في الصباح يستيقظ ليث من النوم ويأخد شاور وينزل
ليث:ايه دا هو لسا هنا ولا ايه نور المكتب منور ليه
يفتح الباب ببطئ ليجد والده نائم
ليث:دا اتأخر علي الشغل
اقترب منهو في هدووووء تام
وبهمس:بابا قوم يلا علشان الشغل
بابا
بابا
بابا
الصدمه الجمت لسانه:بابا انا خفت قوم يلااااا
يا بابا في ايه يا حاج عمرك ما نمت كدا هوا انت مبتتحركش ليه بابا لو سمعت قووووم
بدموع يهز فيه ولا يوجد استجابه لقد فقد والده هو يحبهو ليث بإنهيااار:ارجوم قوم انا سامحتك يا بابا علشان خاطري قومم هشتغل مدير الشركه واستريح انتا يا سيدي بس قوووووم باااااااااااابااااااا لالالالالالا
دخل في حاله هستيريه مسك الهاتف واتصل بخاطر بدموع:خاطر الحقني بابا مبيردش عليا الحقني ابوس ايدك
خاطر:ليث اهدا في ايه
ليث بصوت مخنوق من البكاء:بابا
وفقد الوعي من الصدمه
خاطر:الو ليث ليث
...................................................
خاطر وهوا في السيارة
خاطر:رد يا تامر
تامر:عايز ايه غلي الصبح
خاطر:اطلع بسرعه علي فيلا ليث اغم عليه وكان بيعيط شكل عمو رأفت حصلو حاجه
تامر بصدمه:طيب طيب هجيب سامر واجي بسرعه سلاام
اتصل خاطر علي الاسعاف ووصلالي الفلا ودخل حجره المكتب وجد والد ليث مستلقي علي الكنبه وليث مرمي علي الارضيه ودموع علي وجهه
خاطر:ليث ليث فووق ليث
ليث بنعاس:بابا بابا بابا لالالا
وفاق ليث بإنهيااار:خاطر بابا يا خاطر بابا
دخل المسعفون احد الطاقم بعد الكشف علي والد ليث:ان لله وان اليه راجعون البقاء لله
ليث بهستيريا:مشو المتخلف دا من هنا بابا لسا عايش عايش انتا فااااهم لسا عايش مامتش استحاله يسبني قولو يا خاطر هاها سامر ارجوك قولهم
خاطر لاحد الطاقم:لو سمحت اديلو حقنه مهدء
وبلفعل تم اعطاء مهدء الي ليث وفقد الوعي من جديد وتم نقل جثمان السيد رأفت الي المستشفي ليكملو اجراءات دفنو وخاطر وسامر وتامر اخذو ليث الي المستشفي ليري اباه عندما يفوق ويودعه
**************************
في الشركه تم نشر خبر وفاه السيد رأفت المدير وكذلك عرفو ان ليث كان ابنه كانت صدمه للجميع ان ليث ابن رأفت
سجي:سمعتو الخبر
خديجه:خير
تيا:بشمهندس رأفت توفاه الله وليث طلع ابنه
لينا:ان لله وان اليه راجعون البقاء لله بس ليث ابنو ازاي
سجي:معرفش بس لازم نروح الجنازه انا هروح اغير هتيجو معايا
كل البنات زهبو لتغير ملابسهم الي الاسود
....................................................
في منزل لينا
هاتف يرن
لينا:الو
الفتاه:لولو
لينا:مين معايه
الفتاه:اخص عليكي يا ليلو مش فكراني
لينا:ميرنا بجد اذيك عمله ايه وحشاني
ميرنا:انتي صاحبه واطيه بجد كل دا متسئليش عني
لينا:مشاغل بس بصي يا روحي مش هعرف اكلمك دلوقتي
ميرنا:واضح اني جيت في وقت غلط
لينا:انتي كل اوقاتك غلط خالص يا ستي مدير شركه s.A اتوفا انهارده ولازم احضر وخصوصا ان ابنو كان بيدربني
ميرنا بتوتر:قولتي مين ممممدير الشركه هوا اسمو رأفت
لينا:اه اسمو رأفت يا ستي اقفلي بقا علشان الحق الجنازه
ميرنا بعياط:للليث كووويس هيصلو عليه ايه
لينا:الضهر انشاء الله وبعدين سمعت ان ليث منهار ثواني انتي تعرفيهم منين
ميرنا بإنهيار:لينا لو سمحتي ممكن تحاولي تأجلي الجنازه شويه علشان خاطري عايزه اشوفو
لينا بعدم فهم:ازاي اجل مش هعرف هما زمانهم دلوقتي خلصو الاجراءات
ميرنا بهستيريا:حاااولي حاااولي عايزهاشوف بابا قبل ما يدفن ابوس ايدك حاولي علشان خاطري...........
لينا:ابوكي انتي بنتو ؟؟
ميرنا:اه اه بلله عليكي هشوف اول طياره واجي علطول بس حاااولي ها هتحاولي
لينا بحزن:حاضر هطلع علي المستشفي دلوقتي سلام
ميرنا:كلميني لما توصلي بس اوعي تقولي لليث اني جايه
لينا:اشمعنا المفرود تبقي جنب اخوكي
ميرنا:اسمعي كلامي بس
**************************
في منزل ميرنا
عمار:ميرو انتي فين
ميرنا:عمار عايزه اقولك علي حاجه
عمار وهو يقترب منها:قولي
ميرنا بإرتعاش وخوف:بابا اتوفا انهارده عايزه عايزه اروح احضر الجنازه
عمار بصوت كالرعد:تروحي فين يا روح امك عايزه ترجعي مصر علي جثتي فاهمه
ميرنا بدموع:حرام عليك ارحمني بقا بقالي سنين بعيده عن ابويا بسببك
عمار:انقذتك منو عارفه يعني ايه انقذتك منو علشان هوا خاين وقتل امك افهمي بقا
ميرنا بصوت عالي ودموع:مهما عمل هوا ابويا الي رباني ولحد دلوقتي بحبو وزعلانه انو اتوفا حرام عليك حرمتني منو زمان وكل ما كان يوصلي كنت بتغير مكاني سبني ارجع لعلتي ارجوووك هحضر الجنازه واجي نفسي اشوفو
عمار قلع حزام البنطلون وطلعو وقعد يضرب فيها:علي جثتي تنزلي انتي فاهمه
ميرنا بوجع:اه اه حرام عليك ارحمني انتا ايه انتا انسان مريض استحاله تكون بني ادم
عمار:انا بقا هوريكي البني ادم دا هيعمل ايه
وانقد عليها بلضربات الموجعه
ميرنا:طلقني بقا طلقني
عمار:استحاله اطلقك فاهمه
وتركها في الارضيه بوجعها وغادر المنزل
....................................................
لمت ملابسها ووضعتها في الحقيبة واتصلت بلمطار لحجز طائره وبلفعل تسللت الي الخارج لتغادر بدون علمه انه وحش يعاملها اسوء معامله ووصلت الي المطار وركبت الطائره لتنزل الي مصر التي بها زكرياتها واوجاعها
**************************
نائم علي السرير رافض الافاقة للعالم يحلم بأمه واباه الذي يحبهم جدا وها هما عند ربهم
فلاش باك*
كان عمره عشرين عاما رجع من الكلية الي المنزل
ليث:يا اهل البيت انتو يا عالم يا الي هنا حد يرد عليا يا ماما يا بابا
وتسلل الي الداخل غرفه المكتب وراي والده حاضن والدته دخل كالصاعقه عليهم
رأفت:يخربيتك حد يدخل كدا
ليث:انا ابعد ايدك عنها
رأفت:الله ديه مراتي
ليث:الله ديه امي ومبحبش حد يلمسها
رأفت: نعم يا روح امك انا ابوك وديه مراتي ويحقلي اني المسها طب اهو
وقبلها في جبينها وحضنها
ليث:انت بتعاند معايا احج طب واللهي لتبات معايا انهارده ها
رأفت:طب عليا الطلاق لتبات في الاوضه ها ترضا امك تكون مطلقه
ليث:اه طلقها علشان هتجوزها انا
رافت:انتا بتغير مني يالا وعايز تتجوز امك
ساره:امو واختو ليث خف غيرتك ديه شويه اختك كدا هتعنس
ليث:ليه انشاء الله عملتلها ايه
ساره:لا يا حبيبي ولا حاجه بس بتاخد منها التليفون والاب توب بليل وبتمنعها من انها تكلم عمار خطيبها وممنوع تخرج معاه حتي لو ابوك وافق انتا بترفض ولما بتيجي تستأذنك بتقولها خلاص خليه يجي هنا ولما يجي بتقعد في النص ويا سلام بقا لو قلها بحبك بتضربو في وشو بقولك ايه بنتي الجوازه ديه لو متمتش بسببك انت حر يا ليث
ليث:هتعملي ايه ياعني يا ست الكل يا امي العسل انتي وحياتك انتي اصغر من بنتك
ساره بحنيه:ولا حاجه هجبلها عريس غيرو ههههه
رأفت:ثبتك هو في ثانيه وانا من امبارح بحاول اثبتك مش عارف وقلبالي بوذك
بص خد امك وامشي
ليث:يا هو انا اطول اخد ست الحبايب وبعدين خليك رومانسي شويه يا بابا سلام يا حج
باك*
افاق ليث من المهدء
سامر:ليث انت كويس
ليث بدموع:عايز اشوف بابا
دخلت لينا في الوقت دا
لينا:البقاء لله يا ليث
ليث:ونعم بلله
لينا بتوتر:ليث لو سمحت يعني ممكن نصلي علي عمو العصر بدال الضهر
ليث:اشمعنا
لينا:اصل بص علشان يعني اه انتا تعبان شويه وعقبال ما الناس تيجي علشان تحضر الجنازه يعني عقبال ما الكل يحضر نفسو ها ممكن
ليث بنظره للينا:ماشي انا هروح اقعد معاه شويه ارجوك يا تامر خدني عندو عايز اعتزرلو
....................................................
ذهب ليث الي المشرحه ودخل الي والده وجلس امامه
ليث بدموع:عارف انا مسمحك من بدري وعمري ما زعلت منك انا كل الي مدايقني ان انتا مشيت من غير ما اعتزر منك عارف يا بابا انتا عارف اني كنت متعلق بأمي جدا وصعب عليا اني اعيش من غيرها والسبب اني مرضتش امشي زي اخواتي هو اني بحبك ومقدرش اسيبك لوحدك بابا انتا مسامحني صح مسامحني علي كل معملاتي ليك بلطريقه ديه صح هااااا رد عليا
ومسك ايده وقعد يقبلها ويبكي كأنه طفل صعب انه يفقد ابوه وامه كأن الحياه توقفت عند تلك المرحله..............
**************************
لينا:انتي فين يا ميرنا
ميرنا:وصلت اهو
لينا:يلا علشان لساعه ٢ بسرعه بس اوعي تخشي المشرحه ليث جوا
ميرنا:ارجوكي طلعي ليث شويه عايزه ادخل لبابا
لينا:هحاول سلام
ميرنا:انا واقفه برا المستشفي اول ما ليث يخرج اتصلي بيا
لينا:حاضر
ودخلت لينا الي المشرحه
لينا:ليث لو سمحت حرام الي بتعملو دا تعالي علشان عايزين امضتك علشان الاجراءات بتاعت الدفن
ليث بحزن:حاضر
وعندما وقف لم يعرف ان يمشي لينا سندته حط ايده علي كتفها وخدتو الي غرفته ورنت علي ميرنا لتدخل الي والدها
ميرنا بعياط هستيري:بابا بابا بابا قوم قوم يا بابا انا اسفه انا ميرو اهو جيت قوم يا ريڤو موحشكش الاسم دا من ماما ومني واللهي غصب عني اني ابعد عنك عمار اجبرني وكان بيضربني كل يوم اه يابابا انا تعبت نفسي تاخدني في حضنك او تاخدني عندكو انت دلوقتي مع ماما ارجوك يا بابا قوم اه يا قلبي يااارب ياااارب الصبر من عندك ياااااارب اه يارب ارحمو وثبتو يااااااااااارب
لينا رنت عليها
لينا:اطلعي من الاوضه ليث جاي علشان هيروحو يدفنو ......
جنازه كبيره جدا ولينا في النهايه وليث في الامام يرفع التابوت ويبكي يبكي لا اله الي الله وتم دفن جثمان السيد رأفت وجلسو قليلا ليدعو له وبعد ذلك ذهبو جميعا الي الفيلا للعزااااااء...................
**************************
في العزاء
كان يجلس لا يشعر بأي احد من حوله نظرات العمال له كانت تزعجه كل شئ يزعجه فقد كل عائلته كل شئ ان الحياه مزعجه بدونهم اتي اليه اصدقائه وجلسو بجانبه
تامر:مش هتاكل يا ليث كل علشان تسند طولك نخلص من العزاء وندور علي اخواتك
ليث:؟؟؟
سامر:طب اتكلم عيط اعمل اي حاجه طب قوم معانا نصلي وندعيلو
نظر له ليث وقام من مكانه وذهب وتوضأ وظل يصلي ويدعي الي والده وكانت ميرنا تراقبه من بعيد تخشي ان تقترب في وقت مثل هذا كانت تبكي لانها تري اخيها الصغير هكذا تود لو احتضنها
ميرنا:عندك حق يا ليث عمار عمرو مكان شخص كويس في حياتي
وتذكرت كلمات ليث اليها منذ سبع سنوات فهيا الان في الثلاثون من عمرها
فلاش باك*
ميرنا:بقولك ايه انا زهقت بقا علي فكره انا الكبيره يا ليث وانت ملكش تتحك فيا انا بحب عمار واستحاله اسيبو فاهم
ليث بغضب:عمار انسان مش كويس لا اخلاق ولا دين وكل يوم في دسكو شكل وبيسكر عيزاني اسيبك معاه ازاي افردي استغلك وانتي زي الهبله مشيه وراه انا راجل وعارف نظراتو ليكي كويس اوي عمار عمره ما حبك يا ميرنا فاهمه ومش هتتجوزو انا سايبك فتره بس لحد ما تكتشفي بنفسك سلام
ميرنا بصريخ:هنتجوز يا ليث هنتجوز ملكش دعوه بيا خليك في حياتك يا اخي بقا
باك*
ميرنا:كان عندك حق عمار عمرو ما حبني كل دا علشان شهواته المقززه بس يا ليث انا تعبت حاولت اهرب كتير من بعد موت ماما وهو خطفني واتجوزني بجد يا ليث تعبت
ظلت تبكي بصوت مكتوم واكملت
صحيت بصرخ علي ماما لقيتو واقف قدامي في بلد غريبه يقول ان احنا اتجوزنا وان مفيش رجوع تاني ولا حتي هتشوفي دفنت امك عمره مكان انسان يستحق حبي بس انا بكره يا ليث واللهي بكره
لينا:ميرنا
ميرنا:نعم
لينا:ادخلي الاوضه علشان ليث ميشوفكيش ماشي
ميرنا:حاضر
وذهبت ميرنا الي غرفتها
**************************
في مكان اخر كان يجلس شاب في منتصف الثلاثينات يشرب الخمور وبجانبه النساء وكان فس عالم اخر الي ان اتي صديقه عمر
عمر:يا احمد كفايه شرب نفسي ترجع زي الاول بقا انت ايه مزهقتش هتقتل نفسك كدا
احمد بخمور:ياريت اموت ياااريت يا عمر انا تعبت استحاله تكون حياه الي انا عايشها ديه انت فاكر اني فرحان بلعكس
ضحك بهستيريا
شفت امي بتموت قدام عيني وابويا بيخنها وهيا عندها القلب مستحملتش دا حتي مهنش عليه يوديها المشتشفي وحبسني انا واخويا في الاوضه وسابها مرميه لحد بليل متعرفش انا نفسي انسي اليوم دا ازاي واختي مكناش لقينها خالص حسيت اني تايه محدش جنبي يمكن اموت من الي بعملو دا بس نفسي انسي بجد
كان يبكي كالطفل وبعد ذلك نام من كتر تأثير الخمر ونقله صديقه الي منزله
عمر:ربنا معاك يا صحبي بس الطريق دا غلط واخرتو وحشه وحشه اووووووي......
