبر وطن عنك يا ام لسان
جوان فتحت عيونها: لا ماما شو وطن ما وطن دخيلللك ما تعلقيني معو .. وعملت حالها بدها تبكي
أم وطن: محتاله
جنات: سكتي هلأ انتي،، اي حكولي شو لقصه لك وطن يلي مابيطلع ببنت ورافض زواج هيك بيوم وليله بجيب بنت ومتزوجها
حكالن أبو وطن السيره كلها ونبه عليهن ما يدخلو ليصرف وطن
جنات: يعمري والله هالبنت قصتها بتوجع القلب
غيث: لهلأ في هيك بشر وكمان يتيمه بس انتو كيف عرفتو قصتها وطن ما بيحكي بامور شغله
أبو وطن: جدك حكالي
نطت جوان: ييييييييي لو شوفوها متل لحوريه بجمالها متل لعبه
غيث: برررررربك ولييييي عطولي تعي ارجيني ياها تعي
جنات: شوقيتني شوفها
أم وطن: لك البنت نايمه وستها متوفيه جديد لساها بتبكي
جوان بحلقت عيونها بغيث بخبث: اذا مستغني عن حياتك روووح شوفها😂 شو نسيت هلأ هيا مرتو لوطن الخطيب
غيث لف ورجع: أعوذ بالله لا بنأذيكم ولابتأذونا دستور من خاطركن لا بعرفكم ولا بتعرفوني
الكل: ههههههههههههههه
غاليه تخنصرت: أنا بورذيك بدي أشكيك لخالو
غيث: يا حبيبي محامي دفاع وطن تاني لك ما لقيتي تتوحمي غير ع وطن
جنات: يؤبر ألبي ع هل رجوليه وشبوبيه أي أختو بتعشقو
صرخت سهام صوت وسكتو لكل وطلعو ناحها بخوف
سهام: ولييييي علييي عليك يا عميمه وعلت لصوت تلفزيون 📺
&*أصابة الجنرال وطن الخطيب بطلق ناري مجهول أمام
القسم الجنائي تم نقله للمشفى واصابته خفيفه والحمدلله سنوافيكم بالاخبار أول بأول…..
