#ليله_عمري

الحلقه (1)

#ليله_عمري🔥

#الحلقه (1)

بقلم مروان فرج
.
.
.
.
.

نعرفكم علي نفسي انا وسام من طرابلس مواليد 96شاب في العشرينات من عمري بوي صلاح راجل عصبي وديما في خدمته يحب عمله هلباا ومرات يقعد باليوم مايروحش للعمل عشان ضغوظات العمل♥️

طبعا بوي دكتور يخدم في مصحه ###يلي ف طرابلس بوي متعلق بخوي الكبير ايمن هلبااا وتوا تعرفو علاش وامي امنه طيبه وحنونه قاعده في الحوش ديمااا يعني ربت منزل

كانت في البدايه تقري في مدرسه بس بحكم شغل بوي وأغلب وقته برا الحوش فقال لامي تسيب المدرسه وتقعد ف الحوش ♥️

عندي 3خوات أكبر مني ومتزوجات التلاته وعندي اخ اسمه ايمن مواليد94يقرا طب وكان بابا متعلق فيه لادرجه لاتوصف لانا حصله بعد 3بنات

وكل مش مصدق انا حصل ولد بكل شن تبي ياايمن وشن يلي يريحك واي حاجة يبيها ايمن يلقيها قدامه بدون مايحكي ولا كلمه ♥️🔥

انا وقتها كنت صغير ونشوف في بوي كيف يجيب لي ايمن ونا لما نطلب من بوي حاجه يقولي لا ومايمسعش فيااا بكل بالرغم انا بوي معبي وفلوس كان يقول توا تكبر ونجيبلك ويمشي فيااا بالوقت ويخلي فيا هكي🙁🙁

وماعمريش جابلي شي

لدرجه اني قعدت متعود عليه وكنت لما نبي حاجه نطلب في امي وامي هياا تجابلي فيها🔥🔥

بدت قصتي في سنه2012 خوي ايمن طلع من التانوي وجي بيقرا جامعه قاله بوي خش طب ونشريلك احلي سياره كان يدعم فيه هلباااا♥️

وفعلا خش أيمن طب بشري وخداله بوي سيارته مرسديس حلوة

ايمن قعد فرحان بالسيارة هلباا ويجري ومايعرفش يسوق زين مرات يروح وهوا مداير حادث ومرات محصل ضربات ع راسه💔🥺

وبوي كاين خايف عليه هلبااا وحاول بوي كم مره ياخد السياره من ايمن بس ايمن وقف القرايه عشان قاله لو تبيني نقرا عطيني السياره

قعدت السياره عند ايمن وباتي كاين ع قلبه 💔

مشي الوقت وطلعت من التانويه بتقدير جيد جدا يعني اهو نقرا وبجهدي😂 وفكرت شن نقرا في يلي يقولي اقرا صيدله وفي يقولي خش طب وكل واحد يقولي في شي

مشيت لي امي وقوتلها شن نقرا قاتلي شن تحبه انتا تكون في المستقبل 😍😍

حسيتها كلمه كبيره قوتلها عندي رغبة اني نخش هندسه ونكون مهندس كبير

امي خلاص مالا خش في الهندسة وانشاء الله ربي يوفقك♥️

انا انشاء الله

كملت العطله نص السنه وبدي العام الدراسي وسمعت بالكليات فتحو فتحت نت وشفت منشور انا جامعه طرابلس دبت تقبل في الطلاب الجددد