بنات ابليس

بنات ابليس ~ الجزء الخامس

#بنات_إبليس 5 (حقيقيه)بدون اضافات خيال

محمد :حس بي شي غريب علي فمه !ومانت عيونه ثقييييله ميقدرش يفتحهم كأن حد يبوس فيه بدلع!!سكر عيونه وعارد فتحهم ...ناض بسرعه من مكانه شاف يمين يسار مكانش فيه حد غير زهره راقده ...مسح فمه بيده وهوا يقنع في روحه ان كان يحلم لا اكتر !!
شاف جنبه زهره كانت راقده زي الملاك وشعرها نازل علي خدودها❤️..بس الصدمه انها كانت لابسه بجامة شيماء😨!
زهره:تحركت بكسل وهيا راقده ..فتحت عيونها شوي ...محمد ؟خيرك نايض!
محمد:يشوف للبجامه بتوتر...ها؟لا شي نضت عتشان
زهره:قعمزت ع السرير تلم في شعرها..وقت شيشة جنى
محمد:يمسح في وجها بتوتر !...
زهره:ركزت في روحها شن لابسه وشافت للارض كان قفطانها امزق طروف طروف ويلي علي جسمها بيجامة اختها الميته
محمد:شاف للارض وقعد يستنا في رد من زهره علي الشي يلي شافه؟
زهره:جتها حاله هلع بدت تبكي وتنحي في البجامه ومحمد يهدي فيها بس كانت زهره في عالم تاااااني
زهره:مسكت في محمد بيدين يرعشو ...بتتكلم لاكن صوتها هرب!
محمد:ماسكها وكانت شبه عريانه لانها نحت البجامه بخوف ....اهدي مفيه شي مصار شي اهدي
زهره:بصوت يرجف ومتقطع...مستحيل نقعد هنايا محمد يلي قاعد يصير يخوف هلبا!!
محمد:ساكت مش عارف شنو بيرد عليها
زهره:بدت تبكي وحضناته ومحمد بتردد كبير اخيرا لف يديه عليها ❤️

________________

ساره:تإن بي اسم حازم ومسكره عيونها ومره مره تنزل دمعه منها
سيف:خش لغرفة المشفى وسكر الباب....ساره ساااره
ساره:ناضت وكانت الرؤيه عندها مش واضحه من اثر المخدر يلي خداته
سيف:اسمعي الخبر مني انا خير من حد تاني
ساره:تتكلم بتعب ...اقلب عليا وجهك خير  منفضحك ونقلب الدنيا عليك ياواطي الله لاتربحك حقيرررر م....
سيف:مسكها من فمها ...اليوم وصلنا خلر حبيب القلب قتلوه هوا والولد يلي معاه ودفنوهم في مكان مش معروف يعني انسيه ...شفتي كيف ؟كان من البدايه مقمتيش عليا خشمك كان حالك اخسن من هكي ...توا حازم بححححح وانتي مش بنت يعني انسي فكرة الزواج من راسك نهاااائياا
ساره:ماسكه راسها بيديها تحاول تستوعب الصدمات يلي تسمع فيهم في جرت بعض !
سيف:وزيدي حاولي تحطي راسك براسي ...طلع سيف من الغرفه ومخلي وراه عياط ساره يلي عبى المشفى لين صوتها هرب 💔

________________
الدكتوره:وسيف كان يكذب او يحكي جد،؟
البنت:يحكي جد وصل الخبر هاذا في الليل متأخر
الدكتوره:به كيف عرفو من حكالهم ؟وبعدين كيف مش عارفين حازم وين مدفون ؟
البنت:كان فيه تاجر خضراء مار من الطريق شاف عصابه هجمت علي حازم ويلي معاه ضربوهم برصاص وحطوهم في الكوفيني ميتين وبعدين خنبو كل شي موجود في السياره
الدكتوره:مسكينه ساره...بس مزال عقلي شغال نبي نعرف انتي من تكوني؟يعني انتي هنايا بتهمة قتل شيماء انتي منال ولا منو فيهم؟
البنت:ضحكت ع جنب بي فمها الجااف المشقق...وانتي ليش مستعجله؟مرات انا قاعده مطلعتش في القصه كلها!
الدكتوره:بلعت ريقها بخوف....كملي !