#اسميتها أميرتي
قصة واقعية
الحلقة 1
الكاتبة: رويدا القاضي
انا أمي مطلقة اسمها ليلي طبعا امي حنينه
عليا هلبا ماتبيش فيا حاجة.
هيا م69 ولت أرملة وهيا صغيرة في العمر
لكن رفضت انها تتزوج بعد بويا مانعرفش وفاء منها او لأنها ماتبيش نتربى مع حد غريب عليا.
وحبيبتي بيلسان امها مطلقة وعائلتها محدودة هيا وامها وخواتها اثنين أصغر منها.
وأميرة بنت خالة حبيبتي بيلسان هيا اختها مش بنت خالتها وبس.
ام بيلسان اسمها كريمة م 70 طيبة هلبا ولا هذا للي نعرفه أنا أو الظاهر.
انا: خيرك حبيبتي شن مضايقك نحس فيك جوك مش تمام.
بيلسان: تعرف ياسين حبيب اميرة الفترة الحاية يبي يكلم خالاي ليلى عليها.
انا: هذا للي مضايقك ولا يهمك انا اصلا بروحي نفكر بنكلم امي عليك.
بيلسان: ايه مضايقة هوا مش مقصر معاها بشئ وانت أخر همك انا.
انا:😤 سلام توا هذا للي طلع منك قصدي كلامنا كله ياسين وأميرة مليت منه الروتين
اهو.
سكرت منها وانا مضايق مش طايق روحي
يعني مافيش موضوع غير أميرة وياسين.
طلعت قلت خلي نمشي لشباب تلاقيت انا وصاحبي سعد في القهوة.
سعد: خيرك ياطيري شن مضايقك علاش راقيتلك .
انا: الحب عندي مضايقتني تعاركت معاها.
سعد: ماعارف علاش ياصاحبي نحس انها ماتستاهلك بكل.
انا:😠 ناقصك انت ماهو جاي نغير جوي تزيد تغم عليا .
سعد: خلي نتصل بي عبدو يشوف المرض للي عندك كيف مطور راك قرفتني.
انا: ايه بالله اتصل بيه هذا يفهم مش زي حالاتك .
شويا مكسدين لين جاء عبدو قارن حواجبه زي الصقر.
سعد: خيرك انت الثاني شن فيك بالك حتى انت متعارك مع الجربوعة متعك .
عبدو : ايه متعارك معاها وانت من قلك شن وليت منجم عقاب الوقت ولا تجسس عليا بلا علمي.
انا: خيرك شن فيك انت علاش تعاركتوا وهذا سعد فوته همجي مايعرف شى عايش في البوشنكي ومليته عقله كله في البوبجي.
سعد: اقلها مانعصبش معبئ وقتي مش محتاج وحدة تنفخلي رأسي.
عبدو : تعرف ولت طماعة للعشرة آلاف تبي ناخدلها ايفون برو شن تحسابني مساك خزنة
مصرف ليبيا المركزي.
انا: انت طماعة وانا منكدية درهتلي كبدي.
سعد: ياودي العشق راهو الببجي هذا كله زايد يجرو بيكم وقولوا قالها سعد.
انا: بالله خلي نروح نفتح الموضوع مع أمي خير ما نقعد مع المنكدي سعد اقعد فيها.
عبدو: استنوا خدوني معاك في طريقك عقلي مفور مش محتاج صداع.
سعد: بروا ع قولت الإيطالي ترومه ترومه توا تجوني تشكو وتبكو 😁
انا: فعلا والله مدامك نقيت فيها مش غير نبكو توقع نجوك حتى نعيط ونريش في شعري.
روحت وانا في الطريق كلها نفكر كيف نفتح الموضوع مع أمي .
طبعا بيلسان تقرأ في كلية قسم الآداب .
امي: اهلين خيرك ياعلاء نسيت اني نستنى فيك ع الغذاء.
انا: سامحيني ياامي نسيت انك تستنى فيا والله عندي موضوع في بالي شاغلني .
امي : شن فيه تكلم احكيلي انا امك ماعندك حد غيري .
انا: اسمعي ياأمي نبي نقولك ع حاجة انا في بنت عاجبتني ونبيك تكلمي أمها.
أمي :😏 ياخطير قصدك انت تحب وامك أخر وحدة تعرف عيب عليك .
انا: يما راك تعقدي فيا بكلامك اهو 😞.
امي : لا تتعقد لا شئ عادي مش عيب انك تحب وتنحب.
انا: باهي توا نكلم خالك محمد ونمشوا نكلموا بوها نخطبوها.
انا : ☺ صحيتي ياامي وربي مايغيبك عليا ياغالية.
مشيت من الفرحة نجري نتصل بيها بعد أكثر كن مكالمة ردت عليا.
انا: بيلسان قولي لي امك بيجوني خطابة خلي تجهز روحها.
بيلسان: تحكي بجد انت بتجينا للحوش .
انا: ايه بنجيك وقولي لأمك تكلم عمك باش خالي يلاقى حد يتفاهم معاه.
بيلسان: ياحليلي منه حبيبي للي مايرضاش يزعلني قداش نحبك ياعلاء.
انا: وتعرفي اني نعشقك ونموت فيك غير فكينا من سيرة ياسين وأميرة.
بيلسان : لالا معاش يهموني توا 😎.
طبعا مشت امي وعجبتها امها وبيلسان خشت خاطرها اعطيت فيها الكلمة.
وبعد خمسة شهور تغير وضعي المادي وليت تاجر سيارات تسربت الأمور عندي .
وفي يوم كنت في السوق اتصلت بيا بيلسان
تبكي.
انا:خيرك شن فيك علاش تبكي.
بيلسان :😭😭 فضيحة ياعلاء للي صاير
ياحليلي كيف بنشوف للناس شن بنقول .
انا: شن تقولي فهميني راني نحس في رأسي وقف .
.......تفاعلوا 😈 راني نضايقك بسرعة وليت 😁.
