فتاة تتحدى الجميع (مكتملة)

البارت الأول

دخلت إلى إحدى القاعات الكبيرة وكانت تمشي بكل ثقة بفستانها الأزرق الكب يضيق فى الجزء العلوي ومليء بالفصوص الصغيرة  ويتسع بشكل جميل من الأسفل وكانت مسدله شعرها الناعم الطويل وعيونها الزرقاء التي تجذب كل من في القاعة أخذت تمشي بكل ثقة حتى وصلت إلى العريس والعروسة
أحمد وهو يحتضن شقيقته : إيه الجمال و الحلاوة دي يا موزه
جوري : هزعلك في فرحك .. لم نفسك علشان سلمى مش تقتلك.
سلمى وهى تحتضن جوري : مهو الصراحة معاه حق المفروض أنا أكون أحلى واحدة في الفرح وفي الأخر تدخلي الدخله الجامدة دي وعيون الكل عليكي أنا كدا هغير
جوري : لا يا قمر إنتي . أنا أسمح لكل اللي هنا يغيروا إلا إنتي يا جميل
أحمد : إشمعنا هى يعني
جوري : علشان هى موزة في عيون جوزها وده أهم حاجة مش كدا ولا إيه
إحمرت وجنتي سلمي بسبب الخجل حيث مكياجها كان خفيف وأنيق فاظهر خدودها
أحمد وهو يصفق : أموت أنا في الأحمر يا ناس
سلمى بخجل : أحمد متكسفنيش قدام جوري بقى.
" سلمى زوجة أحمد عمرها 26 سنة طبيبة أطفال .
أحمد الأمير 29 سنة مهندس كبير وهو من يهتم بشركات الأمير جميعها .
جوري الأمير أصغر بنات عائلة الأمير 23 سنة خريجة هندسة أيضا ، طيبة ولكن لا تحب أن تظهر طيبتها لأنه سبق وتم إستغلال تلك الطيبة في طفولتها "
في نفس الوقت إقترب شاب جميل يملك عيون خضراء محدده باللون الزيتوني وسلم على أحمد
آسر : الف مبروك يا عريس
أحمد : الله يبارك فيك أنا عايز هدية جوازي أخر صفقة أنت كسبتها وأنا خسرتها
آسر بضحك : لا متحلمش إطلب الشمس أجبلك لكن الشغل ابعد عنه
جوري بضيق وغضب : يعني إيه تخسر صفقة هو أنا علشان غبت سنة تقوم تخسر صفقات
أحمد وهو ينكش شعره ويبتسم بتوتر : إيه أه أصلي آسر بردو مش سهل يا جوري
جوري بغضب تحاول حبسه داخلها : أنا مش عندي الكلام ده وأنا أهو خلصت أخر سنة في هندسة علشان أتفرغ للشغل
آسر وهو يبتسم إبتسامة ساخرة : وهو إنتي كنتي بتشتغلي في الشركة قبل ما تخلصي دراسة
جوري : أيوة طبعا أنا وقفت أخر سنة علشان كنت عايزة أركز فى الدراسة وأجيب مجموع عالى
آسر بسخرية : وجبتي المجموع
جوري : أ...
أحمد : لا في دي وstop دي مش جابت مجموع عالي وبس دي الأولى على الدفعة
آسر بصدمة : الأولى!!!!
أحمد بضحك : إتصدمت صح دي فظيعة يابني إنت أه مش سهل بس دي مش سهلة بردو دي كانت بتشتغل من أول ما خلصت ثانوي وخلت الشركة تعلا أكتر لحد السنة اللي فاتت
جوري : أحمد أنا مش عايزة أشوف وشك فى الشركة قبل شهر والإدارة هتبقى فى إيدي...أنا مش هسمح إني أشوف الشركة بتخسر وأقف أتفرج
أحمد : إهدي يا جميل الخسارة دي بسيطة جدًا
جوري وهى ترفع أحد حاجبيها : أنا معنديش الكلام ده...سلام
بعد أن رحلت جوري
أحمد بجدية : آسر خفف اللعب مع جوري لحسن دي ممكن تخليك تفلس
آسر بضحك : متقلقش دا أنا نفسي فى منافس قوي من زمان بدالك
أحمد : إنت حر أنا حاولت أحذرك
" آسر مهندس يملك شركته الخاصة عمره 29 سنة صديق أحمد من أيام الجامعة "
ذهب جميع شباب الفرح وعرضوا على جوري الرقص في تحدي بينهم من منهم سيستطيع الرقص معها
آسر بضحك : ههههه وأدى السادس يروح وترفضه
آسر لعمر : تعالا يا حبيبي رفضتك بردو
عمر بضيق : إخرس خالص دي بت فظيعه بس موزة موزة يعني ومستحيل تقبل ترقص مع حد
آسر : أروح أجرب حظي وزي ما إتفقنا اللي هترقص معاه هتعزموه على العشاء بره
منير : روح يا حبيبي مش لسه كنت بتضحك علينا ورينا شطارتك
ذهب آسر لجوري
آسر : تسمحيلي أرقص معاكي
جوري وهى ترفع أحد حاجبيها : إنت فاكر إنى مش شُفتك إنت وأصحابك عايزين ترقصوا معايا متراهنين على إيه بقي
آسر بضحك : ها..على العشاء بره بس أنا مش علشان العشاء أنا عايز أتكلم معاكي في الشغل و إحنا بنرقص
جوري بتفكير : أمم طيب بس رقصة واحدة وكمان أنا عايزة أتعزم على العشاء كمان
آسر بإبتسامة وهى يشير على عيونه : من عيني دي قبل دي
أمسك آسر بيدها وذهبوا لمنصة الرقص تحت نظرات الجميع المنصدمة وهم يفتحون فمهم على أخره يكاد يلمس الأرض من الصدمة
جوري بضحك : يخربيت كدا شايف منظرهم.
آسر وهو ينظر لها : إيه .. أه
نظر آسر لهم وضحك هو الأخر من منظر أصدقائه
عمر وهو لا يصدق عينيه : إزاي مستحيل هو أنا بتخيل ولا إيه
منير بدهشة هو الأخر : عملها ابن اللعيبه
" عند آسر وجوري "
آسر : إشرحيلي بتكسبي إزاي أي صفقة إنتي عايزاها
جوري بضحك : لا يا حلو أنا مش هقولك على أساليبي زى الهبلة
آسر : هو أنا حلو بجد
جورى : ههههه أكيد بهزر يعني إنت مركزتش غير فى كلمة حلو ده أنا قولتها في الكلام كدا عادي
آسر بحزن مصتنع : يعني أنا وحش
جورى بتسرع : إيه لا لا طبعا لا
ضحك آسر على تسرعها ونظرت هى له بضيق وداست على قدمه
آسر بوجع : أه يا مفترية
جوري بإبتسامة رضا : إنت كويس I am so sorry مكنش قصدي
نظر لها آسر بضيق ولم يتكلم وعاد الإثنان إلى مقاعدهم
عمر : يا بن الإيه إنت عملت كدا إزاي قولتلها إيه
آسر : أصلها معجبة بيا
جوري بضحك وهى تقترب منهم : مين دي اللي معجبة بيك
آسر بصدمة : إزاي سمعتيني من هناك
جوري : أصلي أنا متعلمة لغات كتير ومن ضمنها لغة الشفايف...........
.
.
.
.
يتبع
*بقلم : أميرة الظلام(مروه كمال محمد)*