last summer (Taekook Lovers)

#20

✨✨
Jungkook

---

Dari hari entu, seabis pertemuan si Jajang sama si Jujun.
di rumah nya si Maman...

Si Maman kagak pernah tau ama kagak pernah nyangka. Kalo hari entu... bakalan jadi hari terakhir, si Jajang maen ke rumah dia. Di masa-masa liburan sekolah, mereka ini.

Si Maman inget banget, kalimat terakhir yang di ucapin si Jajang sebelum dia pamit pulang dari rumahnya si Maman.
hari entu...

--

"Man... abang serius... sayang sama Maman."
Kata si Jajang sebelum dia ngajakin si Maman keluar dari kamarnya.

Si Maman malah cengo, kagak ngarti kenapa si Jajang tiba-tiba ngomong kek gitu.
"Hmmh?." Si Maman ngedehem dikit,  sambil miringin palanya lucu banget. Ampe ngebuat si Jajang kagak tahan buat nyubit pipinya si Maman, saking gemesnya. Terus ngusap-ngusap palanya si Maman, sambil senyum.
Yang di elus juga, diem-diem bae malah ke enakan.
Pengennya mah, sambil endusel kali di dada nya si jajang.

Kek emang di sengaja, si Jajang pengen ngeliatin adegan romantis ini... buat seseorang. Terus sengaja juga dia ngomong, rada di kencengin, tadi. Biar bisa di denger ama entu orang, yang juga ada di kamarnya si Maman.
Yaitu si Jujun, yang udah dari tadi terus ngeliatin si Jajang, pake tatapan sinis ala pemeran antagonis di sinetron azab.

Tanpa rasa curiga sekete pun, akhirnya si Maman ngijinin si Jajang pulang. Bahkan, si Jajang kagak sempet nyeruput minuman dingin yang di bikinin ama di bawain si Maman dari dapur tadi.
Si Maman pasrah ajah pas si Jajang bilang... kalo si Ujo sama si Mimin, mau pada maen ke rumahnya.

Tapi boong.
Batin si Jajang.

--

Dari situ... kagak tau kenapa,
si Jajang, kagak lagi ngehubungin si Maman. Bahkan, chat nya si Maman malem nya... Bukannya di baca, malah di anggur. Telepon juga, kagak di angkat-angkat.
Kagak tau apa sebabnya.

Tapi...
kecurigaan si Maman sih langsung ke tuju ama si Jujun.
Soal nya kan si Jajang tiba-tiba ngomong kek gitu...
pas si Maman udah ninggalin mereka ngobrol bedua ajah, Dalem kamar.

Jadi bisa ajah si Jujun udah ngomong yang enggak-enggak ama si Jajang.
pikir si Maman.
Bikin ati si Maman makin kagak tenang aja. Terus ngebuat pikirannya jadi kagak karu-karuan lagi.

Di tambah... kata-kata terakhirnya si Jajang entu, yang terus-terusan muter di otak nya si Maman. Bikin dia tambah khawatir Ajah, sama nasib hubungan mereka.

Karna entu, si Maman ngeinterogasi si Jujun. Nanya terus dan terus nanya...
Ampe sempet si Maman kasarin, biar si Jujun ngejawab jujur, semua pertanyaan nya si Maman.
Tapi nihil.
Si Jujun tetep ajah, kagak mau ngaku kalo dia udah ngomong macem-macem sama si Jajang.

Sehari...
Dua hari...
Tiga hari...

Si Maman, cuma bisa mantau aktivitas si Jajang lewat balkon kamar dia, yang kebetulan ngadep langsung ke kamar nya si Jajang.
Walau mesti rada ke pinggir sih,
Terus ngeliat nya juga rada miring ke samping, kagak begitu jelas pula.
Tapi...
Si Maman setia ajah, ngeliatin itu jendela kamar nya si Jajang.
siapa tau ajah sewaktu-waktu kebuka.
Kek seperti biasa cara mereka saling nyapa dulu.
Pikir si Maman.

Si Maman bisa ajah nemuin si Jajang ke rumah nya. Buat nanya langsung sama orang nya.
dia itu kenapa?.
Terus ...
Sebenernya ada apa?.
Salah dia dimana?.
tapi si Maman kagak berani.
Karna emang dasar anak nya rada pendiem, sama rada pemalu dikit.
Jadi dari dulu, si Maman kagak pernah ujug-ujug maen ke rumah nya si Jajang, tanpa di undang dulu sama yang punya rumah.