المهم خلص العرس. ورجعنه
لينا اول مارجعت بدلت هدومي ورحت نمت
بس جذب انا انتظرت اهلي ينامون علمود اكعد ابجي شفت البيت صار هدوء وكعدت ابجي مااعرف ليش هو بهذا تصرفه خلاني بحاله ماعرفته اني ماانكر حبيت اللحظه وياه واقشعر بدني كله منه 😞😔😞 بس بنفس الوقت كرهته لان نظراته الي اختلفن عن قبل الحين نظراته عدي اله غير تفسير
مهيمن رحت للبيت الليل كله مانمت افكر بيه 💔🥺
لينا الليل كله ابجي مااعرف شبيني متت من القهر احس مخنوكه 😭😭😭بس بعدين كلت لنفسي انتي ماسويتي شي لتكسرين نفسسسج هو يريد يكسرج كومي واتقوي اهم شي شهادتج ولعد مالي علاقه بي رحت غسلت. وجهي بعدين سمعت اذان الفجر الصراحه مااصلي اني بس عدي ايمان كبير واعرف غلط منصلي انصح اي شخص ليبتعد عن الصلاه كمت اتوضيت وصليت وبجيت على الصلاه وقريت قرآن وكلت يارب ابعد عني مهيمن ولتخليني افكر بي وباللي سواه يارب خليني اركز بدراستي وبسس
ورحت نمت
مهيمن ظليت الليل كله كاعد مانايم ومااكدر انام
لينا حسيت الصبح امي تكعد بيه لينا يله راح يجون العرسان كومي
لينا يمه مابيه روحي مااروح
ام لينا ليش كومي كومي معقوله هاي انتي خاف بعدج نايمه دا اكلج رايحه
لينا بكلبي يمه مااريد اشوف مهيمن بس بعدين لا والله خلي اراوي لينا شنو اي اي كمت يمه عزززه هاي شنو دااحجي اني اوكفي خلي ابدل
ورحت ابدل
ام لينا يله لعد استعجلي
مهيمن للصبح منايم كعدت بالحديقه ساعه ب6 وخلصت باكيت جكاير على الرغم انا ابد مااحب ادخن بس هيج مرات ويه اصدقائي وحده. هاهيه بس اليوم نسيت روحي وماادري بعدين كلت لا ابويه يشوفهن ويزعل شلتهن وذبيتهن بالزبل ورحت اغسل علمود ماكو ريحه وسمعت اهلي كعدوا
طلعت من الحمام وبدلت ونزلت لان راح يجي اخويه فشله منه وانا البارحه دلغمت بعرسه
صباح الخير
الكل صباح النور
شلونكم
الكل زينين
ام مهيمن يمه يوم الك انشالله وتنزل عليه من فوك عريس
الكل امين انشالله
مهيمن يمه بعد وكت هل الحجي خلي نتريك هسه
الكل 😂😂😂شنو يعني وره الريوك تتزوج
مهيمن اني مالي خلكهم
مهيمن لا والله مو وره الريوك ولاحته بعد سنين مااتزوج
يااا ليش يمه
سيف يمه لا يشاقه اشلون ماازوجه واخليه يتعذب مثلي 😂
اصاله يعني شنو هسه اني معذبتك احجي احجي همزين طلع الحجي
سيف الله يطيح حظك مهيمن شوف سويت خليتني احجي ورحت بيه 😂😂😂😂
الكل 😂😂😂😂😂😂
اي شوكت يجون علمود اجيب الكصاب يذبح خروف . الهم
خلي اخابرهم
ام مهيمن هله يمه صباحيه خير انشالله شلونكم اخباركم شوكت تجون
خير انشالله توصلون بالسلامه يله عيني باي
انشالله لل١١هنا
تمام يله هم ياله يله سيف
راح سيف ومهيمن يجيبون الكصاب والطلي
لينا كملت ورحنه لبيت عمي واحنه رايحين جان دا يطلع مهيمن وسيف سويت نفسي ولا مهتمه همه ها صباح خير نورتوا امي هله يمه بنوركم شلونكم شخبار العرسان
سيف بخير باجي انشالله فد ساعه يمنه ورايحين نجيب الكصاب وخروف
خوش انشالله
لينا واني اباوع على حجي سيف ولا انتبهت ل مهيمن ابد
ام لينا يله روحوا لعد لا تتأخرون
واحنه دخلنه جوه لكيت اصاله ومرت عمو وعمو بوستهم وكلت لاصاله خلي نعلك ديجي وننضف الصاله لان اكيد راح يجون
رحت للصاله اني وياها وامي ومرت عمي بالمطبخ علكنه اغاني ساجده هذا الحلو سكن بالروح 😂😂💃💃💃💃🏻💃🏻💃🏻💃🏻💃🏻 متنه ضحك هيه تمسح الغراض واني انظف مكانسه كهربائيه وطبعا وياه ركص
اي كملنه اجه مهيمن والكصاي وسيف وبابا وعمو وعمو الثاني وننتظر العرسان
واني بالمطبخ.وياهم دخل مهيمن هاي شوو تأخروا
ام مهيمن على جيه يمه
مهيمن اباوعله وهيه مدايره بال اني ادري
لينا سويت نفسي ممهتمه واحجي ويه اصاله
المهم اجوي وذبحنه خروف وهوس شويه وبعدين ظلينه وتغدينه
وكلشي عادي وسوالف واني اضحك ومو يمهم مامهتمه
المهم مرت فتره من الزواج بعد مارحت لبيت عمي واني هم دراسه ومدرسسسه وملتهيه بس امي راحت اطمنت عليهم وهلى العروس واصاله وسيف رجعوا لبيتهم
المهم وره فتره شهرين هيج جان طبعا عمي يجينه
اجوي بيت عمي همه والعروس وكلهم يوم خميس ابوي عزمهم على العشه بدلت كلبيه
وهاي وهمه دخلوا سلمت عليهم العروس محبوبه اسمه مريم وكالت والله حبيتج ماهلكد يحجون بيج
كتله تسلمين حبيبتي ❤️😍بس عاد يحجون عليه يمدحوني 😂😂😂
مريم لا طبعا نمدحج ويسولفولي على المناكر مالتج ومالت مهيمن
لينا اي عادي بين كل اخوه هيج يصير
طبعا مهيمن من طب كال السلام عليكم اني رديت هلو حته فشله من اهلي شيكولون
لينا اي عمو اليوم تاكل من جوه اديه😂🙏🏻☺️
مهيمن وخالد لا يمعود انخاف عليك لا تسمم
عمو عادي حتلو سم اكله بدام من جوه اديه 😎
لينا تسلم عمو بوم خوش بوري 😎😎😎😂💃🏻
المهم اي شلونه عروستنه
مريم اسكتي يمعوده ياعروسه خلص بعد
لينا 😂😂😂لا بعدج عروسه المهم تعودتي
قصدتي اتعودتي على خبالات اللي عدج
😂😂😂😂
مريم 😂😂😂😂😂لا عيني مااسمحلج رجلي عوفيه
المهم كملنه وخلصنه وبعده اني امتحانات ونسيت الدنيه ومااهتميت
اجه اربعين الامام حسين ع احنه عدنه عاده نكوم نطبخ كل كرايبنه واحنه نروح نساعدهم وتصير عطله واني البس اسود فبيتخالي يطبخون قيمه وتمن 5جدوره تمن و5جدوره قيمه ونروح نساعدهم
لبست كلابيه سوده طويله ورحنه لان ولد خالي وخالتي واكيد كرايبهم عيب
المهم رحنه وسلمنه عليهم وكعدنه نطبخ بالمرك وصارت العشه سوينه عشه للناس الموجده اللي تخدم ابو فاضل والبنات الجوارين كلهم موجودين وها طبعا هذا بيت خالي ابو ازهر
صبينه عشه ولمينه الاماعين وغسلت اماعين اني والبنات المهم صارت ب10 صاحتني اخت ازهر يسرى كالت لينا فدوه تعالي وياي فوك ننزل الجدر والبريمز كتله من عيوني رحت لان غرفته فوك وغرفت ازهر والطابق الثالث خاص بااخوه مزوج المهم رحت اشو كالت تعالي دخلتني للغرفه مالته كالت فدوه اطلب منج طلب كتله ادللي اخوي ازهر يريد يحاجيج لاترديني واني واكفه بالباب كتله ليش شيريد خو مابي شي
كالت لا بس يريد يحاجيج كتله زين ليش اطلعين انتي اخته مو غريب ابقي
كالت طلبتج اسمعي كتله تمام خلي انشوف
بس لاتسدين الباب كالت ميخالف
اشو بس طلعت هو طب 🤭
ازهر هلو شلونج
لينا حمدلله انته شلونك اخبارك الله يساعدكم طبعا على الشغل ومأجورين انشالله
تسلمين
كول كالت يسرى تريد تحاجيني كول شرايد امرني
ازهر مايأمر عليج ظالم
بس ممكن احجي وتسمعيني للنهايه ومتقاطعيني لو سمحت
لينا اتفضل
ازهر لينا انتي عزيزه علي والله واني معجب بيج من زمان واتمنى تفهمين قصدي مو غلط واريدج ادرسين زين وتتخرجين لان تعبت من الانتظار والله اني احبج ورايدج
بس اريدج تكملين بس اريد اعترفلج بهل الشي انشالله تتفهميني
واني مراح ااثر عليج ابد اخليج تكملين وادرسين واذا تردين انتظرج لحد ماتتخرجين من الكليه اني انتظرتج كل هلي الفتره اكدر انتظرج بعد لان احبج
باعي اعرف مو وكته بس مااكدر احاجيج غير وكت واني مااحب تجي عليج حجايه بسببي
لينا ازهر هذا حجيك كله على عيني وراسي واني اشكرك كلش لان انته اختاريتني لتحبني هيج حب بس اسفه اني مااكدر وحياتي لسه ماباديه اني توني راح امتحن سادس وراي دراسه كومه وهيج مااكدر اظلمك انشالله تلكه البنت اللي تشاركك بالحب واحسن مني ويبقه حبك الي وخوفك خوف وحب الاخ
واسفه بس هذا الموضوع اني شايلته من بالي واسفه اعرف الكلام مالتي جرحك بس لا تتأمل بيه
وردت اطلع كمش ايدي
ازهر 😡انتي متردين الزواج لو اني الماريدته
لينا حشه. والله رجال وكفو منك وعلى راسي بس مو اني الانسانه اللي تكمل حياتك وياها
ازهر كللي ليش شبيه اني ومتكمليه انتي
لينا ازهر هيه مو شغله اني. او غيري اني بعدني توني مااريد زواج هذا مسوؤليه وانته بنظرني اخوي الثاني رجاءاً سد الموضوع
لا مراح اسده يعني لو يجي ابن عمج هسه ويخطبج هم تردي
لينا 🤬😡طبعا ارده ليش شنو فرقك او فرقه عنك اثنينكم اخواني ليش اشايفني
ازهر انتي متدرين نظارته الج بعرس اخوه مو نظرات كأخووو
لينا جريت ايدي وكتله هذا احساسك غلط لا عبالك كل الناس هيج مو كلمن يشوف الناس بعين طبعه يجوز انته نظرتك غير
وطلعت وشفت اخته بالباب ماحاجيته ونزلت
ورحت يم البنات اشتغل
