السلام عليكوووم واش راكم لاباس
الحمدلله
تبانلي نبدا برك بدون مقدمات
بسم الله نبدا في المساطة تاععي 😂على بركة الله:
هموم المرأة كامل يبداو بحرف الميم معلاباليش علاه :
ماكياج،موضة،مكالمات،مسجات،مجمعات،محلات،
مطاعم،ملابس،مجوهرات،مناسبات،ماركات.....
بينما الراجل ميم واحدة دايرا فيه حاااالا:
مرتو.
ڨاتلي جداتي الله يرحمها :
يا بني إذا ذاقت بيك الدنيا و غلبوك الدموع .
ووصلت بيك لوجاع لنقطة ما ليها رجوع. و حسيت بداخلك انك مخدوع .وكان بقلبك خنجر مزروع .و كأنك نواصل في الوقوع .
ماتكونش مخلوع أضرب المطلوع راه واقيل ڨتلك الجوع.
المزطول: ألو الحماية واش أحوالكم📱 .
الحماية:لاباس الحمدلله واش عندك خويا.
المزطول: عندي زوج بنات و طفلة 😂.
الحماية :لالا قصدي علاش اتصلت واش الحالة لي راهي عندك ؟؟؟؟!
المزطول: الحمدلله راني في نعمة ڨلت نتصل بيكم باه متقولوش هذا غير تع مصلحة ويعيط غير في وقت الضرورة😋.
معلووومة جد هامة:
لو ينقطع الماكياج....
* اصابة : 90% من الفتيات بأمراض نفسية.
* انتشار لبس النقاب .
* انعدام(0000) معدل الزواج.
* ارتفاع نسبة الهجرة الغير شرعية.
* ارتفاع معدل اختطاف الشباب.
* ظهور موضة جديدة وهي ارتداء قناع باتمان عند الفتيات.
(جاوبوني بصراحة شكون تقدر تخرج من غير ماكياج 😂 انا نقدر.)
ربما الشعب الجزائري🇩🇿 الوحيد الذي يغسل سيارته باسفنجة ناعمة وهو يحك ظهرو بكياسة تنحي الجلد🛀🏻.
تعريف الإمضاء (السينياتير)في الجزائر :
هو أول حرفين من اسمك منبعد أطلڨ الفرا ليدك واكسيليري🚘.
