فتاة تتحدى الجميع (مكتملة)

البارت الرابع

جوري بصوت عالي : يا أهل الدار جعاااااانه
كريم بضحك وخوف وهو يشير بيده علىٰ المطبخ : يا ماما لحسن تاكلني...المطبخ أهو
جوري بضحك : إيه يا كيمو يا حبيبي ما تخفش مش هعضك
جلست بجواره وعضته فعلا وهو صرخ والكل ضحك عليهم
سليم : إتاخرتي جامد أنتي خرجتي مع صحابك ولا إيه
جوري بنظرة لوم وعتاب : جدو أنا مستحيل وحط تحتها ألف خط أسيب الشركة لأحمد تاني ... وأنا كنت قاعدة في  المكتب بصلح أخطاءه
محمد بإستغراب : وهو غلط في إيه!!!
جوري : كتيرررر وأولهم إن أرباح الشركة قلت في السنة إللي أنا سيبتها فيها وقلت بشكل كبير يا بابا المهم ما تقلقش أنا ظبطت كل حاجة
محمد : أنتي اللي قولتي أسيب الشركة مش إحنا الحمد لله ولما يجيني هشوف إزاي الأرباح تقل وأنا معرفش
أشرف : مش كان شغل يوسف معاه كان ساعده
جوري : هههههه
أشرف بضيق : بتضحكي ليه
سليم : وأنت بتسأل كمان ده لو إبنك راح كان زمان الشركة ضاعت خالص أصلًا
أشرف : أنت إمته إديتله فرصة يثبت مقدرته
سليم : من غير ما أديله أنا م..
جوري : سوري يا جدو بس أنا عايزة أقول حاجة
سليم : قولي يا بنتي سمعينك
جوري : دلوقتي أنت بتقول نديله فرصة يثبت عكس ده أوكية يا عمي بس عندي شرط
أشرف : أنتي هتتشرطي كمان وكأن الشركة ملكك
سليم : أولًا جوري تشرط زي ما تحب لأنها الوحيدة إللي خلت شركاتنا تكبر من بعدي ومن بعدكم ثانيًا أيوة أنا مقسم الأملاك عليهم كلهم بالعدل بس بشرط إن أي حد عايز يبيع أو يتصرف في أملاكه لازم بتوقيع من جوري نفسها
أشرف بصوت عالي : نعممم بقىٰ بعد العمر ده كله عيالي يبقوا محتاجين يستأذنوا من حضرتها لا طبعًا
سليم بصوت أعلى ( والكل وقف لما هو وقف ) : وأنا مش هستأذن حضرتك أنا خلاص قررت ونفذت
جوري : طيب إسمعني بس يا جدو أنا موافقة بس ليه بتشيلني مسؤلية كبيرة زي دي ممكن أكون مش قدها
سليم : لا أنتي قدها وكل إللي هنا عارفين كدا كويس وكلامي خلاص خلص أنا طالع أنام..أه وبالمناسبة الشركات بالذات أكتر من نصها بإسمك
أشرف : لا كدا كتير
ذهب الجد والكل يجلس في صمت تام وأشرف يغلي من الداخل
مازن : يلا بينا يا ندىٰ أنا طالع أنام
مروان : وأنا كمان يلا يا ياسمين
ذهب الجميع ولم يتبقىٰ غير إبراهيم وشهد وأشرف وحنان ومحمد وجوري وكريم...دقت الساعة 1ص والكل يجلس يفكر ...دخل يوسف يترنح من كثرة الشرب ولقيهم قاعدين ساكتين وضحك عليهم ... قامت جوري وضربته قلم علشان يفوق
أشرف بغضب : أنتي...
جوري بصوت عالي نسبيًا : رحاب يا رحاب
جاءت الخادمة رحاب
رحاب : نعم يا جوري
جوري : جيبي كوبايه لبن ليوسف باشا
يوسف : أنتي إزاي تضربيني أنا أكبر منك ده غير إني راجل
جوري : والله بجد أمال أنا مش شايفه كدا ليه دلوقتي ... تشرب اللبن وتصحصح علشان لو خايف علىٰ مستقبلك
جاءت رحاب باللبن وجاءت لإعطائه ليوسف ولكنه رفضه
جوري : هاتي دا وروحي نامي أنتي
نظرت ليوسف : تحب أشربك بالعافية ولا هتشرب لوحدك
يوسف بسخرية : هههههه وهتشربيني إزاي بالعافية يا قطة
جوري بضحك هى الأخرىٰ جعل يوسف ينظر لها بإستغراب : كريم تعالىٰ إمسكه
ذهب كريم وقام بتكتيفه بسهولة
جوري : إشرب علشان مديكاش قلم تاني يا تشرب يا تضرب إختار أنته
أشرف : لا كدا كتير سيبي الواد في حاله أنتي هتمدي إيديك عليه تاني قدامي
جوري بدون النظر إليه : أولًا أنا مديت إيدي عليه علشان يفوق ويفكر في مصلحته مش أنا إللي هفكرله كمان ثانيًا وده الأهم إديني يومين بس أظبط أوضاع الشركة وبعدها أنا هكلم جدو وهخليه يشتغل معايا بس لو فشل مش عايزة موضوع إنه يرجع الشركة يتفتح تاني أما لو نجح أنا هكلم جدو يقسم الشركات بالعدل بس إنه يبيع نسبته في الشركة أو يتصرف في أملاكه يبقىٰ ده علىٰ جثتي ومليش دعوه بالقرار ده إتفقنا
أشرف أتردد : طيب أنا موافق بس لما يوسف يفوق القرار النهائي هيبقىٰ ليه هو
جوري : تمام....
.
.
.
.
يتبع
*بقلم : أميرة الظلام (مروه كمال محمد)*