نهيلة:نضال خاص نقلبو على واليديها البنت غادي تموت
نضال:وصيت رجالي باش يقلبو عليهم (عنقها)صافي غير تهدني
نهيلة:بقات فيا البنت بزااف باقة صغيرة
نضال:انشاء الله غيلقاو ليها متبرع وغتعيش
نهيلة:ياربي
الكارد:موسيو
نضال: (دار لو براسو شنو)
الكارد:مشينا البلاصة لي كنتو فيها وسولنا الناس على البنت قالو لينا بلي البنت معندهاش واليدها و غير كتبيع الورود تما
نضال: صافي سيير
نهيلة:نضال دبا شنو غنديرو البنت معندهاش واليديها ،كون مكنتش حاملة كون تبرعت ليها انا(درات عندو)نضال واخا دير تحاليل تشوف واش تقدر تبرع ليها عتابرها بحال بنتك
نضال:(شد ليها وجها)اصلا كنت غنديرها قبل متقوليها ليا
نهيلة:(باستو)عارفة حبيبي انا حنين ،يالاه سير عند طبيب )
عند سلمى:
سلمى؛معرفت مالو هدا
سارة: انه الحب يا سادة
برائة:لاواه الخرى
سارة: اه سمحولي غنجاوب على المكالمة ونرجع
برائة: (صغرات عينيها)سيري
سارة: اك(خرجات الجردة)
برائة: ملاحضتيش بلي سارة ولات كدوي في تيليفون بزاف
سلمى:عادي
برائة: (وقفات)تبعيني
سلمى:فيين
برائة: وتبعيني وسكتي
(خرجو الجردة لقاو سارة كدوي بشوية )
سارة: سمحلي حبيبي مجيتش اليوم
:ماشي مشكيل حبيبتي
سارة: موااح حبي يالاه انا غنقطع كنبغييك(قطعات)
برائة: (كتصفق)واااو رومانس
سارة:ش شنو كديرو هنااا
سلمى:باي حبيبي كنبغييك
برائة: هههه شكون هادا دوي وليتي تخبي علينا
سلمى:شنو سمينو وشنو كدير كولشي قوليه لينا ولا عرفتي شنو(خطفات ليها تيليفون)نشوف راسي(دخلات لكونطاك )اوووه كاتبة عليه عمري؛عندي فضول نعرف شكون هادا(دخلات واتسااب كتقلب على عمري باش تشوف تصويرة)نوووو ميمكنش
سلمى:ماااجد هو حبيبك
سارة:وي هانتي عرفتي اري تيليفون
سلمى:هاكي(عطاتها طيل)عاودي لينا كيفاش تلاقيتو
سارة:راك عارفة بلي هو صديق ديال خويا
سلمى: اه نسييت خوك عاارف
سارة: لاااا
سلمى:خاصو يعرف
سارة: غيعرف ولكن ماشي دباا
سلمى:اك،
عند نضال:
(دخل عند طبيب دوى معاه، و دار تحاليل ونتائج مغيخرجو حتى لغدا)
نهيلة: واش تقدرو ندخلو نشوفوها
طبيبة:وي راه فاقت
نهيلة: اك
(دخلو بجوج لعندها كانت بنوتة زوينة بزااف شعرها بني عينيها عسليين بشرتها بيضة فمها غووز)
بنت:Neo nugu ni (شكون انتما)
نهيلة:(نهيلة كتعرف شوية لكورية حيث عزيز عليها الافلام الكورية )Nae ileum _eun Nouhaila (انا سميتي نهيلة )
(كتشير ليها جيهة نضال)Nampyeon Nidal (زوجي نضال)neo ileum -i mwoni (و انت شنو سميتك)
بنت:Nae ileum -eun yura(سميتي يورا)
(الحوار بالكورية )
نهيلة:وااو يورا سمية زوينة ،شحال في عمرك ازوينة
يورا:(دارت ليها بايديها 5) وانت
نهيلة:هههه انا 20 سنة
يورا:علاش راجلك معصب
نهيلة: (دارت عند نضال)نضال خلعتي درية ضحك شوية
نضال:(قرب حداهم)
يورا:(حطات ايديها على فمها وضحكات )
نضال:(ابتاسم لها)
نهيلة: ويينو نضال شوف شحال زوينة حمقاتني
نضال:(باسها)زوينة بحاالك
نهيلة: (بحزن)مسكينة باقة صغيرة خاصها تشافا
