نهيلة:(قربات حدا سامي لي كان جالس في كرسي وشاد راسو بايديه) دبا غندوي معاك بالادب بغيتك تمشي حيث غتفيق و تشوفك غتزيد تأزم حالتها
سامي:خليني بعدا نشوفها غير من بعيد
نهيلة:(بعصبية )واخااا من بعييد تحاول تقرب ليها ما تلوم غير راسك انا علمتك
(رجعات نهيلة جلسات في بلاصتها و كتشوف في سامي للحضة بقا فيها ولكن تفكرات شنو دارو فيهم و قسحات قلبها، غلب عليها نعاس و نعسات جالسة )
(أصبحنا وأصبح الملك لله فاقت نهيلة لقات راسها متكية في ناموسية و مغطية )
نهيلة:شكون جابني هنا، هادي بحال ريحة ديال نضال، لا ميمنكش يجي اصلا جريت عليه
(خرجات من الغرفة لقات سامي واقف كدوي مع طبيب و العياء باين في وجهو)
نهيلة:(مشات حداهم)خاسك تمشي
سامي: وخا نقدر نشوفها غير 5 دقائق
نهيلة:لا ميمكنش و دبا يسر بحالك
سامي: (متسوقش ليها و دخل،مشا لجيهة سلمى باسها في جبهتها)انا سبااب في كولشي، كنتمنى تسامحيني شي نهار كنبغييك(خرج لقا نهيلة مخنزرة فيه، متسوقش ليها و مشا بحالو)
(دخلات نهيلة عند سلمى خدات كرسي وجلسات حداها و كتفكر في حياتهم كيكانت و كيولات ؛مقطع تفكيرها غير سلمى لي بدات كتفيق، خرجات كتجري عند الطبيب، دخل فحصها و هي بقات برى، بان ليها جسور جاي لجيهتها )
جسور: فاقت
نهيلة:(تنهدات)اه
(خرج طبيب من عندها و دخلو عندها هما )
نهيلة:سوسو الطحبة خلعتيني عليك ،انت اثرو عليك الأفلام التركية
سلمى:نهى رجلي مكنحسش بيهم علاااش
نهيلة:(جلسات حداها)شوفي نبغيك تهدني واخا
سلمى:شنو قولي
نهيلة:سلمى انت راك تشللتي
سلمى:(الصمت و مصدومة)
جسور:(حتا هو جاء حداهم)عندي واحد صاحبي طبيب غيجي على قبلك باش تعالجي متفقديش الامل
نهيلة:جسور عندو الحق
سلمى:(دوات ببرود)مبغيتش نتعالج
نهيلة:وعلاااش
سلمى:اصلا انا حياتي ضمرات لا شرف لا عائلة لا قراية كون غير خليتوني مت(كتبكي)
نهيلة: (عنقاتها)بغيتي تخليني بوحدي راه انت لي بقيتي ليا ،غتبراي انشاء الله و غتكملي قرايك و غنوليو انا وياك مصممات ياك هادا هو حلمنا،صافي غتقبلي تعالجي ياك
سلمى:(كتحرك براسها باه)
نهيلة:(باستها في حنكها)هكاك نبغيك ،كوني قوية يالاه ضحكي دبا
سلمى:(ابتاسمات )
نهيلة:خليك ديما ضاحكة
#تسريع الاحداث:
(دازت 3 ايام خرجات سلمى من المستشفى، اليوم كيف العادة فاقت نهيلة دوشات لبسات سروال طاي اوت في الباج مع شوميز بيضة مبينة ليها كرشها مع طالون و ساك في الباج مع ميك اب خفيف، لبسات لسلمى سروال في الابيض و تريكو في الكري و معري من الكتاف، جلساتها في الكرسي المتحرك و هبطو فسانسور لقاو جسور جالس كيفطر عاونات سلمى باش تجلس في الكرسي و جلسات كتفطر )
نهيلة:سوسو يالاه حبيبة انا غنمشي انا و جسور ردي البال لراسك واخا
سلمى:فين غادا
نهيلة:اه نسيت مقلتش ليك، كيف ما كتعرفي بلي مدرسة التصميم خاسنا الفلوس باش نخلسوها و انا قتارحت على جسور باش يخدمني سكريتيرا عندو بما تسجلنا
سلمى:متأكدة هدا هو سبب ماشي شي حاجة اخرى
نهيلة:اه على شنو غيكون يالاه باي(باستها و خرجات مع جسور ركبو فلوطو واتجهو للشركة، وصلو نزلات نهى بقات كتشوف في شركة)
نهيلة:اول خطوة
جسور: ندخلو
نهيلة:اه يالاه
(دخلو الشركة جسور ورا لنهى لبيرو ديالها بقات جالسة جاها الملال؛خرجات من بيتها و بقات كدور في شركة ،بقات كتقلب على مكتب جسور معرفاتوش فين كاين،دخلات لواحد المكتب بان ليها، مع دخلة مع حلات عينيها، بان ليها نضال جالسة فوق منو شي وحدة و كتبوس فيه و صدايف ديال القميجة محلولين و صدرها كلو كيبان )
نضال:(بصدمة)نهيلة
نهيلة:سمحوليا ضيعت عليكم اللحضة
نضال:انت فهمتي غلاط هي لي جات عندي و
نهيلة: (قاطعاتو)معندك متشرح ليا حياتك هادي(خرجات من البيرو و طلقات العنان لدموعها )
نهيلة:حمار معرفتش كيفاش قدرت نبغي واحد بحالك مي بلاتي نهايتك قربات
