فصليه لاعب ☆♡

بارت {2} ... 🥀💔

2020/18/4
.
. للكاتبه ... زهراء جندي 🌿💖
.
.الحياه بسيطه لكن نحن من نعقدها 🌸🍃
.
.
.اسماء:- رجعت بسرعه بدلت ملابسي واخذت شور (حمام) سريع وبدلت ونزلت ...كعدت يم ميار وسمينه واكلنا ... فجأه بابا فتح موضوع زواج احمد ...

الاب:- ابني احمد لازم تتزوج انت كبرت وبت عمك هم كبرت ...

احمد :- ذبيت الخاشوكه (ملعقه) وكتله ابويه اني احسب دموع (بت عمه) مثل اختي وحالها حال سمسم وميار ...

الاب:- شنوو شنو تحسبها اختك لك احنا متفقين وياهم هيه الك من الصغر وانت نهيت عليها (حجزتها)...

احمد :- ابويه ارجوك لاتكبر الموضوع اني مااريدها احسبها مثل اختي اكو اكثر من هيج

الاب:- احمد تعصي كلامي موو اياا حسافه !!

احمد :- لا ابويه مو هيج قصدي ماقصدي اعصيلك كلمه بس ردت اوضح شغله اني ودموع ما النا نصيب لهنا واقفلو الموضوع ...

الاب :- احمد اذا ماتزوجت دموع لا اني ابوك ولا انت ابني واتبره منك (بلا ميباوعله)..

احمد:- كمت من السفره واخذ سويج السياره وطلعت ...

اسماء :- امي صاحت وره احمد وكالت لابويه عاجبك موو عاجبك تغصب ولد على بنت يحسبها مثل اخته...

الاب:- شيرين (اسم الام) ارجوج لاتتدخلين البنيه كطعنا قسمتها ونهة عليها بعد وعيب كدام ابوها واهلها يرفضها ...

الام :- يرفضها ميرفضها هذا القرار يم احمد هوه راح يعيش حياته وهوه حر بيها ... وانبهك بشغله اذا غصبتو احمد على شي ميريده المشاكل راح تصير اعلا من راسك وكول شيرين كالت ... وكامت للغرفه ...

اسماء :- ابويه كال لحسن يروح وره احمد لايسوي شي ...

كملنا اكل ولمينا المواعين عن السفره واني اغسلهم وميار ترتب المطبخ ... كلمن راح لغرفته واني رحت نمت ....
.
.
.
.في مكان اخر ...

عباس :- رجعت للغرفه ولكيت انهار مخلصه لم الجنطه وكاعده على تلفوني ... (حبيت اخبث شوي😜) ... فززتها وسويت شكلي معصب ... انتي شلون تفتحين تلفوني وحدج بدون اذني ... شكم مره كتلح بطلي هالسوالف ...

انهار :- هاي شبيك هسه قحط تلفون والله يالله ... شمرته عالجربايه وطلعت تضحك ...

اخذته وضليت اكلب شويه بي واجاني اتصال خلاني اتصنم بمكاني ....
.
.
.
.في مكان اخر ... 🍃

فزيت على صوت عياط اي اي هذا صوت امي بس ليش دتصيح خوفتني ... نزلت واني ماعرف شنو اسوي ... نزلت وهديت ماما اني وميار ومنعرف شنو بيها ... دخل بابا وكال .. اففف هسه شصارلي اني لو ساكت وتاركه بالي يعجبه كان مصار هيج شي ... واخذ جنسيته ومستمسكات وفلوس واجه عليه عمو وراحو ... وبعدين يالله عرفت بانو احمد دعم ولد بالطريق ....
.
.
.
.في مكان اخر 🌾

عباس :- جمدت بمكاني بعدين ستجمعت الي باقي من تركيزي وطلعت ... ركبت سيارتي واني بالطريق اتصلت على علي (علي اكثر من صديق اليه واحسه سند واخ اليه ) كتله بكل الي صار وانطيته اسم المستشفى وحيلاكيني هناك .... وصلت وسالت عن غرفه المريض  ... غرفه (23) مشيت وحسيت رجليه ثكلن وصلت وشفت منضر ممتوقع اشوفه بعمري ... حسين نايم عالسديه ووجها ميتفسر من الجروح متحملت طلت بره بعد ماكدر اتنفس احس انكطع عني النفس ....
.
.
.وصل علي وشاف الي شفته والصدمه ملت وجها ...

عباس :- حيدخلو عمليه عاجله عنده نزيف بالدماغ وحالته ميؤس منها ... تجمع الكل بالمستشفى ... واجو اهل الولد الي دعم حسين ... والولد هم تعبان وعندن رض بايده وكسر برجله ...

طلع الدكتور ووجها ميتفسر عرفت بانو حسين خلاص توفه ... وكال الي كاله وطلع ... اخذنا الجثه وقمنا بالواجب ومرت ٣ ايام عالفاتحه ... واليوم اهل الولد يجون النا ونتفق على فصل ...
.
.
.
.في مكان اخر 🌱

اسماء :- بعد معرفنا بانو الولد مات تخبلت امي واغمى عليها وفد ٥ دقايق وصحت وكانت كلش تعبانه ... وعرفنا بحاله احمد هم الي قلقنا اكثر هوه سكوت اهل الولد لان حسيت وره هذا السكوت عاصفه ... مرت ال٣ ايام وراح بابا وناس من عشيرتنا لاهل الولد ويتفقون عالفصل هم ...
.
.
.
.
.في مكان اخر ...🍀

عباس :- اجو اهل الولد يمنا بالبيت واتفقنا عالفصل انو يكون "80" مليون لان الولد كان طالب كليه وبعده ببدايه شبابه ... بس الي خرب الموضوع هوه عمي ... يريد فصليه منهم وكال مثل ما انتو اخذتو روح عزيزه منا احنا هم نريد نلوعكم ونحسسكم بالي فكدنا موش طير دجاج (لعد شكد تافه😁) ... اهل الولد عاندو ومرضو ينطون بتهم ... ولو اني منهم هم مرضيت شبيدهم على قسمه ربهم ... وبعدني رافض الموضوع ... ضلو يعاندون حد ما طفر واحد من العشير كال ....
.
.
.
.
.في مكان اخر ... 🦋

كللش خايفين على احمد بس مع ذاك هدينا ماما ولا كأنه صاير شي حتى منخوفها ونستقبل الموضوع برحابه صدر (مع انو كلش خايفين من قرار اهل الولد) ...

اسماء :- شوي وسمعنا بيهم اجو امي بسرعه راحت تستفسر منه على الي صار وكانو ساكتين وهادئين هدوء مو طبيعي ومحجو شي ...

اسماء :- صبينا عشا اني وماما وميار للضيوف الي راحو وياهم خلصنا واكلو الكل وبعدها لمينا المواعين وصبينا جاي ... واني صعدت لغرفتي فوك ودافكر شنو طلبو من بابا معقوله بعد هالهدوء ميطلع منهم شي ... فززتني ميار وهيه تتدخل للغرف وتناديلي ...

ميار :- سمسم كومي بابا يصيحج جوه يكول تلبس حجاب وتنزل ... خفت وقلبي قبضني ...

نزلت والكل عيونهم عليه ويباوعولي بالشفقه ...

الاب :- بنتي اسماء ....... ♤♤♤

☆☆☆☆☆☆☆☆☆☆☆☆☆☆

هلاوو حبايبي شلونكم طبعا هالبارت اريد اقدمه كهديه لصديقاتي .... {S_Y_S_A_T_k_F_Z_Z_k_A_M}
Love you بيبيز 🥰🥰

لاتنسون تدعموني بالتصويت واي شي تخربطون بي اتركوليا بالكومنت اجاوب عالكل
.
.
. طبعا انزل تنزيل يومي كل يوم وره الفطور..
🌸💖🥰🥰