لينا دليته لبيت صديقتي بدون حته مااباوع شكله للولد لان مالي خللك كلش ضايجه من اللي سواه مهيمن وقررت بعد مالي دخل بيه نهائيا وحته من يجون بعد اقلل علاقتي كلش لحد تنقطع ويااا احسن حل
وكلت لصديقتي تدلي السايق لبقيه البنات لان مااندل
وكضيت اليوم كله حته ماافتهمت شي
صح اني نسيت اكوللكم شغله اني بيه فوبيا من قرب الرجال مني واضوج كلششش اضوج من رجال يتقرب ومااحب احد يلمسني 🤬😡🤬هاي الحاله اموت منه لذلك اني مامخليه احد يطخني او يلمسني اموت ولايصير هذا الشي المهم
مشت الايام وفعلا هذا ابو الخط ولد حباب وخلوق وملتزم وماشفنه منه العيبه وابد ميباوع بالمرايه مثل البقيه
اما علاقتي بمهيمن فكلش قلت
كلما يجون بيت عمي هو ميجي لو مرات من يجي اسلم واتحجج بشي وادخل اقره
مهيمن هاي الفتره اني كلش ضجت من تصرف لينا مااعرف شبيه اني ليش هيه شاغله كل تفكيري حته كلما اهلي يرحون اتحجج ومااروح ومن همه يجونه هي متجي
وحته اهلي ميحسون مرات اروح ومن اروح هيه تسلم وتتحج بشي ادري بيه علمود متكعد ويانه بس اني خلال هاي الفتره كلش اشتاقتله وردت فرصه اوضح هل الشي
ماكو مااكدر لان اهله واهلي وهسه عبالهم اكو شي اذا احجي كدامهم مستحيل اخليه بهيج موقف ومرت شهرين على هاي الوضعيه واني اشتعل شوق اله يجوز يمكن لان تعودت عليه من هيه وصغيره اني وياها مناكر ومانتراهم اني اكثر اخوتي هيج علاقتي بيه اشتاقتله من صدك مااتوقعت فد يوم هيج اكول يمكن لان ماعدي اخت وهيه جانت سادتلي هل الشي
وبعد مده قرر اخوي يزوج لان هو خاطب وخطيه امي ماعده بنيه اساعده وهيه عده اخت بس خالتي كبيره وماعده بنات
كلش انقهرت عليه بس مرت عمي الله يوفقه كلتله كلشي تحتاجين اني موجوده ولينا ولينا اعتبريه مثل بتج نجي ونساعدج مرت عمي كلش مرحه وحبابه والكل يحبه خطيه مرت اخوي الكبير اجوي بس حامل بشهر ال٧ وتهمهم على الشغل بس بطنهن جبيره متكدر هيه حبابه ورده
خطيه تجي مرت عمي ولينا كامو للبيت واجنه هم مشغولين نطب ونطلع واشوف لينا تشتغل ويه امي وضحكهن وسوالفهن تارس البيت تمنيت بذيج اللحظه صدك عدي اخت لو لينا تكون صدك اختي 🥺من شفت منظر امي وفرحانه وجهال اخويه يركصون واغاني كلش حبيت اللمه مالتنه لان احنه بس ولد بالبيت اني واخويه واحنه ولد اغلب وكتنه بره ماعدنه احد بالبيت مثل اخت تونسنه ونضل نضحك وياها لذلك ابويه دائما يروح لبيت عمي ويحب البنات ويموت على بت عمي يتونس يمهم ويشوف لينا ويجي يموت عليه وهيه هم تحبه
اطب اسلم هيه ترد السلام وتبقه تشتغل ردت اضوجه مااتوب اني 😂🙄كتله عمه على ام لينا اقصد ميخالف لينا تنظف غرفتي ولو راح اتعبكم وهذا فضلكم ماانساه لان صارت سوق هرج واني مااعرف انضفه 😂وامي خطيه متكدر تصعد فوك
مرت عمي صدك جذب عمه من عيوني واذا تريد اني انظفه الك
لا عمه لينا اخيتي موجوده شتكولين لينا
مهيمن احس لينا راح تنفجر وجه مبين عصب
لينا عمي سولفولنه على عرس ابنه واني فرحت لان اموت على الاعراس وخطيه ندري مرت عمي وحده ماعده بنيه واخته جبيره مو مال اساعده
امي كلتله بعيوني اني ولينا وياج ونساعدج وطبعا اني احب مرت ابن عمي الجبير حبابه ومحبوبه وصايلي هواي مشايفته وكالوا حاملوا
وراح يجون اني ويه ماما انروح نساعدهم وجهال اخوه فدوه شكبرهم وشلون حلوين وهمه جهال عمي سبورتين بس يذبون نكات ويضحكون وعالكين اغاني واني اروح للدروس ومن ارجع كبل لبيت عمي متونسه حيل بالعرس
مره جنه كاعدين نتعشه وجان يكول مهيمن اريده تنظف غرفتي ظليت صافنه وضجت اتذكرت تصرفاته وحركاته واكيد هاي هم وحده منهن 🤬🤬
امي كالت الحجي الفوك
لينا صدك جذب تدلل اخويه مهيمن لعد قابل المن تكول اني اخيتك موجوده
مرت عمي ولك انته ماتستحي عيب اني هسه اصعد عود اني انظفه
مهيمن لا يمه مثل مكالت لينا شعدي غيره هيه اختي 😂العوبه قصدي الحبابه هسه اذا دبرته اذا انتو سويتوا غرفتي مخزن عبالك اني العريس كلشي ظميتوا بغرفتي لعبت نفسي
الكل 😂😂
لينا ها اذا دبرته عشتو دولي والله ولا اسويه عناد بيك😠
مهيمن اي لان حته هاي متعرفيه
لينا لا اعرف وهسه اراويك 😎
رحت لغرفته طبيت وهمه كلهم بالخطار وشفته يعني زينه مابيه شي بس وخرت الشرشف وصعدت الدشداشه وسديت الباب وخرت الشراشف غيرتهن وصفطت الغراض اللي خاليهن بغرفته على صفحه لان صدك عبالك مخزن صاير واخذت امسح بالاثاث غراضه حلو محطوطه على الميز وصورته جانت حلوه اللي خاله على الميز ديكوره غريب واللقطه حلوه
شلته دااباوع بيه كلت اريد اسوي مثله مالته الاطار خشب وصايره على شكل كبسوله والدوه اللي بنصه صورته كلش غريبه بقيت صافنه ونسيت الدنيه اريد اعرف شلون دخلو الصوره احب اعرف كلشي ظليت اكلب بيه اريد بس اعرف انفصلت عن العالم اخذني الواهس
مهيمن هيه راحت واحنه ظلينه كاعدين بالخطار اريد اروحله بس مااريد الفت نظر
صارت مده من راحت وهمه كلهم ملتهين بالحجي اني اخذت الفرصه ورحت على كيفي فتحت الباب لان صنطه شفته منطيه ظهره للباب والفراش حلو ومصفطه الغراض وكانت الدشداشه مرفوعه فدوه لله شلون رجلين ياربي والله مو بيدي شسوي😍 لا مهيمن هاي شبيك عيب بت عمك شرفه من شرفك وعرضه عرضك اعوذ بالله ربي وشفته شايله صورتي وتفر بيه
مهيمن ادري حلو بس مو هلدرجه بحيث صايلي ساعه واكف ومامنتبه
لينا من سمعته يبوه كشت نفسي 😨🤭اخترعت بس مااحب ابين ضعيفه التفتت وكتله عشتوا حلو ديله عيني على كيفك مهند والله ماصفنت علمود جمالك حبيت تصميم الصوره وردت اعرف شلون دخلت الصوره
مهيمن اي عادي هسه اكلج بديت اتقرب منه
لينا من بده يتقرب علمود يعلمني شلون اني مااعرف شبيه كلبي يدك واحسه يريد يطلع ورجليه متشيلني بعد اخاف من شخص غريب غير ابويه واخويه يتقرب مني مااحب هل الشي اموت منه اصلا اني مااحب الرجاجيل احس ماعدهم مشاعر ولا حنيه ابويه جان حنين ويايه بس ماجنت اعتقد اكو احد راح يصير حنين عليه مثله كتله هو من صار قريب اخذه وبقه قريب عليه ويحجي كتله اي هاك وبعدت منه
مهيمن تعجبت من تصرفه لينا انتي صدك هيج اتفكرين بيه واني عيني كلسع تروح لرجليه
لينا يحجي وياي وعينه كلسع تروح لرجليه اني نسيت خرب راسا نزلت الدشداشه كتله شفكر
مهيمن ليش من قربت اريد اعلمج عليه ابتعدتي تخافين مني ؟اني ابن عمج
لينا اي من تصرفاتك ماعدي ثقه بيك بعد
مهيمن خوش لعد واني اصلا كتلج اتنظفين الغرفه علمود هذا الشي ردت اوضح سوء فهمج اني بذاك اليوم ردت اشاقه وياج وحاسبج اختي وابوسج جنت رايد من راسج دائما اتمنه عدي اخت وردت اجرب هل الشعور مال الاخوه. وياج من الاخ ويه اخته صح مناكرنه اني وياج بس اني احب هذا المناكر واني مااكدر اذا مااشوفج انتي اختي اللي مو من امي تدرين انتي من صايرركلكم كم يوم تمنيت انتي اختي امي جابته علمود تبقين للابد من شفت ضحكاتكم ويه امي تمنيتج اختي تدرين ليش دائما اني اجيكم لان انتي تونسيني بيتنه ماادخله هواي تدرين ليش لان ماكو احد يسوي هوسه بيه احنه بس ولد تدرين اني من انتي تجين لحد هسه تساعدين امي اني احس البيت راح يطك من الساعده ماحبيت بيتنه بكد هاي الايام
لينا اني من سمعت حجيه وظلت عيوني بس ابجي حسيت اشكد اني ليمه هو شلون يحبني ويعزني واني اريد بس اطلع اكثر منه😭صدك اني نحيسه قهرني كلامه موتني(واني اصلا حنينه وكلبي مو عليه عطوفه اني من اشوف اي شخص يتألم لا ارادي عيوني تظل تكت لا عاطفيه كلش لابعد حد وهذا الشي اضوج منه لان يخليني ابجي باي مكان من اشوف شخص فقير او محتاج او احد ابوه متوفي مااممتلك نفسي صح الرحمه والعطف رحمه من ربك بس اني كلش كلبي مو عليه )
